ஹரப்பா நாகரிக புதிர்கள் விடுவிக்கப் படவில்லை: அமைச்சர் தங்கம் தென்னரசு கருத்து – மொஹஞ்சதாரோ-ஹரப்பா நாகரிகம், பாகிஸ்தான், திராவிடஸ்தான் மற்றும் திராவிட மாடல் அகழாய்வு!

செப்ரெம்பர் 12, 2022

ஹரப்பா நாகரிக புதிர்கள் விடுவிக்கப்படவில்லை: அமைச்சர் தங்கம் தென்னரசு கருத்துமொஹஞ்சதாரோஹரப்பா நாகரிகம், பாகிஸ்தான், திராவிடஸ்தான் மற்றும் திராவிட மாடல் அகழாய்வு!

என்னே விந்தை இந்த ஹரப்பா நாகரிகம்என்ற நூல் வெளியீட்டு விழா: ஃப்ரன்ட்லைன் முன்னாள் இணை ஆசிரியர் டி.எஸ்.சுப்பிரமணியனின் ‘என்னே விந்தை இந்த ஹரப்பா நாகரிகம்’ நூலை சென்னையில் 06-09-2022 அன்று அமைச்சர் தங்கம் தென்னரசு வெளியிட, ‘தி இந்து’ குழும இயக்குநர் என். ராம் பெற்றுக்கொண்டார். இந்த டி.எஸ்.சுப்பிரமணியன் ஆராய்ச்சியாளர்களிடமிருந்து இறைய விசயங்களைக் கேட்டுப் பெற்றுக் கொல்வார். பிறகு, அவற்றை தனது எழுத்துகளுக்கும் உபயோகப் படுத்திக் கொள்வார்[1]. திமுக-தி.இந்து சொந்தங்கள்-பந்தங்கள் அறிந்ததே. அரசியல்-வியாபாரம்-பாதுகாப்பு என்றெல்லாம் திட்டம் இருக்கும் பொழுது, பெரியாட்கள் விசயத்துடன் தான் எல்லாவற்றையும் செய்வார்கள். ஹரப்பா நாகரிகம் குறித்த பல புதிர்கள் இன்றும் விடுவிக்கப்படவில்லை என்று தமிழக தொழில் மற்றும் தொல்லியல் துறை அமைச்சர் தங்கம் தென்னரசு கூறினார். ஃப்ரன்ட்லைன் முன்னாள் இணை ஆசிரியர் டி.எஸ்.சுப்பிரமணியன் எழுதிய ‘என்னே விந்தை இந்த ஹரப்பா நாகரிகம்’ என்ற நூல் வெளியீட்டு விழா சென்னையில் உள்ள ‘தி இந்து’ குழும அலுவலகத்தில் 06-09-2022 அன்று  நடைபெற்றது. அமைச்சர் தங்கம் தென்னரசு நூலை வெளியிட, ‘தி இந்து’ குழும இயக்குநர் என்.ராம் பெற்றுக்கொண்டார். விழாவில் அமைச்சர் தங்கம் தென்னரசு பேசியதாவது:

தென் தமிழகத்துக்கும், சிந்து சமவெளி நாகரிகத்துக்கும் உள்ள தொடர்பு[2]: சிந்து சமவெளியில் இந்திய தொல்லியல் ஆய்வக தலைமை இயக்குநராக இருந்த ஜான் மார்ஷல் அகழாய்வு செய்து 100 ஆண்டுகளாகிவிட்டன[3]. ஒவ்வொரு முறையும் அங்கு அகழாய்வு செய்யும்போது புதிய தகவல்கள் கிடைக்கின்றன. ஆனாலும், பாதியளவுக்குத்தான் அகழாய்வு செய்திருக்கிறோம். இன்றும் ஹரப்பா நாகரிகம் தொடர்பான பல புதிர்கள் விடுவிக்கப்படவில்லை[4]. திராவிட மொழிக்கும், சிந்து சமவெளி நாகரிகத்துக்கும் உள்ள தொடர்புகள் குறித்து தொடர்ந்து ஆய்வுகள் நடத்தப்பட்டு வருகின்றன[5]. தென் தமிழகத்துக்கும், சிந்து சமவெளி நாகரிகத்துக்கும் உள்ள தொடர்பு குறித்து ஆய்வுசெய்ய தமிழக அரசு ரூ. 77 லட்சம் ஒதுக்கீடு செய்துள்ளது[6]. இதேபோல, சங்ககால துறைமுகப் பட்டினங்கள் தொடர்பாக அகழாய்வு செய்தால், தமிழர்களின் வணிகம் தொடர்பான ஏராளமான தகவல்கள் கிடைக்க வாய்ப்புள்ளது[7]. கடும் உழைப்பால், பல அரிய தகவல்களுடன் இந்த நூல் உருவாகியுள்ளது,” இவ்வாறு அமைச்சர் பேசினார்.

புத்தகம் பற்றி பேச்சு: ‘தி இந்து’ குழும இயக்குநர் என். ராம் பேசும்போது, “நூலாசிரியர் வழக்கமான பத்திரிகையாளர் அல்ல. தொல்லியல் மட்டுமின்றி, அணு ஆற்றல், விண்வெளி ஆராய்ச்சி, இலங்கைப் பிரச்சினை உள்ளிட்டவை தொடர்பாகவும் பல கட்டுரைகளை எழுதியுள்ளார். ஹரப்பா நாகரிகம் தொடர்பாக நிறைய ஆராய வேண்டியுள்ளது. நானும் அங்கு ஒருமுறை சென்றுள்ளேன்,” என்றார். நூலாசிரியர் டி.எஸ்.சுப்பிரமணியன் பேசும்போது, “ஹரப்பா நாகரிகம் தொடர்பாக 1921-ல் அகழாய்வு செய்யப்பட்டது. அதன் நினைவாக இந்த நூல் உருவாக்கப்பட்டுள்ளது. இப்புத்தகத்தில் 600-க்கும் மேற்பட்ட புகைப்படங்கள் இடம்பெற்றுள்ளன,” என்றார். இந்த நிகழ்ச்சியில், ‘தி இந்து’ குழுமப் பதிப்பாளர் நிர்மலா லட்சுமணன் உள்ளிட்டோர் கலந்துகொண்டனர்.

தென் தமிழகத்துக்கும், சிந்து சமவெளி நாகரிகத்துக்கும் உள்ள தொடர்பு குறித்து ஆய்வுசெய்ய தமிழக அரசு ரூ. 77 லட்சம் ஒதுக்கீடு செய்துள்ளது: திமுக ஆட்சிக்கு வந்ததிலிருந்து, திராவிடம் பற்றி அதிகமாகவே, இனம், இனவாதம், இனவெறி, மொழிவெறி போன்ற ஒதுக்கப் பட்ட, சரித்திராசிரியர்களால் ஏற்றுக்கொள்ளப் படாத விசயங்களை வைத்துக் கொண்டு, பிரச்சாரம் செய்து வருகின்றனர். கீழடியை வைத்துக் கொண்டு வியாபாரம் செய்ய, கும்பல்கள் கிளம்பி விட்டன. தேவையில்லாமல், கோடிகளை செலவழித்து, மியூசியம், என்றெல்லாம் ஆர்பாட்டம் நடந்து கொண்டிருக்கிறது. வியாபார மயமாக்கப் பட்ட அகழாய்வை இங்குதான் பார்க்க முடிகிறது எனலாம். அரசியல்வாதிகள், எம்பிக்கள், எம்.எல்.ஏக்கள், அமைச்சர்கள் என்று தோண்டும் இடங்களுக்குச் சென்று, குழிகளில் இறங்கி, அனைவற்றையும் தொட்டு, இடம் மாற்றி, கீழே போட்டு ஆதாரங்களை சிதைத்து வருகிறார்கள். ஒதுக்கிய்ப் பணத்தை செலவழிக்க வேண்டும், மேலும் பணம் கேட்க வேண்டும் என்ற கோணத்தில் தான் செயல் பட்டு வருகின்றனர்.

தமிழ் தொன்மை ஆதாரம் கிடைப்பது, பணம் பெறுவது: இதனால், லட்சங்கள், கோடிகள் ஒதுக்கினாலும், மறுபடி தமிழ் தன் தொன்மையானது என்று ஆராய்ச்சியாளர்கள் கூற வேண்டும். இலையென்றால் பணமும் கிடைக்காது, பதவியும்-பாராட்டும் கிடைக்காது. அதற்கேற்ற முறையில் தான் எல்லோரும் “ஆமாம், சாமி” பாணியில் ஜாலியாக வேலை செய்து வருகின்றனர்.  பைபில் அகழ்வாய்வு (Biblical archaeology) என்றுள்ளது, அதன்படி, தோண்டினால், கண்டிப்பாக ஏதாவது ஒரு ஆதாரத்தைக்  கண்டு பிடித்துக் கொடுக்க வேண்டும். ஆதாரம் இல்லை என்றால், பணமும் இல்லை (no evidence, no money) என்பது, உலகத்திற்கு தெரிந்த விசயம். அதுபோலத்தான், தமிழகத்தில் அகழ்வாய்வுகள் நடந்து கொண்டிருக்கின்றன. தினம்தினம் ‘’எதையோ கண்டுபிடித்தனர்..…….” என்று செய்திகள் வந்துக் கொண்டிருந்ததை கவனித்திருக்களாம். இப்பொழுது குறைந்துள்ளது.

அகழாய்வு, அகழாய்வு ஆராய்ச்சி, நெறிமுறைகளைப் பின்பற்றாமல் நடந்து வரும் தோண்டுதல் முதலியன: அகழ்வாய்வு முறைகளை மீறிய செயல்களுடன் நடந்து வரும் இவற்றை அகழ்வாய்வு அறிஞர்கள் ஏற்றுக் கொள்ளாத நிலையில், தமிழகத்தில் மட்டும் ஆர்பாட்டம் செய்து வருகின்றன. ஏற்கெனவே அறிக்கை சமர்ப்பிப்பதில் காலதாமதம், மழை பெய்து குழிகளில் நீர் நிரம்பி தோண்டி எடுத்த ஆதாரங்கள் நனைந்து, பலரின் கைகள் பட்டு, படிவுகள் மாறி, தமது விருப்பத்திற்கு ஏற்ப, கையாண்டு வருகின்றனர். முறையை அகழ்வாய்வு கொள்கைகளைப் பின்பற்றாமல் இருக்கின்றனர். அரசியல் செய்து ஆர்பாட்டம் செய்து வருகின்றனர். ஸ்டாலின் தலைமையில் ஆழாய்வு நடைபெறுகிறது என்று செய்தி,ஏன், அறிக்கையையே அவர்தான் சட்டமன்றத்தில் படிக்கிறார். அந்த நிலையில், அகழாய்வு நடந்து கொண்டிருக்கிறது. இதெல்லாம் “திராவிட மாடல்” அகழாய்வு எனலாம் போலிருக்கிறது.

மொஹஞ்சதாரோஹரப்பன் நாகரிகம், பாகிஸ்தான், திராவிடஸ்தான், திராவிட மாடல்: முன்பு, ஜின்னா-பெரியார் முஸ்லிம்-திராவிட கூட்டு தவிடு பொடியாக்கி விட்டது. பாகிஸ்தான் கிடைத்தவுடன், ஜின்னா பெரியாரைத் தூக்கியெரிந்து விட்டார், அதனால், அம்பேத்கரைப் பிடித்துக் கொண்டார்[8]. ஜின்னா சென்னைக்கு வந்தபோது, அதிகமாக கண்டுகொள்ளவே இல்லை. பாகிஸ்தானியர் என்றுமே அந்நாகரிகம் திராவிடர் என்று ஒப்புக் கொண்டதே இல்லை[9]. இப்பொழுது அதனைக் கண்டு கொள்வதே இல்லை[10]. ஆனால், இங்கிருப்பவர்கள் தான் ஆர்பாட்டம்-கலாட்டா செய்து வருகிறார்கள். ஓய்வு பெற்ற ஏ. பாலகிருஷ்ணன் இப்பொழுது, திராவிடப் பாட்டு அதிகமாகவே பாடி வருகிறார். ஐராவதம் மஹாதேவனின் இருக்கையை ஆக்கிரமித்துக் கொண்டு, அவரது கொள்கையினை மீறி ஆராய்ச்சி செய்ய ஆரம்பித்துள்ளார். அவரது புத்தகங்கள் விற்கவேண்டும், பெயர்-புகழ் கிடைக்க வேண்டும் என்ற நோக்கில் செயல்படுகிறார். இத்தகைய முரண்பாடுகளூடன் தான், ‘திராவிட மாடல் அகழாய்வு” ஆராய்ச்சி நடந்து கொண்டிருக்கிறது.

© வேதபிரகாஷ்

07-09-2022


[1]  தன்னுடைய கட்டுரைகளில் அவற்றை தாராளமாக உபயோகப் படுத்திக் கொள்வார். தி.இந்துவில் தமது கட்டுரை அல்லது கண்டுபிடிப்பு / விவரங்கள் வருமே என்று ஆசைப்பட்டு ஆராய்ச்சியாளர்கள் விசயங்கள், குறிப்புகள், புகைப் படங்கள் கொடுப்பார்கள். ஆனால், பத்தில் ஒன்று மடங்கு தான் வரும், மிச்சம் அவரது உபயோகத்திர்குச் சென்று விடும். இந்த முறையை மற்ற பிரபல நாளிதழ் எழுத்தாளர்களும் பின்பற்றி வருகிறார்கள்.

[2] தமிழ்.இந்து, ஹரப்பா நாகரிக புதிர்கள் விடுவிக்கப்படவில்லை: அமைச்சர் தங்கம் தென்னரசு கருத்து, செய்திப்பிரிவு Last Updated : 07 Sep, 2022 06:46 AM.

[3] https://www.hindutamil.in/news/tamilnadu/862407-harappan-civilisation.html

[4] g7tamil, ஹரப்பா நாகரிக புதிர்கள் விடுவிக்கப்படவில்லை: அமைச்சர் தங்கம் தென்னரசு கருத்து, By G7tamil, September 7, 2022.

[5]https://g7tamil.in/%E0%AE%B9%E0%AE%B0%E0%AE%AA%E0%AF%8D%E0%AE%AA%E0%AE%BE-%E0%AE%A8%E0%AE%BE%E0%AE%95%E0%AE%B0%E0%AE%BF%E0%AE%95-%E0%AE%AA%E0%AF%81%E0%AE%A4%E0%AE%BF%E0%AE%B0%E0%AF%8D%E0%AE%95%E0%AE%B3%E0%AF%8D/

[6] தமிழ்.முரசு, ஹரப்பா நாகரிக புதிர்கள் விடுவிக்கப்படவில்லை: அமைச்சர் தங்கம் தென்னரசு கருத்து, 8 Sep 2022 05:30.

[7] https://www.tamilmurasu.com.sg/tamilnadu/story20220908-95719.html

[8]  1950களில் அம்பேத்கரும், பெரியாரின் ஸ்திரமற்ற கொள்கைகளை அறிந்து கழட்டி விட்டார். பர்மா சந்திப்பே அதனை வெளிப்படுத்துகிறது.

[9] திராவிடத்துவாதிகள் இந்த உண்மையை முழுமையாக மறைத்து எழுதி, பேசி வருகின்ன்றனர். இப்பொழுதைய பாலகிருஷ்ணனும், இதே வேலையை செய்து வருகறார்.

[10]  ஐக்கிய நாடுகள் கலாச்சாரப் பிரிவு, இதன் பாரம்பரிய சின்ன அடையாளத்தைக் கூட பாகிஸ்தான் தக்க வைத்துக் கொள்ள விரும்பவில்லை என்று செய்திகள் வந்துள்ளன.

உலகில் முதலில் பிறந்த குரங்கு – தமிழ்க்குரங்கு தான் – திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (2)

ஜூலை 20, 2022

உலகில் முதலில் பிறந்த குரங்குதமிழ்க்குரங்கு தான்திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (2)

அரசியல்ஆதிக்கம்அதிகாரம் மூலம் திணிக்கப் படும் மனித விரோத இனவாத, இனவெறித்துவ சித்தாந்தங்கள்: ஆக திராவிடத்துவ வாதத்துடன், இன்றும் இனவாதங்களை வைத்து அரசியல், பாடதிட்டம், சமூக அணுகுமுறை முதலியவற்றை நடத்திக் கொண்டிருந்தால், தமிழகம் சீரழிந்து தான் போகும். இருப்பினும், மக்களின் நம்பிக்கைகளால், பழக்க-வழக்கங்களினால், இவற்றையெல்லாம் கடந்து, நடப்பவை நடந்து கொண்டிருக்கின்றன. பொறுப்புள்ள முதலமைச்சர் இந்த 21ம் நூற்றாண்டிலும், யாரோ, விசயம் தெரியாதவர் எழுதி கொடுத்ததை படித்தால், மக்களுக்கு நன்மை ஏற்பட்டு விடாது. மேலும், உலகம் முழுவதும் கவனிக்கும் போது, உண்மை வெளிப்பட்டு விடும். இங்கு வேண்டுமானாலும், எல்லாவற்றையும் கேட்டுக் கொண்டு, “ஆமாம், சாமி” போட்டுக் கொண்டிருப்பார்கள். மெத்தப் படித்த பல மனிதவியல், அகழ்வாய்வு, மனிதவியல்- அகழ்வாய்வு, அகழ்வாழ்வியல்- மனிதவியல், அறிஞர்கள், வல்லுனர்கள், பேராசிரியர்கள் எல்லாம் இருந்தும் வாய் திறக்காமல் இருப்பதிலிருந்தே அறிந்து கொள்ளலாம். சரித்திரத் தன்மையற்ற குப்பைத் தொட்டியில் போடப்பட்ட இனவாதத்தை வைத்து, இன்னும் அரசியல் செய்யலாம், என்றால் செய்து கொண்டே இருக்கலாம். பிறகு, பொருளாதார முன்னேற்றம், தொழிற்துறை மேன்பாடு, முதலியவைப் பற்றி கண்டுகொள்ள முடியாது..   

திராவிடத்துவ ஆராய்ச்சியின் கோலம்அலங்கோலம்அரசியல்: முன்பு ஆஸ்கோ பார்போலா, நொபுரா கரஷிமா போன்றோரை வைத்துக் கொண்டு, போலித்தாமாக பிம்பத்தை உருவாக்க கருணாநிதி முயன்றார். ஆனால், ஆஸ்கோ பார்போலா, தான் பதவியில் இருக்கும் போது ஒரு மாதிரி, ஓய்வு எற்றப் பிறகு வேறு மாதிரி என்று பேசி வந்தார்[1]. ஆனால், எழுதும் போது எச்சரிக்கையாக இருந்தார். திராவிடனும் இல்லை- ஆரியனும் இல்லை என்பது போலத்தான் முடிவுகள் இருக்கும். நொபுரா கரஷிமா எப்பொழுதுமோ “திராவிடத்துவ அரசியலுக்கு” ஒத்துப் போகவில்லை. 2013ல் நடத்தப் பட்ட மாநாட்டிற்கு வரமுடியாது என்றே சொல்லி விட்டார். அப்பொழுது, கண்டியூர் கல்வெட்டு என்ற மோசடி நடந்தது. பிறகு, உலகத் தமிழ் மாநாடு கோயம்புத்தூரில் நடந்தபோதும், அதனை ஒப்புக் கொள்ளவில்லை. அதனால், “செம்மொழி மாநாடு” என்று பெயர் மாற்றப் பட்டது. “நேதி, நேதி” ஐராவதம் மகாதேவன் மற்ற மாநாடுகளில் “நேதி, நேதி” (அதுவுமில்லை, இதுவுமில்லை) என்று சொல்லி தப்பித்து வந்தார். இப்பொழுது, பாலகிருஷ்ணன் அவரது இடத்தைப் பிடித்துக் கொண்டு விளையாடி வருகிறார்.

ஆரிய படையெடுப்பு இல்லை, திராவிடர்களே, ஆரியர்கள் வருவதற்கு முன்னமே தெற்காக நகர்ந்து சென்று விட்டனர்: அஸ்கோ பர்போல திடீரென்று அதிரடியாக, இரண்டாம் மில்லினியம் காலத்தில் ஆரியர்களுக்கும், திராவிடர்களுக்கும் என்ன நடந்திருக்கும் என்பதற்கு, ஒரு புதிய திரிபு வாதத்தை முன்வைத்துள்ளார். இதன்படி, திராவிடர்கள் விரட்டியடிக்கப்படவில்லை, ஆனால், ஆரியர்கள் அங்கு நகரத்திற்கு வருவதற்கு முன்னமே, படிப்படியாக அவர்களே மேய்ச்சலுக்கு நல்ல பசுமையான நிலங்களைத் தேடிக்கொண்டு, தெற்கு நோக்கி நகர்ந்து சென்று விட்டனர். சென்னைக் கிருத்துக் கல்லூரியின் சார்பாக, கிஃப்ட் சிரோமணி என்பாரது நினைவுச் சொற்பொழிவாக, தான் “சிந்துவரிவடிவம், திராவிட ஹரப்பன்கள், காட்டுக்கழுதை” என்ற தலைப்பில் பேசியதைப் பற்றி, இந்தியன் எக்ஸ்பிரஸுக்குச் சொன்னார். அவரது ஆராய்ச்சியின் படி, திராவிடர்கள்தாம், குஜராத்தில் உள்ள சிந்துசமவெளி நாகரிகத்தில் இருந்தனர். அவர்களில் சிலர் மேய்ச்சலுக்கு நல்ல பசுமையான மற்றும் செழுமையான நிலங்களைத் தேடிக்கொண்டு தெற்காக நகர்ந்தனர். இது ஆரியர்கள் கூட்டம் கூட்டமாக பெருமளவில் வருவதற்கு முன்பே ஏற்பட்டது, என்று ஆதாரங்கள் உள்ளன.

வடஇந்தியாவில் ஆங்கிலேயர்களைப் போல ஆரியர்கள் திராவிடர்களை இந்தோஆரிய மொழியைக் கற்றுக்க்கொள்ளச் செய்தனர்: ஆங்கிலேயர்கள் எப்படி பிராமணர்களை ஆங்கிலம் கற்றுக்கொள்ளவைத்து, தங்கள் கீழ் வேலை செய்யவைத்து, நாட்டை ஆண்டனரோ, அதே போல, சிந்துநதி அருகில் தங்கி விட்ட, திராவிட சமுதாயமும், குறிப்பாக சமுதாயத்தலைவர்கள், இந்தோ-ஆரிய மொழியைக் கற்றுக்கொண்டது. திராவிடர்களுடைய மேற்தட்டுக் குடிகள் அவ்வாறு ஆரிய மொழியைக் கற்றுக் கொண்டு, வட-திராவிடர்களாக மாறினர். இருப்பினும் அவர்களது மொழியில், முந்தைய-திராவிட கூறுகளைத் தக்கவைத்துக் கொண்டனர். தென்னிந்தியாவில் திராவிட மொழிகள் இன்னும் பேசப்பட்டு வருகின்றன, ஏனெனில், ஆரியர்கள் தென்னிந்தியாவை முழுவதுமாக வெற்றிக் கொள்ளமுடியவில்லை. வட-இந்தியாவை அவ்வாறு வெற்றிக் கொள்வதற்கே பல நூற்றாண்டுகள் ஆகியிருக்கும். ஆனால், இப்பொழுதைக்கு, சரித்திர ஆசிரியர்களிடம் வழக்கத்தில் உள்ள சித்தாந்தமானது, ஆரியர்கள் திராவிடர்களை தென்னிந்தியாவிற்கு விரட்டியடித்தனர் என்பதுதான். இது படித்தவர்களிடையே, இப்பொழுது சர்ச்சையை எழுப்பியுள்ளது.

கழுதை போல, இனி குரங்கும் திராவிடத்துவத்தில் இடம் பெறும்: ஆஸ்கோ பார்போல விசயத்தில், கழுதை விவாதப் பொருளாகியது[2]. இனி, ஸ்டாலினின் குரங்கும் அதில் சேரும்.

  • உலகில் முதலில் பிறந்த குரங்கு – தமிழ்க்குரங்கு தான், மற்ற மொழி குரங்குகள் எல்லாம் பிறகு தோன்றின, பிறந்தன, வளர்ந்தன.
  • தமிழ் குரங்கு தான் முதன் முதலில் மனித குரங்காக மாறியது. Hominid ஆக இருந்த போதே, இறைச்சி சாப்பிட்டு, குடித்துக் கொண்டிருந்தது.
  • ஈவேராத் தான் அதனை ஓரளவுக்கு Homo-habilis ஆக்கியதால், கொஞ்சம் கத்த ஆரம்பித்தது, குதித்தது, ஆடிப் பாடிக் கொண்டிருந்தது.
  • அண்ணா அதனைத் தூக்கி நிறுத்த homo-erectus ஆகியது. உடன் பிறவா தோழர்கள் உருவாகினர். மற்றவர்களைத் தூக்கி விட்டனர்.
  • கருணாநிதி தான் அவற்றை homo-sapien ஆக்கினார், கழகக் கண்மணிகளாக சூப்ப ஆரம்பித்தனர், ஞானம் / அறிவு பெற்றனர்..
  • ஸ்டாலின் வந்த பிறகு, தமிழகத்திலிருந்து, தமிழ் குரங்குகள் பல தேசங்களுக்கு செல்ல ஆரம்பித்தன. சிந்துக்கு சென்று உலகம் முழுவதும் பரவின.
  • தெலுங்கு குரங்கு, கன்னடக் குரங்கு, மலையாளக் குரங்கு எல்லாம் தோன்ற, திராவிடக் குரங்கு என்ற கூட்டணி உருவாகியது,
  • ஆரியக் குரங்கு, வந்தேறி குரங்கு, குந்தேறி குரங்கு, வந்துகுந்தேறிய குரங்கு என்று எல்லா குரங்குகளுடன் சண்டை போட ஆரம்பித்தது.
  • திடீரென்று ஹிந்தி குரங்கு வர, இந்தி தெரியாது போடா என்றது. இதனால், மற்ற திராவிட குரங்குகள் கூட்டணியிலிருந்து ஓடிவிட்டன.
  • திடீரென்று திராவிட குரங்களுக்குள் சண்டை ஏற்பட திக-குரங்கு, திமுக-குரங்கு, அதிகும-குரங்கு, தேதிமுக-குரங்கு என்றெல்லாம் உருவாகின.

திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்!: இனி ஆராய்ச்சிகள் இந்த கோணத்தில் ஆரம்பிக்கும், தொடரும். இனம், இனவெறி, இனவெறித்துவம் தலைக்கேறி, போதையுடன் இருக்கும் நிலையில், சரித்திரம் மட்டுமல்லாது, விஞ்ஞானமும் மறக்கப் படுகிறது. இனி பல்கலைக் கழகங்களில் மனிதவியல், அகழ்வாய்வு, மனிதவியல்- அகழ்வாய்வு, அகழ்வாழ்வியல்- மனிதவியல், முதலியவை படிக்க வேண்டும், அவற்றையும், இது போலவே மாற்றி விடலாம். அத்தகைய பாடதிட்டங்களின் படியே, “திரூவிட குரங்கு” மூலங்களைப் பற்றி ஆராய்ச்சி செய்யலாம். இத்தகைய இனவெறித்துவ முரட்டு நம்பிக்கைகளை வைத்துக் கொண்டே காலத்தை ஓட்டி விடலாம். மொழி, மொழித்துவ வெறி, இனம், இனத்துவ வெறி இவற்றைத் தாண்டி, இனி மனிதகூறு விஞ்ஞானத்தையும் மறுத்து, கட்டுக்கதைகளை நம்பி, அரசியல் செய்தால், யாரும் ஒன்றும் செய்ய முடியாது.

© வேதபிரகாஷ்

20-07-2022


[1]  வேதபிரகாஷ், ஆஸ்கோ பர்போல, கருணாநிதி, ஐராவதம் மஹாதேவன்: சிந்துசமவெளி குறியீடுகள்!, ஜூன்.24 2010.

[2]  வேதபிரகாஷ், சிந்து வரிவடிவம், ஹரப்பன் திராவிடி மற்றும் காட்டுக் கழுதை, ஜூன்.16 2010.

உலகில் முதலில் பிறந்த குரங்கு – தமிழ்க்குரங்கு தான் – திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (1)

ஜூலை 20, 2022

உலகில் முதலில் பிறந்த குரங்குதமிழ்க்குரங்கு தான்திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (1)

தமிழ்நாடு நாள்’, ‘தமிழ்நாடு திருநாள்என்று சொல்லும்போதே நமது உள்ளத்தில் ஒரு மகிழ்ச்சி ஏற்படுகிறது; தமிழ்நாடு முதலமைச்சர் மு.க.ஸ்டாலின் 18-07-2022 அன்று தனது முகாம் அலுவலகத்திலிருந்து காணொலிக் காட்சி வாயிலாக சென்னை, கலைவாணர் அரங்கத்தில் நடைபெற்ற தமிழ்நாடு திருநாள் விழாவில் கலந்துகொண்டார்[1]. இதில் உரையாற்றிய முதலமைச்சர் ஸ்டாலின், “எத்தனையோ விழாக்கள், நிகழ்ச்சிகள் இருந்தாலும், தமிழ்நாடு திருநாள் என்ற நிகழ்ச்சிக்கு இணையானது எதுவுமில்லை[2]. ஏனென்றால், ‘தமிழ்நாடு நாள்’, ‘தமிழ்நாடு திருநாள்’ என்று சொல்லும்போதே நமது உள்ளத்தில் ஒரு மகிழ்ச்சி ஏற்படுகிறது[3]. அதனைச்சொல்லும்போதே ஒரு ஆற்றல் பிறக்கிறது. “தமிழ்நாடு வாழ்க! தமிழ்நாடு வாழ்க! தமிழ்நாடு வாழ்க!” என்று அண்ணா, 1967ஆம் ஆண்டு ஜூலை 18ஆம் நாள், தமிழ்நாடு சட்டப்பேரவையில் முழங்கிய முழக்கத்தை, மீண்டும் ஒரு முறை முழங்குவதன் மூலமாக என் உள்ளத்தில் மலர்ச்சி ஏற்படுகிறது[4].  செந்தமிழ் நாடென்னும் போதினிலே – இன்பத்தேன் வந்து பாயுது காதினிலே – எங்கள் தந்தையர் நாடென்ற பேச்சினிலே – ஒரு சக்தி பிறக்குது மூச்சினிலே – என்று பாடினார் மகாகவி பாரதியார். அத்தகைய உணர்ச்சியை நாம் இன்று பெறுகிறோம். இத்தகைய உணர்ச்சியை ஊட்டும் தமிழ்நாடு என்ற பெயர் சூட்டிய சாதனையானது, சாதாரணமாக நடந்துவிடவில்லை.

மொழிப்போர் தியாகிகள் தமிழுக்கு உயிர் விட்ட தியாகிகள்: தமிழ்நாட்டுக்கு தமிழ்நாடு என்று பெயர் சூட்டுங்கள் என்று சொல்லி 72 நாட்கள் உண்ணாவிரதம் இருந்து மறைந்தார் விருதுநகர் தியாகி சங்கரலிங்கனார்![5] தலைகொடுத்தாவது தலைநகரைக் காப்பேன் – என்று முழங்கியவர் தமிழரசு கழகத் தலைவர் ம.பொ.சி.அவர்கள். தனது வாழ்க்கையின் பெரும்பகுதியை மொழிவாரி மாகாணம் உருவாக்க ஒப்படைத்துக் கொண்டவர் சிலம்புச் செல்வர்[6]. அவர்கள். திருத்தணியில் நடந்த தடியடியில் இறந்து போனார்கள் இரண்டு தியாகிகள். தென் எல்லைப் போராட்டத்தில் 11 பேர் துப்பாக்கியால் சுடப்பட்டு இறந்து போனார்கள். தமிழ்நாடு கேட்டு போராடுபவர்களை ‘நான்சென்ஸ்’ என்று சொன்னதை எதிர்த்து மும்முனைப் போராட்டம் நடத்தியது திராவிட முன்னேற்றக் கழகம். நாடுமுழுவதும் பல்லாயிரக்கணக்கானவர்கள், பல மாதங்கள் சிறை வைக்கப்பட்டார்கள். தூத்துக்குடியில் நான்கு பேர் துப்பாக்கிச் சூட்டில் கொல்லப்பட்டார்கள்.

திமுக ஆட்சியில் தான் தமிழ்நாடு பெயர் சூட்டப் பட்டது: தமிழர்கள் பெரும்பான்மையாக வாழும் மாநிலத்துக்கு, ‘தமிழ்நாடு’ என்று பெயர் சூட்டுவதற்கே நாம் பல பத்தாண்டுகளாகப் போராட வேண்டி வந்தது, வாதாட வேண்டி இருந்தது, பேச வேண்டி இருந்தது, எழுத வேண்டி இருந்தது, உயிரைத் தர வேண்டி இருந்தது, ரத்தம் சிந்த வேண்டி வந்தது, மாநிலங்களவையில் குரல் எழுப்ப வேண்டி வந்தது, சட்டப்பேரவையில் தொடர்ந்து கேட்க வேண்டி வந்தது, தீர்மானங்களைக் கொண்டு வர வேண்டி வந்தது. அத்தனைக்குப் பிறகும் ‘தமிழ்நாடு’ என்று சொல்வதற்கான அனுமதி கிடைக்கவில்லை. இறுதியாக, திராவிட முன்னேற்றக் கழகம் ஆட்சியில் அமர்ந்த காரணத்தால்தான், தாய்த் தமிழ்நாட்டுக்குத் ‘தமிழ்நாடு’ என்று பெயர் சூட்டப்பட்டது. அண்ணா முதலமைச்சராக வந்ததால்தான் தாய்த்தமிழ்நாட்டுக்கு ‘தமிழ்நாடு’ என்று பெயர் சூட்டப்பட்டது.

சென்னை பிரதேசம் ஆக வேண்டியது தமிழ்நாடு அனது: “தமிழாய்ந்த தமிழ்மகன்தான் தமிழ்நாட்டின் முதலமைச்சர் ஆதல் வேண்டும்” என்று பாவேந்தர் பாரதிதாசன் அவர்கள் குறிப்பிட்டாரே, அத்தகைய தலைமகனான அண்ணா தலைமையில், கருணாநிதி, நாவலர் போன்றவர்கள் அமைச்சர்களாக வந்ததால்தான், இந்தத் தாய்த் தமிழ்நாட்டுக்கு தமிழ்நாடு என்று பெயர் சூட்டப்பட்டது.திராவிட முன்னேற்றக் கழகம் என்ற இயக்கம் உருவாகாமல் போயிருந்தால், தமிழ்நாட்டில் இந்த இயக்கம் ஆட்சிக்கு வராமால் போயிருந்தால், இந்த மாநிலத்திற்கு இன்று வரையில் தமிழ்நாடு என்ற பெயர் சூட்டப்படாமலேயே இருந்திருக்கும் என்பதை யாரும் மறந்து விட வேண்டாம். உத்தரப்பிரதேசம், மத்தியப்பிரதேசம், அருணாச்சலப்பிரதேசம் போல இதுவும், ‘சென்னை பிரதேசம்’ என்று அடையாளமற்ற மாநிலமாகத்தான், இன்று வரை இருந்திருக்கும் என்பதை யாரும் மறந்துவிட வேண்டாம்.

தமிழினம், ஒரு நிலத்தில் ஒரு நாட்டில் மட்டுமே வாழும் இனம் அல்ல; உலகளாவிய இனம்; திராவிடம் என்ன கிழித்தது என்று வாய் கிழியப் பேசுபவர்கள் இதனை அறிய வேண்டும். தமிழ்நாட்டுக்குத் தமிழ்நாடு என்று பெயர் சூட்டியதைவிட, வேறு சாதனை ஏதாவது தேவையா? மூவாயிரம் ஆண்டு பழமைகொண்ட தமிழ்மொழிக்குச் செம்மொழி என்ற தகுதியைப் பெற்றுத் தந்தது திராவிட முன்னேற்றக் கழகத்தின் சாதனை அல்லவா? இதனைவிட வேறு சாதனை தேவையா? இத்தகைய சாதனைச் சரித்திரத்துக்குச் சொந்தக்காரர்கள் நாம்.அதனால்தான், தமிழ்நாடு நாளைத் ‘தமிழ்நாடு திருநாளாக’ நாம் கொண்டாடிக் கொண்டு இருக்கிறோம். உலகம் முழுவதும் பரந்து விரிந்து வாழும் ஓர் இனம் உண்டென்றால், அது தமிழினம் தான். நம்முடைய இனம், ஒரு நிலத்தில் ஒரு நாட்டில் மட்டுமே வாழும் இனம் அல்ல; உலகளாவிய இனம்.

மூத்த மொழி தமிழ்: முப்பதுக்கும் மேற்பட்ட நாடுகளில் அதிக எண்ணிக்கையிலும், அறுபதுக்கும் மேற்பட்ட நாடுகளில் குறைந்த எண்ணிக்கையிலும் தமிழர்கள் வாழ்கிறார்கள்[7]. இவர்கள் அனைவருக்கும் தமிழ்நாடுதான் தாய்வீடு. இவர்கள் அனைவருக்கும் தமிழ்நாடுதான் தாய்நாடு[8]. “கல்தோன்றி மண்தோன்றாக் காலத்தே வாளொடு முன் தோன்றிய மூத்த குடி – நம்முடைய தமிழ்க்குடி!” அத்தகைய தமிழ்க்குடியின் தாய்மடி, இந்தத் தமிழ்நாடுதான்[9]. தமிழ்நாடு திருநாள் நிகழ்வுதமிழ்நாடு திருநாள் நிகழ்வுதமிழ்நாட்டில், கி.மு.ஆறாம் நூற்றாண்டிலேயே நகரமயமாக்கம் ஏற்பட்டிருந்தது என்பதை, கீழடி நமக்கு நிரூபித்துக் கொண்டு இருக்கிறது[10]. அதேபோல், சிவகளை முதுமக்கள் தாழியில் கண்டெடுக்கப்பட்ட உமி நீங்கிய நெல்மணிகளின் காலம் கி.மு.1155 எனக் கண்டறியப்பட்டுள்ளது.

3200 ஆண்டுகளுக்கு முறபட்ட தமிழ் நாகரிகம்: ‘தண் பொருநை’ என்று அழைக்கப்பட்ட தாமிரபரணி ஆற்றங்கரை நாகரிகம் 3,200 ஆண்டுகளுக்கு முற்பட்டது. இவை அனைத்தும் உலகப் புகழ்பெற்ற மானுடவியல் ஆராய்ச்சியாளர்களால் ஒப்புக் கொள்ளப்பட்ட உண்மைகள். “உலகில் முதலில் பிறந்த குரங்கு – தமிழ்க்குரங்குதான்” என்று நம்மைச் சிலர் அந்தக் காலத்தில் கிண்டல் செய்வார்கள்[11]. அதைப் பற்றி நமக்குக் கவலையில்லை. நாம் எதைச் சொன்னாலும் ஆய்வுப்பூர்வமாகத்தான் சொல்கிறோம்[12]. சிலர் போலக் கற்பனையாகச் சொல்லவில்லை. அத்தகைய வரலாற்றுப் பெருமை கொண்ட நமது தமிழினம் வாழ்ந்த நிலப்பரப்புக்கு, தமிழ்நாடு என்ற பெயர் இல்லை[13]. அதற்காகவும் போராட வேண்டி இருந்தது என்பது அவமானம் அல்லவா? அந்த அவமானம் துடைக்கப்பட்ட நாள்தான், இந்த ஜூலை 18-ஆம் நாள்” எனப் பேசினார்[14].

© வேதபிரகாஷ்

20-07-2022


[1] இ.டிவி.பாரத், சென்னை பிரதேசம்என்ற அடையாளமற்ற மாநிலமாகத்தான் இருந்திருக்கும்..’’ – ‘தமிழ்நாடு திருநாள்குறித்து முதலமைச்சர் உணர்ச்சிமிகு பேச்சு!, Published on: Jul 18, 2022, 10:42 PM IST.

[2] https://www.etvbharat.com/tamil/tamil-nadu/state/chennai/chennai-pradesh-would-have-been-an-unidentified-state-chief-minister-stalin-is-proud-of-tamil-nadu-thirunal/tamil-nadu20220718224253117117416?utm_source=JioNews&utm_medium=referral&utm_campaign=JioNews

[3] கலைஞர் செய்திகள், கொஞ்சம் விட்டிருந்தால் தமிழ்நாடு சென்னை பிரதேசம் ஆக மாறியிருக்கும்: சண்டை செய்வதன் அவசியத்தை விளக்கிய CM!, Prem Kumar, Updated on : 18 July 2022, 04:56 PM

[4] https://www.kalaignarseithigal.com/tamilnadu/2022/07/18/cm-mk-stalins-speech-at-the-tamil-nadu-day-function-tamil-nadu-would-have-become-chennai-region

[5] தமிழ்.ஒன்.இந்தியா, தமிழின நிலப்பரப்புக்கு தமிழ்நாடு பெயரிட இயலாத அவமானம் அகற்றப்பட்ட நாள் இன்றுமுதல்வர் மு..ஸ்டாலின் , By Mathivanan Maran Published: Monday, July 18, 2022, 15:52 [IST]

[6] https://tamil.oneindia.com/news/chennai/cm-mk-stalin-speech-in-tamilnadu-day-466831.html

[7] தமிழ்.இந்து, தமிழ்நாடுஎன்று பெயர் சூட்டியதை விட வேறு சாதனை தேவையா? – முதல்வர் ஸ்டாலின் பெருமிதம், செய்திப்பிரிவு, Published : 18 Jul 2022 02:01 PM; Last Updated : 18 Jul 2022 02:01 PM.

[8] https://www.hindutamil.in/news/tamilnadu/828144-cm-mk-stalin-speech-on-tamil-nadu-day.html

[9] தினத்தந்தி தமிழ்நாடு நாள் விழாவில் உரையாற்றுவது எனக்கு கிடைத்த மிகப்பெரிய பெருமை: முதல்அமைச்சர் மு..ஸ்டாலின், ஜூலை 18, 1:23 pm.

[10] https://www.dailythanthi.com/News/State/it-was-my-greatest-honor-to-address-the-tamil-nadu-day-function-chief-minister-m-k-stalin-748290

[11] NEWS18 TAMIL, “உலகில் முதலில் பிறந்த குரங்குதமிழ்க்குரங்குதான்” – முதலமைச்சர் மு..ஸ்டாலின் பேச்சு, LAST UPDATED : JULY 18, 2022, 14:29 IST.

[12] https://tamil.news18.com/news/tamil-nadu/tamil-nadu-chief-minister-m-k-stalin-speech-in-tamil-nadu-day-function-773262.html

[13] தினகரன், மாநிலத்தில் சுயாட்சி அமைந்தால்தான் இந்தியாவின் ஒருமைப்பாடு காப்பாற்றப்படும்: சென்னை விழாவில் காணொலி வாயிலாக முதல்வர் மு..ஸ்டாலின் பேச்சு, 2022-07-19@ 01:22:16. ; https://www.dinakaran.com/news_detail.asp?Nid=783839

[14] https://www.dinakaran.com/news_detail.asp?Nid=783839

கல்வெட்டியல், கல்வெட்டு நிபுணர், போராடும் பிரச்சினை-  தமிழக அரசியல்வாதிகள் புகுந்து குழப்புவது, நிலுவையில் கிடக்கும் வழக்குகள், ஆரிய-திராவிடக் கட்டுக் கதைகளில் முடிந்த நிலை! (4)

ஓகஸ்ட் 2, 2021

கல்வெட்டியல், கல்வெட்டு நிபுணர், போராடும் பிரச்சினை–  தமிழக அரசியல்வாதிகள் புகுந்து குழப்புவது, நிலுவையில் கிடக்கும் வழக்குகள், ஆரியதிராவிடக் கட்டுக் கதைகளில் முடிந்த நிலை! (4)

கல்வெட்டுத் துறையில் சிறப்பானவர் இல்லாதிருப்பது[1]: கல்வெட்டுத்துறையினர், வெளியே வராமல், காலத்தை ஓட்டி வந்தனர். தேசிய-அனைத்துலக மாநாடுகளில் கலந்து கொள்வது, ஆராய்ச்சி கட்டுரைகள் படிப்பது என்றெல்லாம் அலுவலகங்களில் உட்கார்ந்திருந்தனர். தமிழகத்தில் உள்ளோர், அப்பதவிக்கு வர, போதிய படிப்பு, அனுபம் இல்லாதிருததால், அவர்கள் வேலைக்கு வர முடியவில்லை[2]. நீதிமன்ற வழக்குகள் இதை அப்பட்டமாக வெளிப் படுத்துகிறது[3]. “இருபது வருடங்களுக்கு முன்பு ஒரு நிகழ்ச்சி நடந்தது. “கல்வெட்டுத்துறையில் ரொம்ப நாட்களாக வட இந்தியர்கள்தான் பெரிய பொறுப்பில் இருந்தனர். ஒரு கட்டத்தில் கர்நாடகாவைச் சேர்ந்த நாகராஜ் ராவ் என்பவர் முக்கிய பொறுப்புக்கு வந்தார். அதனால் பெரிய தகராறு எல்லாம் நடந்தது. தென் இந்தியாவில் இருந்து ஒருத்தர் வந்துட்டார் என வட நாட்டவர் ஒத்துழைப்பு கொடுக்கவில்லை. அது இன்றும் நீடிக்கிறது என்பதற்கு சான்றுதான் இப்போது கல்வெட்டுத்துறையில் அறிவித்திருக்கும் பணி இடங்கள். இவர் பதவிக் காலம் முடிந்த உடனே கல்வெட்டுக்கு என்று இருந்த மதிப்பு குறைந்து போனது,” என்கிற அந்த அதிகாரி, கல்வெட்டுகள் குறித்து தமிழக அரசின் செயல்பாட்டை விவரித்தார். குங்குமம் இப்படியெல்லாம் கதை விட்டிருக்கிறது[4].

அரசியல் செய்வதால், திறமை வந்து விடாது: ‘‘தமிழக அரசைப் பொறுத்தவரை கல்வெட்டு, தொல்லியல் துறையில் அதீத அக்கறை கொண்டிருக்கிறது. 2010ல் கலைஞர் முதல்வராக இருந்த போது, தமிழ் கல்வெட்டுகள் எல்லாம் பதிப்பிக்கப்பட வேண்டும் என்று பேராசிரியர் அன்பழகனுடன் இணைந்து முழு முயற்சி எடுத்தார். அதற்காக கையெழுத்தும் போடப்பட்டது. அந்த நேரத்தில் அது கைகூடாமல் போனது. இப்போது மீண்டும் திமுக ஆட்சிக்கு வந்திருக்கிறது. கல்வெட்டுகளைப் பதிப்பிக்கும் முயற்சிகளை தமிழ்நாடு அரசு எடுத்தால் நன்றாக இருக்கும். கல்வெட்டுத்துறையினை, தொல்லியல் துறையோடு இணைத்திருக்கிறார்கள். கல்வெட்டுகள் குறித்தான காப்பிகள் கொடுத்தால் கூட இங்கு நம் ஆட்களை நியமித்து பாதுகாத்து, பராமரித்து வெளியிடுவதற்கான ஏற்பாடுகள் செய்யலாம். தொல்லியல் மீது மிகுந்த கவனம் கொண்டிருக்கும் தமிழ்நாடு அரசில், இப்போது நல்ல செயலர்களும், கல்வெட்டுகள் படிக்கத் தெரிந்த அமைச்சரும் இருக்கின்றனர்.

ஒருவருக்கு ஒருவர் ஜால்றா அடிப்பதால் திறமை வந்து விடாது: “அமைச்சர் தங்கம் தென்னரசு கல்வெட்டுகளை நன்றாகவே படிப்பார். அத்துடன் அறிவியல்பூர்வமாகக் கொண்டு வர ஆசைப்படும் உதயசந்திரனின் செயல்பாடுகள் இன்னும் ஊக்கமாக இருக்கிறது. அவர் போட்ட அடிப்படை இன்று நன்றாகப் போய்க்கொண்டிருக்கிறது...” என்கிற அந்த அதிகாரி, கல்வெட்டுகளின் தேவை குறித்தும் பேசினார். “இந்தியாவின் உண்மை வரலாற்றை எழுதக்கூடிய அலுவலகம் இது. இப்போது கேட்பது தமிழ் கல்வெட்டுகளுக்கு மட்டும் பணி நியமனம் அல்ல, சமஸ்கிருத கல்வெட்டுக்கும்தான். அதையும் வாசிக்க, பாதுகாக்க வேண்டும். அப்போதுதான் இந்திய வரலாறு முழுமையடையும். மண்ணுக்கு அடியில் இருப்பது நமக்கு எப்படித் தெரியும்..? எல்லாமே கல்வெட்டுகள் மூலமாகத்தான் கண்டுபிடிக்கப்பட்டிருக்கிறது. இன்று இத்துறையில் இருக்கும் பலருக்கு கல்வெட்டைப் பெரிதாக படிக்கத் தெரியாது. இதற்காக அரசைக் குறை சொல்லவில்லை. துறையில் இருப்பவர்கள் அவர்களுக்குத் தெரிந்தவர்களை நியமித்துவிடுகிறார்கள். இது மாற வேண்டும். அதே வேளையில் கல்வெட்டுகளின் முக்கியத்துவம் குறித்து கலாசார விழிப்புணர்வுத் திட்டங்கள் நடத்தப்பட வேண்டும்…” என்று அழுத்தமாக முடித்தார் அந்த அதிகாரி.

இன்று இத்துறையில் இருக்கும் பலருக்கு கல்வெட்டைப் பெரிதாக படிக்கத் தெரியாது: பளிச்சென்று நடுவில் சொன்ன உண்மை இதுதான். மற்றும், “இப்போது கேட்பது தமிழ் கல்வெட்டுகளுக்கு மட்டும் பணி நியமனம் அல்ல, சமஸ்கிருத கல்வெட்டுக்கும்தான். அதையும் வாசிக்க, பாதுகாக்க வேண்டும். அப்போதுதான் இந்திய வரலாறு முழுமையடையும்,” இதை திராவிடத்துவ வாதிகள் எப்படி எடுத்துக் கொள்வார்கள்?  சமஸ்கிருத கல்வெட்டுகளை யார் படிப்பார்கள், “அதையும் வாசிக்க, பாதுகாக்க வேண்டும்,” என்றால் யார் செய்வது? பாவம், ஏதோ போகிற போக்கில், இத்தகைய உண்மையினையும் சொல்லி விட்டார் போலும். குங்குமம் படிப்பவர்களும், இதையெல்லாம் உன்னிப்பாக யாரும் படிக்கப் போவதில்லை.  வெங்கடேசன், மாறன் போன்றோர் ஏற்கெனவே புலம்பி இருக்கிறார்கள். ஆனால், அவை  அவை நடவடிக்கைகளில் பதிவாகாது என்று சொல்லி விட்டார்கள். இருப்பினும், இங்கு ஏதோ சாதித்து விட்டது போல, தம்பட்டம் அடித்துக் கொண்டிருக்கிறார்கள்.

ஆரிய-திராவிடக் கட்டுக் கதைகள் கல்வெட்டுகள் படிக்க உதவாது: சமஸ்கிருதம்-தமிழ் என்று வைத்துக் கொண்டு திரிபுவாதம் செய்து கொண்டிருந்தால், கல்வெட்டியலில் ஒன்றையும் சாதிக்க முடியாது. தமிழகத்தைப் பொறுத்த வரையிலும் கூட, இந்த இரு மொழிகளும் தெரியாமல், கல்வெட்டுகளும் படிக்க முடியாது, ஆராய்ச்சியும் செய்ய முடியாது. பிரம்மி, தமிழ் பிரம்மி, தமிழி என்றெல்லாம் பேசினாலோ, சொற்பொழிவுகள் நடத்தினாலோ, வரிவடிவம் மாறப் போவதில்லை. நெட்டெழுத்தோ, வட்டெழுத்தோ, கிரந்தம் வரும் போதும், சமஸ்கிருதம் தெரிந்தே ஆகவேண்டும். ஆகவே, தங்கம் தென்னரசு நன்றாக கல்வெட்டுகள் படிப்பார் என்று மெச்சிக் கொள்வதில் எந்த பிரயோஜனமும் இல்லை. திராவிட பாணியில், மேடை பேச்சுகள் பேசுவதற்கு உபயோகப் படலாம், நடைமுறையில் ஒன்றையும் சாதித்து விடமுடியாது. அதே போலத்தான், “ஆரிய-திராவிடக் கட்டுக்கதைகள்,” ஏனெனில், சரித்திராசிரியர்கள் அவற்றை ஒதுக்கிக் குப்பைத் தொட்டியில் போட்டு விட்டார்கள். ஆனால், நாங்கள் அதை வைத்து தான் ஆராய்ச்சி செய்வோம் என்றால், உலகத்தில் யாரும் கண்டு கொள்ளப் போவதில்லை. குண்டுசட்டியில் குதிரை ஓட்டி, சந்தோசமாக இன்னொரு 50-100 ஆண்டுகள் கூட கழித்து விடலாம்.

நிலுவையில் உள்ள வழக்குகள் ASI மற்ற அதிகாரிகளுக்கு பாதுகாப்பு கொடுப்பது யார்?: மேலே குறிப்பிட்ட வழக்குகள் எல்லாமே “சதாய்ப்பு வழக்குகள்” (harassment PILs, petitions) போன்றவை என்று தெரிந்து கொள்ளலாம். ஏற்கெனவே, ஒரே மாதிரியான வழக்குகள் இருக்கும் போது, எப்படி, மேலும்-மேலும் அதே வகையிலான வழக்குகள் ஏற்றுக் கொள்ளப் பட்டன என்பதை கவனிக்க வேண்டும். பல்லாவரம் பிரச்சினை ஆபாத்தான விசயம். ஏற்கெனவே பல்லாவர மலையில், பல்லவர்களின் குகைக் கோவில்களை ஆக்கிரமித்துக் கொண்டு, அவற்றை முழுவதுமாக மாற்றி தர்கா, கட்டிடங்கள் என்று முஸ்லிம்கள் மாற்றி விட்டனர். அங்கிருந்த சிலைகள், கல்வெட்டுகள் எல்லாமே காணாமல் போய்விட்டன. இதைப் பற்றி, இதுவரை எந்த பொறுப்பான, யோக்கியமான அகழ்வாய்வு நிபுணாரோ, நேர்மையான தொல்துறை வல்லுனரோ, தமிழ் அபிமானியோ, திராவிடத் தலைவரோ என்றும் பேசியதில்லை. பதாகை ஏந்தவில்லை, போராடவில்லை. இப்பொழுதும், ASI மற்ற அதிகாரிகள் சென்ற போது, பாதுகாப்பிற்கு யாரும் வரவில்லை. போலீஸாருக்கு புகைக் கொடுத்தாலும் ஒன்றும் நடக்கவில்லை. நீதிமன்றமும், மேற்கொண்டு என்னவாயிற்று என்று கேட்கவில்லை. இந்த விகடன், குங்குமம், கலைஞர் செய்தி, நக்கீரன் முதலியவை ஆராய்ந்து, தொல்துறை அதிகாரிகளை ரகசியமாக விசாரித்து, செய்திகளை வெளியிடவில்லை.

© வேதபிரகாஷ்

02-08-2021 .


[1]  குங்குமம், கல்வெட்டு அரசியல்!, அன்னம் அரசு, 04 Jul 2021

[2] Madras High Court – Dr. S. Rajavelu vs Chairman, Union Public Service … on 7 October, 2005

Author: N Kannadasan; Bench: P Misra, N Kannadasan; JUDGMENT N. Kannadasan, J. https://indiankanoon.org/doc/128349221/

[3] Supreme Court of India – Sanjay Kumar Manjul vs The Chairman, Upsc And Ors on 13 September, 2006; Author: S.B. Sinha

Bench: S.B. Sinha, Dalveer Bhandari;   CASE NO.:  Appeal (civil)  4098 of 2006

PETITIONER:  Sanjay Kumar Manjul      versus  RESPONDENT:  The Chairman, UPSC and Ors.                   

DATE OF JUDGMENT: 13/09/2006;  https://indiankanoon.org/doc/1577105/

[4] http://www.kungumam.co.in/Articalinnerdetail.aspx?id=18238&id1=4&issue=20210704.

கல்வெட்டியல், கல்வெட்டு நிபுணர், போராடும் பிரச்சினை- 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! தமிழக அரசியல்வாதிகள் புகுந்து குழப்புவது (3)

ஓகஸ்ட் 2, 2021

கல்வெட்டியல், கல்வெட்டு நிபுணர், போராடும் பிரச்சினை– 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! தமிழக அரசியல்வாதிகள் புகுந்து குழப்புவது (3)

2019ல் வழக்கு செப்டம்பர்மைசூரில் உள்ள தமிழ் கல்வெட்டுகள், பாதுகாப்பு: “சமீபத்தில் மைசூருவில் உள்ள கல்வெட்டுத்துறை அலுவலகத்தை மற்றொரு இடத்திற்கு மாற்றியபோது, தமிழ் கலவெட்டு படிமங்கள் பெரும்பாலானவை சேதமடைந்தன[1]. அவற்றை புத்தக வடிவிற்கு மாற்றி, டிஜிட்டல் மயமாக்கி பாதுகாத்து இருக்க வேண்டும். ஆனால் சம்பந்தப்பட்டவர்கள் உரிய நடவடிக்கை எடுக்காமல் விட்டுவிட்டனர்[2]. இதனால் தமிழர்களின் வரலாறு, எதிர்கால தலைமுறையினருக்கு தெரியாமல் அழிந்து விடும். எனவே தமிழக வரலாற்றை பாதுகாக்கும் வகையில் மைசூருவில் உள்ள தமிழ் கல்வெட்டு படிமங்களை தமிழக தொல்லியல் துறை வசம் ஒப்படைத்து பாதுகாக்க உத்தரவிட வேண்டும். தமிழக  கல்வெட்டு படிமங்களை பாதுகாக்க எடுத்துள்ள நடவடிக்கை குறித்து மத்திய தொல்லியல் துறை பதிலளிக்க உயர்நீதிமன்ற மதுரை கிளை உத்தரவிட்டுள்ளது. மைசூரில் பாதுகாக்கப்பட்டு வரும் தமிழ் கல்வெட்டு படிமங்களை தமிழகத்துக்கு மாற்ற  தொல்லியல் துறைக்கு உத்தரவிட வேண்டும் என பொது நல வழக்கு தாக்கல் செய்யப்பட்டது[3]. இதனை விசாரித்த நீதிபதிகள் சிவஞானம்,  தாரணி அமர்வு,  தமிழக  கல்வெட்டு படிமங்களை பாதுகாக்கவும், படிக்கவும், அவற்றை பதிப்பிக்கவும் எடுத்துள்ள  நடவடிக்கை குறித்து மத்திய தொல்லியல் துறை பதில்  அளிக்க  உத்தரவிட்டு, விசாரணையை அக்டோபர் 22, 2019 ஆம் தேதிக்கு ஒத்திவைத்தனர்[4].

2018 ல் தொடர்ந்த வழக்கு – தமிழ் கல்வெட்டு படிகள் பாதுகாப்பாக உள்ளன : ”மத்திய தொல்லியல் துறையின், மைசூரு அலுவலகத்தில் உள்ள, தமிழ் கல்வெட்டு படிகள், வெளிப்படை தன்மையுடன் பாதுகாக்கப்படுகின்றன; ஆவணங்கள் ஏதும் சிதைக்கப்படவில்லை,” என, அதன் இயக்குனர், முனிரத்தினம் தெரிவித்துள்ளார். மத்திய தொல்லியல் துறையின், தென்னிந்திய அலுவலகம் மைசூரில் உள்ளது. அங்குள்ள, கல்வெட்டு துறையில், தமிழ், தெலுங்கு, கன்னடம், மலையாளம் மற்றும் சமஸ்கிருத கல்வெட்டு ஆவணங்கள் உள்ளன. அவற்றின் பாதுகாப்பு மற்றும் வெளிப்படைத் தன்மை குறித்து புகார் எழுந்தது[5]. இது குறித்து, அந்நிறுவனத்தின் கல்வெட்டியல் துறை இயக்குனர், முனிரத்தினம் கூறியதாவது: “மைசூரு கல்வெட்டுப் பிரிவில் உள்ள, தமிழ் உள்ளிட்ட அனைத்து மொழி கல்வெட்டு ஆவணங்களும், உரிய முறையில் பராமரிக்கப்பட்டு, பாதுகாக்கப்படுகின்றன. இங்குள்ள தமிழ் அறிஞர்கள், தமிழ் கல்வெட்டு ஆவணங்களை சரிபார்த்து, பதிப்பிக்கும் பணியில் ஈடுபட்டுள்ளனர்.தமிழ் அறிஞர்களும், ஆய்வாளர்களும், இங்கு வந்து ஆவணங்களை பார்த்து, ஆராய்ந்து செல்கின்றனர். மத்திய அரசின் நிறுவனமான, மத்திய தொல்லியல் துறை, இந்திய மொழிகளின் ஆவணங்களை சிதைத்து, நாட்டின் ஒற்றுமையை ஒரு போதும் கெடுக்காது,” இவ்வாறு அவர் கூறினார்[6].

வெங்கடேசனின் டுவிட்டர் கடிதம் வைத்து கதை விடும் குங்குமம்[7]: இந்திய தொல்லியல் துறையின் கீழ் உருவாக்கப்படவுள்ள 758 புதிய பணியிடங்கள் குறித்தும், இந்தியக் கல்வெட்டுத்துறையை மேம்படுத்துவதற்கான ஆலோசனைகளைக் குறிப்பிட்டும் இந்தியக் கலாசாரத்துறை அமைச்சருக்கு மதுரை எம்.பி.யான சு.வெங்கடேசன் எழுதிய கடிதம்தான் அரசியல் வட்டாரத்தில் ஹாட் டாக் என்று கதையை ஆரம்பிக்கிறது குங்குமம்[8]. அந்தக் கடிதத்தில், “இந்திய வரலாற்றிற்குப் பேருதவி புரியும் கல்வெட்டுத்துறையில் குறைந்தது 40 தொழில்நுட்ப பணியிடங்களை உருவாக்க வேண்டும். இந்தியா முழுமைக்கும் கல்வெட்டு ஆய்வாளர்களைப் புதிதாக நியமியுங்கள்; குறைந்த அளவாக ஒரு மொழிக்கு 2 பேரையாவது நியமனம் செய்யுங்கள்,…” என சு.வெங்கடேசன் வலியுறுத்தி இருந்தார். தவிர, “இந்தியா முழுவதும் கண்டறியப்பட்டுள்ள 80,000 மேலான கல்வெட்டுகளில் 50% இன்னும் பதிப்பிக்கப்படவில்லை என்பதை மீண்டும் கவனப்படுத்துகிறேன்…” என்றும் குறிப்பிட்டிருந்தார்.  ஆனால், அரைகுறையாக கடிதம் எழுதி, டுவிட்டரில் வெளியிட்ட்தற்கு, அமைச்சர் முறையாக பதில் அளித்து விட்டார்.

பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைப்பது: இதுகுறித்து கல்வெட்டுத்துறையில் நீண்ட அனுபவம் கொண்ட ஓர் அதிகாரியிடம் பேசினோம். ஓய்வுபெற்ற அவர் தன்னுடைய பெயரை வெளியிட விரும்பவில்லை. ‘‘கற்பாறைகள், தூண்கள், கோயிற்சுவர்கள், செப்பேடுகள், காசுகள், கற்கள், உலோகங்கள், பானைகள், மரங்கள், ஓலைச்சுவடிகள், துணிகள், சங்குகள் மற்றும் ஓவியங்கள் மீதான எழுத்துப்பதிவுகள் பற்றிய ஆய்வை கல்வெட்டியல் என்கிறோம். இது திராவிடம், சமஸ்கிருதம் என்று இரு பிரிவுகளாகத்தான் இருக்கும். அந்த இரு பிரிவுக்கும் ஒரே ஒரு இயக்குனர்தான். இந்தியாவில் கண்டெடுக்கப்பட்ட கல்வெட்டுகளில் திராவிட மொழி குடும்பத்தைச் சேர்ந்த கல்வெட்டுகள் 60% இருக்கின்றன. இதில் தமிழ் கல்வெட்டுகளின் எண்ணிக்கைதான் அதிகம். தொல்லியல் துறையின் கீழ் 758 புதிய பணியிடங்களில், கல்வெட்டு துறைக்கென்று 99 பணியிடங்கள் மட்டுமே ஒதுக்கப்பட்டுள்ளன. இது மிக மிகக் குறைவானது. இந்திய அரசு அங்கீகரித்துள்ள ஒவ்வொரு மொழிக்கும் அதன் விகிதாசார அடிப்படையில் கல்வெட்டு கண்காணிப்பாளர், துணை கல்வெட்டு கண்காணிப்பாளர், உதவி கல்வெட்டு கண்கணிப்பாளர், கல்வெட்டு ஆய்வாளர்களை நியமிக்க வேண்டும். பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்துப் பேசுவது தான் வெளிப்படுகிறது.

துறை ஆரம்பித்த கதை சொல்லும் விதம்: அதிலும் அதிகமாக இருக்கும் தமிழ் கல்வெட்டுகளைப் படித்து, டிஜிட்டல் ஆக்குவதற்கு கூடுதலாக பணி நியமனம் செய்ய வேண்டும்…” என்கிற அந்த அதிகாரி, ‘‘1916லிருந்து 2020 வரைக்குமான கல்வெட்டுகள் இன்னும் பதிப்பிக்கப்படவில்லை…” என்கிறார்.  ‘‘இதுபோக ஏற்கனவே இருக்கும் கல்வெட்டுகளின் காகிதப்பதிவுகள் பலவீனமடைந்து வருகின்றன. அதனால் 74 ஆயிரம் கல்வெட்டுகளை டிஜிட்டல் மயமாக்கும் பணியை உடனே செய்ய வேண்டும்…” என்று அரசுக்கு கோரிக்கை வைக்கும் அந்த அதிகாரி, இந்தியாவில் கல்வெட்டுத் துறை குறித்தான  வரலாற்றைப் பகிர்ந்தார். “இந்தியாவில் ஆங்கில அரசால் 1860ல் தொல்லியல் துறை ஆரம்பிக்கப்பட்டது. இதிலிருந்து பிரிந்து 1886ல் தனியாக கல்வெட்டு துறை உருவானது. வட இந்தியாவிற்கு அலெக்சாண்டர் கன்னிங்காமும் தென் இந்தியாவிற்கு ஜெர்மன் ஆய்வாளரான ஹல்ட்ஸ்ச்சும் முக்கிய பொறுப்பாளர்களாக நியமிக்கப்பட்டார்கள். தஞ்சை பெரிய கோயில் போன்ற வரலாற்றுச் சிறப்பு மிக்க கல்வெட்டுகளை வெளியிட்டவர் ஹல்ட்ஸ்ச். 1887லிருந்து இதுவரை இந்தியா முழுக்க 85,000 – 90,000 கல்வெட்டுகள் கண்டுபிடிக்கப்பட்டுள்ளன. இதில் தமிழ் கல்வெட்டுகள் 45 ஆயிரத்துக்கும் மேல் இருக்கும். இதற்கடுத்து கன்னடத்தில் 10 ஆயிரம், தெலுங்கில் 8 ஆயிரம், சமஸ்கிருதத்தில் 5,000 – 8,000 கல்வெட்டுகள் இருக்கும். இனிவரும் காலங்களிலும் கல்வெட்டுகள்  கண்டெடுக்கப்பட வேண்டியுள்ளது.

ஆங்கிலேயர் ஊட்டியில் வைத்திருந்தது மைசூருக்குச் சென்றது: “உலக அளவில் இந்தியாவில்தான் அதிக கல்வெட்டுகள் கண்டுபிடிக்கப்பட்டுள்ளன. அதே வேளையில் குவாரி, சுரங்க வேலைகள் செய்யும்போது கல்வெட்டுகளைப் பாதுகாப்பதும் அவசியமானது. ஆரம்பத்தில் கல்வெட்டுகளைப் பாதுகாக்கும் அலுவலகம் சென்னையில் இயங்கியது. சென்னையில் வைத்திருந்தால் காலப்போக்கில் காகிதம் இற்றுப்போய்விடும் என்று, காலநிலை குளிர்ச்சியாக இருக்கும் ஊட்டிக்கு மாற்றப்பட்டது. 1968ல் மைசூர்காரர் ஒருவர் கல்வெட்டுத்துறையின் தலைமைப் பொறுப்புக்கு வந்தார். பாதுகாப்பு அலுவலகத்தை அவர் இடத்துக்குக் கொண்டுபோய்விட்டார். அங்கேயும் காலநிலை மோசம் இல்லை. ஆனால், கன்னடம், தமிழ் பிரச்னைகள் இருந்தது,…” என்கிற அந்த அதிகாரி, கல்வெட்டுத் துறையில் வட இந்திய, தென் இந்திய அதிகாரிகளுக்கான பனிப்போர் குறித்தும் விளக்கினார்.

© வேதபிரகாஷ்

02-08-2021


[1] தினத்தந்தி, தமிழக கல்வெட்டு படிமங்களை பாதுகாக்க எடுத்த நடவடிக்கை என்ன? மத்திய தொல்லியல் துறைக்கு மதுரை ஐகோர்ட்டு கேள்வி, செப்டம்பர் 26, 2019, 05:15 AM

[2] https://www.dailythanthi.com/amp/News/Districts/2019/09/26004106/What-are-the-steps-taken-to-preserve-the-inscriptions.vpf

[3] தினத்தந்தி, கல்வெட்டுகளை பாதுகாக்க எடுத்த நடவடிக்கைகள் என்ன?- உயர் நீதிமன்றம் கேள்வி, பதிவு : செப்டம்பர் 25, 2019, 05:09 PM.

[4] https://www.thanthitv.com/News/TamilNadu/2019/09/25170950/1053188/What-are-the-measures-taken-to-protect-the-inscriptions.vpf.vpf

[5] தினமலர், தமிழ் கல்வெட்டு படிகள் பாதுகாப்பாக உள்ளன,  Added : பிப் 09, 2018  02:21.

[6] https://www.dinamalar.com/news_detail.asp?id=1955452

[7] குங்குமம், கல்வெட்டு அரசியல்!, அன்னம் அரசு, 04 Jul 2021

[8] http://www.kungumam.co.in/Articalinnerdetail.aspx?id=18238&id1=4&issue=20210704.

கல்வெட்டியல், கல்வெட்டு நிபுணர், போராடும் பிரச்சினை- 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! ஒப்பந்தமுறையில் ஆள்சேர்ப்பு வேண்டும் என்றால் சொல்லியிருக்கலாமே? (2)

ஓகஸ்ட் 2, 2021

கல்வெட்டியல், கல்வெட்டு நிபுணர், போராடும் பிரச்சினை– 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! ஒப்பந்தமுறையில் ஆள்சேர்ப்பு வேண்டும் என்றால் சொல்லியிருக்கலாமே? (2)

தேசிய அருங்காட்சியகத்தில் உரிய நிபுணர்கள் கிடைக்காததால் 92 காலியிடங்கள் நீக்கப் பட்டன: தில்லியில் உள்ள தேசிய அருங்காட்சியகத்தில் பாதுகாக்கப் படும் 2 லட்சத்திற்கு மேலாக உள்ள விலையுயர்ந்த பொருட்களை விளக்க 15 பேர் தான் உள்ளனர்.  ஜூலை 23, 2019 அன்று காலியிடங்களுக்கு திறமையான நிபுணர்கள் வராதலால், அவை காலாவடி ஆகியதாக அறிவித்து, நீக்கப் பட்டன[1]. தகுதி வாய்ந்தவர்கள் கிடைக்கவில்லை என்று 2014 முதல் 2019 வரை ஐந்து வருடங்களாக நிரப்பப் படாமல் காலியாக இருந்தன. ஏனெனில், சரித்திரகாலத்திற்கு முந்தைய பொருட்கள், கையெழுத்துப் பிரதிகள், நாணயங்கள், கல்வெட்டுகள், தாமர பட்டயங்கள் முதலியவற்றை விளக்க, பாதுகாக்க யாரும் வரவில்லை[2]. அதனால், அவ்வாறு செய்யவேண்டிய நிர்பந்தம் ஏற்பட்டது[3]. அத்தகைய நிபுணத்துவம், வல்லமை, திறமை, கல்விதகுதி என்று எல்லாம் இருந்திருந்தால், ஏன் அந்த 92 காலியடங்களுக்கு தமிழர்கள் முறைப்படி விண்ணப்பித்து சேர்ந்திருக்கக் கூடாது?  குங்குமம், விகடன், நக்கீரன், கலைஞர் செய்தி என்றெல்லாம் ஊடகங்களில் பெருமை பேசுபவர்கள் ஏன் சேரவில்லை?

இளைஞர் அகழாய்வாய்வாளர் [Young Archaeologist (ASI-YA)] சேர்ப்பு என்று அறிவிக்கப் பட்டது: 27-07-2021 அன்று இளைஞர் அகழாய்வாய்வாளர் [Young Archaeologist (ASI-YA)] சேர்ப்பு பற்றி சுற்றறிக்கை விடப் பட்டது[4]. மாதம் ரூ 35,000/- என்று ஒப்பந்த முறையில் இளைஞர்களுக்கு வாய்ப்பு கொடுக்க அறிக்கை வெளியிட்டது. இதையும், சிலர் சுட்டிக் காட்டி, அகழாய்விற்கு முக்கியத்துவம் கொடுத்துள்ளார்கள், ஆனால், கல்வெட்டியல் துறைக்கு ஆள் சேர்ப்பதை தடுக்கிறார்கள் என்றேல்லாம் என்று சொல்வதாகட் தெரிகிறது. இருப்பினும், தமிழ் ஊடகங்களில் இவையெல்லாம் வெளிவரவில்லை. வெங்கடேசன் கடிதம் எழுதியது, தங்கம் தென்னரசு கல்வெட்டு படித்தது, கனிமொழி ஆய்வு செய்தது பற்றி தான் செய்திகள் வந்துள்ளன.  ஒருவேளை, இந்த வேலைக்கும் கல்வெட்டு நிபுணத்துவ இளைஞர்கள் விரும்பினால், அவர்களுக்கும் அதுபோல வேலை கொடுக்க, பெரியவர்கள் பதாகை ஏந்தலாம், போராடலாம், ஏன் மோடிக்கு கடிதம் கூட எழுதலாம். ஆனால், செய்யவில்லை. ஊடகங்களில் தற்பெருமை செய்திகளை வெளியிட்டு,  அது-இது-எது பாணியில் ஆரிய-திராவிட கட்டுக் கதைகளுக்கு வந்து, ஆர்பாட்டங்கள் செய்வதில் முடிந்துள்ளன.

டிசம்பர் 2020 – ‘இந்தியாவில், எத்தனை கல்வெட்டுகள் அடையாளம் காணப்பட்டுள்ளன, அவற்றில் எந்த மொழியில் அதிக கல்வெட்டுகள் உள்ளன: என கேள்வி எழுப்பிய உயர் நீதிமன்ற மதுரை கிளை, மத்திய, மாநில அரசுகள் பதிலளிக்க உத்தர விட்டது. மதுரையைச் சேர்ந்த வழக்கறிஞர், இளஞ்செழியன் தாக்கல் செய்த பொதுநல மனு: “மத்திய தொல்லியல் துறையின் கல்வெட்டு ஆய்வகப் பிரிவு, மைசூரில் உள்ளது.தமிழக அகழாய்வில் கண்டெடுக்கப்பட்ட, 90 சதவீத கல்வெட்டுகள் மற்றும் அவற்றின் நகல் எடுக்கப்பட்ட படிகள், அங்கு உள்ளன.அவை, முறையாக பராமரிக்கப்படவில்லை. அவை சேதமடைந்து, அழியும் நிலையில் உள்ளன. அங்கு சென்று, தமிழக தொல்லியல் ஆய்வாளர்கள் ஆய்வு செய்ய இயலவில்லை. மைசூரில் உள்ள கல்வெட்டுகள் மற்றும் அவற்றின் நகல் படிகளை, தமிழகத்திற்கு கொண்டு வந்து பராமரிக்க, நடவடிக்கை எடுக்க, மத்திய, மாநில அரசுகளுக்கு உத்தரவிட வேண்டும். இவ்வாறு, மனுவில் கோரியிருந்தார்[5]. நீதிபதிகள் என். கிருபாகரன், பி. புகழேந்தி அமர்வு விசாரித்தது. மத்திய அரசுத் தரப்பு, ‘இவை, முதலில் ஊட்டியில் பாதுகாக்கப்பட்டன. தட்பவெப்ப நிலை கருதி, மைசூருக்கு மாற்றப்பட்டன. அங்கு பாதுகாக்க, நடவடிக்கை எடுக்கப்பட்டுள்ளது,’ என தெரிவித்தது[6].

கட்டமைப்பு வசதிநீதிபதிகள் உத்தரவு: இந்தியாவில், எத்தனை கல்வெட்டுகள் அடையாளம் காணப்பட்டுள்ளன. அவற்றில் எந்தெந்த மொழிகளைச் சேர்ந்த கல்வெட்டுகள் உள்ளன. எந்த மொழியில், அதிக கல்வெட்டுகள் கண்டெடுக்கப்பட்டு உள்ளன. மைசூரில் உள்ளவற்றில், எத்தனை சேதம் அடைந்துள்ளன. மத்திய தொல்லியல் துறை கல்வெட்டு ஆய்வகப் பிரிவின் கிளையை, தமிழகத்தில் ஏற்படுத்தினால் என்ன?மைசூரில் உள்ள பொருட்களை தமிழகத்திற்கு மாற்றி பாதுகாக்க வாய்ப்புள்ளதா, அதற்குரிய கட்டமைப்பு வசதிகளை, தமிழக அரசு ஏற்படுத்தி தர சாத்தியக்கூறுகள் உள்ளதா என்பது குறித்து, மத்திய, மாநில தொல்லியல் துறைகள், டிச., 10, 2020ல் பதிலளிக்க வேண்டும்.இவ்வாறு, நீதிபதிகள் உத்தரவிட்டனர்.

2019 – பிப்ரவரியில் ஒரு வழக்கு: 16—02-2019 அன்று மதுரை உயர்நீதிமன்றமும் தமிழின் தொன்மைக்குச் சான்றாக இருக்கும் சமணர்காலக் கல்வெட்டுகளைப் பாதுகாக்கத் தொல்லியல் துறை ஏன் நடவடிக்கை எடுக்கவில்லை தொல்லியல் துறைக்குக் கேள்வி எழுப்பியுள்ளது[7]. விகடனின் செய்தி, செய்தியாக இல்லை, ஏதோ தீர்ப்பு கொடுக்கும் தோரணையில் உள்ளது. நீதிமன்றத்தில் சமர்ப்பிக்கப் பட்ட வாதங்கள், ஆவணங்கள் பற்றி சொல்லாமல், “மத்திய அரசு, வடநாட்டுத் தொன்மையை வெளிப்படுத்த முயற்சிக்கும் அளவுக்குத் தமிழகத்தின் தொன்மையை வெளிப்படுத்துவதில் போதிய அக்கறையின்றியே செயல்பட்டுவருகிறதுஆதிச்சநல்லூர், கீழடி, கொடுமணல் என்று பல்வேறு அகழ்வாராய்ச்சிப் பணிகளுக்கு மத்திய அரசு போதிய முக்கியத்துவத்தை எப்போதுமே அளித்ததில்லை. பாதுகாக்க வேண்டிய முக்கிய சின்னங்களான சமணர் படுகைகள் மற்றும் தமிழ் பிராமி கல்வெட்டுகளுக்கும் இதே நிலைமை தான்.” இவ்வாறு ஏதோ குடுமிப்பிடி சண்டையை மூட்டிவிடுவது போலிருக்கிறது[8].

2019 ஆகஸ்டில் தொடர்ந்த வழக்கு: பல்லாவரம் நகராட்சிக்கு உட்பட்ட ஜமீன் பல்லாவரம் பகுதியில் ஆறு வார்டுகளில் உள்ள 59 ஏக்கர் நிலம், தொல்லியல் துறையின் கட்டுப்பாட்டில் உள்ளது. இந்த பகுதிகளில் உள்ள நிலங்களை யாரும் விற்கவோ, வாங்கவோ, வீடு கட்டவோ அல்லது வீட்டை புதுப்பிக்கவோ கூடாது என தொல்லியல் துறை அதிகாரிகள் அறிவித்தனர். தொல்லியல் துறையின் இந்த அறிவிப்பை எதிர்த்து தொடரப்பட்ட வழக்கு நீதிபதி கிருபாகரன் முன்பு இன்று (07.08.2019) விசாரணைக்கு வந்தது. அப்போது, மத்திய அரசு சார்பில் ஆஜரான உதவி சொலிசிட்டர் ஜெனரல் ஜி.கார்த்திகேயன், பல்லாவரத்தில் தொல்லியல் துறையின் கட்டுப்பாட்டில் உள்ள இடங்களை சுற்றி வேலி அமைப்பதற்காக தொல்லியல் துறையினரும், வேலையாட்களும் சென்றபோது அந்த பகுதியில் உள்ளவர்கள் கடும் எதிர்ப்பு தெரிவித்ததால் வேலி அமைக்கும் பணியை மேற்கொள்ள முடியவில்லை என வாதிட்டார். இதையடுத்து, அகழ்வாராய்ச்சி செய்வதற்காக குறிப்பிட்ட அந்த பகுதிகளில் வேலி அமைக்க பாதுகாப்பு வழங்கும்படி, நீதிபதி கிருபாகரன் பரங்கிமலை டி.எஸ்.பி.,க்கு உத்தரவிட்டார். பின்னர், இந்தியாவில் கண்டுபிடிக்கப்படும் பெரும்பாலான கல்வெட்டுகள் தமிழில் உள்ளதால் தமிழ்மொழி தெரிந்த கூடுதல் கல்வெட்டு ஆராய்ச்சியாளர்களை ஏன் நியமிக்க கூடாது எனக் கேள்வி எழுப்பினார்[9]. மேலும், கல்வெட்டு ஆராய்ச்சி மைய கிளையை ஏன் சென்னையில் அமைக்க கூடாது எனவும், அனைத்து தமிழ் கல்வெட்டுகளையும் ஏன் சென்னைக்கு மாற்றக்கூடாது எனக் கேள்வி எழுப்பிய நீதிபதி, இதற்கு வரும் 25ம் தேதிக்குள் பதில் அளிக்க தொல்லியல் துறைக்கு உத்தரவிட்டுள்ளார்[10].

© வேதபிரகாஷ்

02-08-2021


[1] The museum issued its office order on July 23, 2019 announcing that the group A, B and C posts stand abolished, following a ministry of culture order[1]. A museum source informed that of the 92 posts, up to 50 were group A and B — functional and technical staff.

[2] Times of India, National Museum in Delhi abolishes 92 vacant posts, Manimugdha S Sharma / TNN / Updated: Jul 26, 2019, 08:58 IST.

[3] https://timesofindia.indiatimes.com/city/delhi/national-museum-abolishes-92-vacant-posts/articleshow/70386889.cms

[4] Circular No.A.44/27/2021-ADMN-I, Government of India, Ministry of Culture, Archaeological Survey of India dated 27-07-2021

[5] தினமலர், எந்த மொழியில் அதிக கல்வெட்டுகள்? அரசுகளுக்கு உயர் நீதிமன்றம் கேள்வி!,  Added : டிச 03, 2020  00:44.

[6] https://www.dinamalar.com/news_detail.asp?id=2663841

[7] விகடன், அழியும் தமிழின் தொன்மையைப் பாதுகாக்க மறுப்பது ஏன்? – நீதிமன்றத்தின் கேள்விக்குப் பின் இருக்கும் நியாயங்கள், சி.வெற்றிவேல், Published:17 Feb 2019 8 AM; Updated:17 Feb 2019 8 AM.

[8] https://www.vikatan.com/spiritual/miscellaneous/149917-extinct-of-tamil-jain-beds-and-tamil-bhrami-inscriptions

[9] கலைஞர்.செய்தி, கல்வெட்டு ஆராய்ச்சி மைய கிளையை ஏன் சென்னையில் அமைக்கக் கூடாதுசென்னை உயர் நீதிமன்றம் கேள்வி, 10:08:35 pm – Sep 07, 2019.

[10] https://m.kalaignarseithigal.com/article/tamilnadu/chennai-high-court-questioned-why-should-not-set-epigraphical-research-center-in/c464f1d9-030f-4950-827a-ce9702560b9a

கல்வெட்டியல், கல்வெட்டு நிபுணர், போராடும் பிரச்சினை- 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! (1)

ஓகஸ்ட் 2, 2021

கல்வெட்டியல், கல்வெட்டு நிபுணர், போராடும் பிரச்சினை– 2013லிருந்து பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைத்து தொல்துறையினர் ஆர்பாட்டம் செய்வது! (1)

கல்வெட்டு பிரிவில் உள்ள காலிப் பணியிடங்களை நிரப்பவோ, புதிய பணியிடங்களை உருவாக்கவோ, எந்த அறிவிப்பையும் வெளியிடவில்லை: மத்திய தொல்லியல் துறையில் உள்ள கல்வெட்டு ஆய்வாளர்கள், 15-07-2021, அன்று ஆர்ப்பாட்டத்தில் ஈடுபட்டனர். மத்திய தொல்லியல் துறையின் கீழ், பிராந்திய அலுவலகங்கள் உள்ளன. தென் மாநிலங்களுக்கு, கர்நாடகாவின் பெங்களூரில் உள்ள பிராந்திய அலுவலகம், தலைமையிடமாக உள்ளது. சென்னை உள்ளிட்ட இடங்களில், இதற்கு வட்டார அலுவலகங்கள் உள்ளன. இவற்றில், கல்வெட்டு ஆய்வுப் பிரிவு மிக முக்கியமானதாக உள்ளது. இந்த பிரிவு தான், மூன்றாயிரம் ஆண்டுகளுக்கு முற்பட்ட நாகரிகத்தை, கல்வெட்டுகளின் வாயிலாக படித்து, வரலாறாக பதிவு செய்கிறது. இந்நிலையில், மத்திய தொல்லியல் துறை, தோட்ட வேலை உள்ளிட்ட பல்வேறு பிரிவுகளுக்கு ஆள் எடுப்பதாக அறிவிப்பு வெளியிட்டு உள்ளது. ஆனால், கல்வெட்டு பிரிவில் உள்ள காலிப் பணியிடங்களை நிரப்பவோ, புதிய பணியிடங்களை உருவாக்கவோ, எந்த அறிவிப்பையும் வெளியிடவில்லை[1]. இதை கண்டிக்கும் வகையில், சென்னை, செயின்ட் ஜார்ஜ் கோட்டையில் உள்ள, மத்திய தொல்லியல் துறையின், வட்டார அலுவலகம் உள்ளிட்ட அனைத்து அலுவலகங்களிலும் உள்ள கல்வெட்டு துறையினர், அமைதியான முறையில், கையில் பதாகைகளை ஏந்தி, ஆர்ப்பாட்டத்தில் ஈடுபட்டனர்[2].

ஒப்பந்த முறையில் வேலை வேண்டும் என்றால், அதை வெளிப்படையாகக் கேட்டுப் பெற்றுக் கொள்ளலாம்: மத்திய தொல்லியல் துறை, தோட்ட வேலை உள்ளிட்ட பல்வேறு பிரிவுகளுக்கு ஆள் எடுப்பதாக அறிவிப்பு வெளியிட்டு உள்ளது. ஆனால், கல்வெட்டு பிரிவில் உள்ள காலிப் பணியிடங்களை நிரப்பவோ, புதிய பணியிடங்களை உருவாக்கவோ, எந்த அறிவிப்பையும் வெளியிடவில்லை என்பது பொய். கீழே விளக்கியுள்ளப் படி, ஒப்பந்த முறையில் கல்வெட்டுத் துறைக்கும் ஒரு ஆண்டிற்கு ஆள் எடுக்க வேண்டும் என்றால், சொல்லியிருக்கலாம், இப்பொழுதும், அவ்வாறு செய்வது சுலபமே. பிறகு அதற்கு போராடாமல், திசைத் திருப்பும் அவசியம் தேவையில்லை. ரூ 35,000/- வாங்கிக் கொண்டு, ஓராண்டு வேலைசெய்ய தயார் என்றால், தாராளமாக விண்ணப்பித்து, வேலைக்கு போகலாம். யாரும் தடுக்கப் போவதில்லை. ஆகவே, கல்வெட்டு நிபுணர்களின் உண்மையான பிரச்சினை என்ன என்பதை, அனுபவஸ்தர்கள் ஒழுங்காக தெரிவிக்க வேண்டும். மற்றவர்கள் சொல்லியதைக் கேட்டு, பதாகை ஏந்துவதால், எந்த பிரயோஜனமும் இல்லை.

தொல்லியல் ஆய்வாளர் ஸ்ரீதரன் உண்மையினை மறைத்து பேசியது: ‘பிரதமரே, கல்வெட்டு பிரிவை காப்பாற்றுங்கள்’ என்ற பதாகையை கையில் பிடித்துக் கொண்டு எடுக்கப்பட்ட புகைப்படங்களை, பல மூத்த வரலாற்று ஆய்வாளர்களும், கல்வெட்டியல் அறிஞர்களும், சமூக வலைதளங்களில் வெளியிடத் துவங்கியது, பரபரப்பை கிளப்பியது[3]. எதற்காக இந்த உருக்கமான வேண்டுகோள் என்பது குறித்து, தொல்லியல் ஆய்வாளர் ஸ்ரீதரன் கூறியதாவது[4]: “இந்திய தொல்லியல் துறையில், பல்வேறு பணியிடங்களை நிரப்ப, மத்திய அரசு விளம்பரம் செய்திருந்தது. அதில், ‘கல்வெட்டு ஆய்வாளர்என்ற பிரிவே இல்லை. இதைப் பார்த்து விட்டுத்தான் மூத்த ஆய்வாளர்களும், அறிஞர்களும், ‘கல்வெட்டு பிரிவை காப்பாற்றுங்கள்என்ற பதாகையை ஏந்த வேண்டியிருந்தது.இதற்கு காரணம் இல்லாமல் இல்லை. மைசூரு, நாக்பூர், லக்னோ, சென்னை ஆகிய இடங்களில் உள்ள இந்திய தொல்லியல் துறை அலுவலகங்களில் மொத்தம், 31 கல்வெட்டு ஆய்வாளர்கள் தான் உள்ளனர்.கொஞ்சம் யோசித்து பாருங்கள்”.

தென்னிந்திய கோவில்கள் கல்வெட்டுகள் 39-தொகுதிகள் வெளியிடப் பட்டுள்ளன: ஸ்ரீதரன் கூறியதாவது,இதுவரை இந்தியாவில், 60,000 கல்வெட்டுகள் கண்டுபிடிக்கப்பட்டு உள்ளன. அதில், 20,000 கல்வெட்டுகள் தான் படியெடுக்கப்பட்டு, அதன் விபரங்கள் வாசிக்கப்பட்டுள்ளன. இன்னும் ஏராளமான கல்வெட்டுகளை படியெடுத்து வாசிக்க வேண்டும். தமிழகத்திலேயே, 32,000 கோவில்கள் உள்ளன. இதில் எல்லாவற்றிலும் இல்லையென்றாலும், ஆயிரக்கணக்கான கோவில்களில் கல்வெட்டுகள் உள்ளன. அவை காலப் போக்கில் பல்வேறு காரணங்களால் சிதைந்து போய் விடும். அதற்கு முன், அவற்றை எல்லாம் கண்டுபிடித்துப் படியெடுக்க வேண்டாமா? இதுவரை, மத்திய தொல்லியல் துறை, தான் கண்டுபிடித்து வாசித்த கல்வெட்டு விபரங்களை, 39 தொகுதிகளாக வெளியிட்டுள்ளது; இன்னும் பல தொகுதிகள் வெளிவர வேண்டியுள்ளது.” 1947லிருந்து இவர்கள் எல்லோரும் என்ன செய்து கொண்டிருந்தனர் என்று தெரியவில்லை.

அப்படியானால், அதற்கு உரிய கல்வெட்டு ஆய்வாளர்கள் தேவை இல்லையா: ஸ்ரீதரன் கூறியதாவது,“அப்படியானால், அதற்கு உரிய கல்வெட்டு ஆய்வாளர்கள் தேவை இல்லையா; அதுவும் கல்வெட்டு ஆய்வு என்பது, மிக முக்கியமான சமுதாய பணி. அது, வழிபாட்டு வரலாற்றை மட்டும் சொல்வதில்லை; சமுதாய வரலாற்றையும் சொல்கிறது.உதாரணமாக, இன்று நாம் சென்னைக்கு அருகே உள்ள ஒரு பகுதியை, திரிசூலம் என்று அழைக்கிறோம். அன்றைக்கு அதன் பெயர், திரிசுரம். திருமுக்கூடலில், ஆதுர சாலை இருந்துள்ளது. நாவிதர்களுக்கான பணிகள் வரையறை செய்யப்பட்டுள்ளன. இதையெல்லாம் கல்வெட்டு வாயிலாகவே தெரிந்து கொண்டோம்”……….“கீழடி ஆய்வு பற்றி பேசுகிறோம். அதில் பானை ஓடுகள் கிடைத்துள்ளன. அதில் என்ன எழுதப்பட்டுள்ளது என்பதை கல்வெட்டு ஆய்வாளர்களால் தான் வாசிக்க முடியும். பல்வேறு நாணயங்கள் கிடைத்துள்ளன; அதன் முக்கியத்துவத்தையும், காலத்தையும் கணிக்க ஆய்வாளர்கள் தேவை.இதையெல்லாம் கருத்தில் கொண்டு தான், கல்வெட்டு ஆய்வாளர் பிரிவை வலிமைப்படுத்த வேண்டும் என்ற கோரிக்கை எழுந்துள்ளது,” இவ்வாறு ஸ்ரீதரன் கூறினார். “அப்படியானால், அதற்கு உரிய கல்வெட்டு ஆய்வாளர்கள் தேவை இல்லையா…?,” ஆமாம், தேவைதான், பிறகு ஏன் இல்லை?

பணியாளர் மறுசீரமைப்பு (Cadre Restructure) முறைக்கு ஒப்புக் கொண்டதை மறைப்பது: நிதி ஆயோக் பரிந்துரை பேரில், 2013லிருந்தே, இந்த திட்டம் செயல்பட ஆரம்பித்து விட்டது. இருப்பவர்களுக்கு, பல ஆண்டுகளாக பதவி உயர்வு கிடைக்காமல் இருக்கும் பட்சத்தில், பணியாளர் மறுசீரமைப்பு முறையை அரசு ஊழியர்கள், அதிகாரிகள் தத்தம் சங்கங்கள் மூலமாக ஒப்புக் கொள்வது சாதாரணமான விசயமாக இருந்து வருகிறது. ASI என்ற பெயரை,  ஆஸ்மி – Ashmi—Archaeological Survey and Heritage Management of India என்று மாற்றியமைக்க திட்டமிடப் பட்டது. 2020ல் சமஸ்கிருத மற்றும் திராவிட கல்வெட்டு அதிகாரிகள் சட்டம் மற்றும் விதிமுறைகள் உருவாக்கப் பட்டதையும் ஒப்புக் கொண்டனர்[5]. இது பற்றி சுற்றுக்கு விட்டு, கருத்து கேட்டுத் தான் “Assistant Superintending Epigraphists and Assistant Epigraphists (Sanskrit, Dravidian and Arabic and Persian Inscriptions) Group ‘B’ posts, Recruitment Rules, 2020” உருவாக்கப் பட்டன[6]. இவ்வாறு 2013லிருந்து நடந்து வரும் நிகழ்வுகளை முழுவதும் அறிந்து கொள்ளாமல் அல்லது உண்மையினை சொல்லாமல், திடீரென்று இப்பொழுது ஏதோ நடக்கிறது போன்ற மாயையை உருவாக்க முற்படுவது, யாருக்கும் நல்லதல்ல. குறிப்பாக, ஓய்வு பெற்று வசதியாக இருப்பவர்கள், இருப்பவர்களுக்கு பிரச்சினை உருவாக்கும் விதத்தில் ஊடகங்களில் பேட்டி அளிப்பது, அறிக்கைகள் விடுவது முதலியவை தவிர்க்கப் பட வேண்டும் / முதலியவற்றைத் தடுக்க வேண்டும். 28-09-2020 அன்று வெளியிடப் பட்ட விதிமுறைகளையும் எதிர்க்கவில்லை.

© வேதபிரகாஷ்

02-08-2021


[1] தினமலர், கல்வெட்டு ஆய்வாளர்கள் சென்னையில் ஆர்ப்பாட்டம், Added : ஜூலை 16, 2021  00:47.

[2] https://www.dinamalar.com/news_detail.asp?id=2803154

[3] தினமலர், கல்வெட்டு பிரிவை வலிமைப்படுத்துவது அவசியம்‘,  நமது நிருபர், Updated : ஆக 01, 2021  01:12 |  Added : ஆக 01, 2021  01:11.

[4] https://www.dinamalar.com/news_detail.asp?id=2813989

[5] The Notification No. 3-2/2020, the 28th September, 2020 was issued to introduce rules on the posts of Assistant Superintending Epigraphists and Assistant Epigraphists.

[6] https://www.staffnews.in/wp-content/uploads/2020/10/Para-Medical-Worker-Library-Clerk-Chief-Chemist-etc-post-rr.pdf

திராவிடத்துவ சரித்திரம், தலைவர்களின் பாடங்கள், தமிழ்நாடு பாடநூல் புத்தகங்கள், கல்வியியல் பணிகள் கழகத்தின் புதிய தலைவராக லியோனி, தொடரும் சர்ச்சைகள் (2)

ஜூலை 22, 2021

திராவிடத்துவ சரித்திரம், தலைவர்களின் பாடங்கள், தமிழ்நாடு பாடநூல் புத்தகங்கள், கல்வியியல் பணிகள் கழகத்தின் புதிய தலைவராக லியோனி, தொடரும் சர்ச்சைகள் (2)

திமுக உயர்ஜாதி, தேவர், உடையார், முதலியார், வன்னியர், உத்தரையர், கவுண்டர், நாடார், முஸ்லிம், கிருத்துவர் என்று தான் ஓட்டு விகிதம் பெற்று ஜெயித்துள்ளது.

திமுகஅதிமுக ஆட்சிகளில் திராவித தலைவர்களின் பாடங்கள் படும் பாடு: “ஆனால், ஒரே கருத்தியலில் இயங்கும் இரண்டு கட்சிகள் மாறி மாறி ஆளும் மாநிலத்தில், குறிப்பிட்ட ஒரு கட்சியின் தலைவரைப் பற்றி மட்டுமே பாடங்கள் இடம்பெறும்போதுதான், ஆட்சி மாற்றங்களின்போது பாடநூல் வரிகள் கருப்பு மை கொண்டு அழிக்க ஆணைகள் பிறப்பிக்கப்படுகின்றன. மு.கருணாநிதியின் இலக்கியப் பணிகள் பாடமாக்கப்படும்போது, அவரது சமகாலத்து திராவிட இயக்க எழுத்தாளர்களைப் பற்றி பாடங்கள் இடம்பெறுவதில்லை[1]. முன்னாள் முதல்வர் என்ற முறையில் அவரது சமூகப் பணிகள் பாடமாக்கப்படும்போது, அவருக்கு முன்பும் பின்பும் ஆட்சிசெய்த மற்ற முதல்வர்களைப் பற்றிய பாடங்களும் இடம்பெறுவதுதானே முறை? அதற்கு வாய்ப்பில்லாத பட்சத்தில்தான் கட்சி அரசியல் தலைதூக்குகிறது. கடந்த காலத் தவறுகள் மீண்டும் நிகழாதிருக்கட்டும்,” என்று முடித்துள்ளது[2]. அதாவது, “திராவிட” பதாகையின் கீழ், இந்த இரு கட்சிகள் இயங்கினாலும், பெரியார், அண்ணா போன்றோரை பொதுவாக உபயோகித்துக் கொண்டாலும், மற்றவர்களைப் பற்றி பாரபட்சமாக அல்லது முழுவதுமாக ஒதுக்கும், மறைக்கும் முறையிலேயே செயல் பட்டு வருகிறது. அண்ணாதுரை, கருணாநிதி, எம்ஜிஆர், ஜெயலலிதா, ஜானகி எம்ஜிஆர், ஓ.பி. பன்னீர் செல்வம், எடப்பாடி பன்னீர்செல்வம், ஸ்டாலின் என்று இருக்க்ம் நிலையில், ஒருவரின் பாடம் மட்டும் இடம் பெறுவது பாரபட்சமான செயலே.

லியோனி நியமனம், திமுகவில் உள்ளவர்களையே பாதித்துள்ளது. ஆபாச பேச்சாளர் லியோனி என்ற நிலையில் உள்ளவர் நியமிக்கப் பட்டது வியப்பானது தான்!

லியோனி பதவிக்கு வந்தது உட்கட்சி பூசலான விவகாரம்: கட்சிக்காகப் பல வருஷம் கடுமையா உழைச்ச பலருக்கு எம்.எல்.ஏ., எம்.பி சீட் கிடைக்கலை. சரி, கேட்குற எல்லாருக்கும் சீட் கொடுக்க முடியாதுதான். தமிழ்நாடு பாடநூல் கழகத்தின் தலைவராக லியோனியை நியமனம் செய்ததற்கு, தி.மு.க-வுக்கு வெளியிலிருந்து பல விமர்சனங்கள் கிளம்பி ஓய்ந்துள்ள நிலையில், மற்ற வாரியங்களின் தலைவர் பதவிக்கான நியமனம் கட்சிக்குள்ளேயே பல புகைச்சல்களைக் கிளப்பியுள்ளது[3]. ‘‘லியோனி உட்பட தற்போது வாரியங்களின் தலைவர்களாக நியமிக்கப்பட்டிருப்பவர்கள், நேரடியாகத் தலைவருக்கு அறிமுகமுள்ளவர்கள் என்பதைத் தவிர, வேறெந்தத் தகுதியும் இல்லாதவர்கள். கட்சிக்காக உண்மையாக உழைத்தவர்கள் இன்னும் மூலையில்தான் முடங்கிக்கிடக்கிறோம்,” எனக் கொதிக்கிறார்கள் உடன்பிறப்புகள்[4].

ஜாதி மற்றும் கம்யூனல் அரசியல் மூலம் தான் திமுக வென்றுள்ளது. செக்யூலரிஸம் பேசுவது எல்லாம் போலித் தனமே.

தி.மு. அரசு ஆட்சிப் பொறுப்பேற்ற பிறகு, வாரியத் தலைவர்கள் பொறுப்புக்குப் புதியவர்கள் நியமிக்கப்பட்டார்கள்: அந்தவகையில், சிறுபான்மை நல வாரியத்தின் தலைவராக காங்கிரஸைச் சேர்ந்த மூத்த தலைவர் பீட்டர் அல்போன்ஸ், தமிழ்நாடு கட்டுமானத் தொழிலாளர் நலவாரியத்தின் தலைவராக பொன்.குமார், தமிழ்நாடு கேபிள் டி.வி நிறுவனத்தின் தலைவராக குறிஞ்சி சிவக்குமார், தமிழ்நாடு பாடநூல் கழகத்தின் தலைவராக தி.மு.க கொள்கை பரப்புச் செயலாளர் திண்டுக்கல் ஐ.லியோனி, தமிழ்நாடு அரசுப் பணியாளர் தேர்வாணையத்தின் உறுப்பினர்களாக ஐ.ஏ.எஸ் அதிகாரி முனியநாதன், பேராசிரியர் ஜோதி சிவஞானம், அருள்மதி, ராஜ்மரியசூசை ஆகியோர் நியமிக்கப்பட்டுள்ளார்கள். இந்த நியமனங்கள்தான், வட மாவட்டத்தைச் சேர்ந்த உடன்பிறப்புகள் மத்தியில் கடுமையான கொந்தளிப்பை ஏற்படுத்தியுள்ளது. ‘‘கட்சியின் இந்த நியமனங்கள், ஒன்பது மாவட்டங்களுக்கு நடைபெறவிருக்கும் உள்ளாட்சித் தேர்தலில் கண்டிப்பாக மிகப்பெரிய பின்னடைவை உண்டாக்கும்’’ என்றவர்கள், நம்மிடம் கூடுதலாகச் சில தகவல்களைப் பகிர்ந்துகொண்டார்கள்.

வாரியத் தலைவர்கள் நியமன சர்ச்சைதலைவரிடம் அறிமுகம் இருப்பவர்களுக்கு மட்டும்தான் பதவியா?: ‘‘கட்சிக்காகப் பல வருஷம் கடுமையா உழைச்ச பலருக்கு எம்.எல்.ஏ., எம்.பி சீட் கிடைக்கலை. சரி, கேட்குற எல்லாருக்கும் சீட் கொடுக்க முடியாதுதான். ஆனா, வாரியத் தலைவர்கள் போன்ற கௌரவப் பதவிகளையாவது அவங்களுக்குக் கொடுக்கலாம். ஆனா, சிறுபான்மை நலவாரியத் தலைவர் பதவியை காங்கிரஸுக்குக் கொடுக்கிறாங்க. அ.தி.மு.க-வுல இருந்துவந்த மஸ்தானுக்கு துணைத் தலைவர் பதவியைக் கொடுத்திருக்காங்க. அ.தி.மு.க-வுலருந்து இந்த மாதம் கட்சியில சேர்ந்த ரெண்டு பேருக்கு வாரியத் தலைவர் பதவி கொடுக்கவிருப்பதாகவும் செய்திகள் வருது. லியோனி கட்சியில சேர்ந்ததே 2011-லதான். அவர் கட்சிக்காக என்ன உழைச்சிருக்காரு? கட்சிக்காரன் நடத்துற கூட்டத்துக்கே ஐம்பதாயிரம் பணம், பெரிய ஹோட்டல்ல ரூம் போட்டுக் கொடுத்தாத்தான் பேச வருவாரு. ஆனா, கட்சிக்காக லட்சக்கணக்குல செலவழிச்ச எங்களை மாதிரி ஆளுகளுக்கு ஒண்ணுமில்ல. லியோனி கட்சிக்காகச் செஞ்ச வேலைதான் என்ன… பட்டிமன்றப் பேச்சாளர் என்ற தகுதியே ஒரு வாரியத்தோட தலைவராகுறதுக்குப் போதுமா என்ன?

இவ்வாறு பாடப் புத்தகங்களில் இன்றும் திராவிட இனக் கட்டுக்கதை மீதான பாடங்கள் இடம் பெற்றிருப்பது, தரத்தை நன்றாகவே காட்டுகிறது.

வாரியத் தலைவர்கள் நியமன சர்ச்சை: டி.என்.பி.எஸ்.சி உறுப்பினரா ஜோதி சிவஞானத்தை நியமிச்சிருக்காங்க. அவருக்கும் கட்சிக்கும் என்ன சம்பந்தம்… நம்ம கட்சியில பேராசிரியர்கள், படிச்ச அறிவாளிகள் யாருமே இல்லையா? ஜெயரஞ்சன் பரிந்துரை செஞ்சாருங்கிற ஒரே காரணத்துக்காக அவருக்குப் பதவி. கட்டுமான வாரியத்துக்கு பொன்.குமாரைத் தலைவராக்கியிருக்காங்க. கட்சிக்காக வேலை பார்க்குற யாரையும் தலைமை கண்ணுக்குத் தெரியலபோல’’ என்றவர்கள், தொடர்ந்து வேறு சில தகவல்களையும் பகிர்ந்துகொண்டார்கள். தலைவரிடம் அறிமுகம் இருப்பவர்களுக்கு மட்டும்தான் பதவியா?  ‘‘வன்னியர் சமூகத்தோட ஒப்பிடும்போது, குறைவான மக்கள்தொகை கொண்ட பல சமூகங்களுக்கு தலா நான்கு பதவிகள் கொடுத்திருக்காங்க. ஆனா, பெருவாரியான மக்கள்தொகை கொண்ட வன்னியர் சமூகத்துக்கு மூணே மூணு பதவிதான். அதிலயும், துரைமுருகன் ஏற்கெனவே அமைச்சரா இருந்த துறையைப் பிரிச்சு பாதியை எ.வ.வேலுகிட்ட கொடுத்துட்டாங்க. எம்.ஆர்.கே.பன்னீர்செல்வம், சிவசங்கர் ரெண்டு பேருக்கும்கூட டம்மியான துறைகள்தான் ஒதுக்கப்பட்டிருக்கு.

ஆதாரமில்லாத கட்டுக் கதை போன்ற பாலகிருஷ்ணனின் கருதுகோள், இங்கு நிலை நிறுத்தப் பட்ட சரித்திரம் போன்று சேர்த்திருப்பது ஆபத்தான பாலமுறை தான்!

ஜாதி ரீதியிலான எதிர்ப்புகள்சலசலப்புகள்: அமைச்சரவைப் பட்டியல் அறிவிச்ச உடனேயே சமூக வலைதளங்கள்ல, ‘பாருங்க, நம்ம சமூகத்தை தி.மு.க புறக்கணிச்சிருக்கு’ன்னு பா.ம.க-காரங்க பிரசாரம் செய்ய ஆரம்பிச்சுட்டாங்க. இந்த நேரத்துல அவங்களை எதிர்கொள்ளணும்னா, விழுப்புரம், காஞ்சிபுரம், செங்கல்பட்டு, சேலம், தருமபுரி, வேலூர், ராணிப்பேட்டை ஆகிய ஏழு மாவட்டத்துலருந்து வன்னியர் சமூகத்தைச் சேர்ந்த யாருக்காவது பிரநிதித்துவம் கொடுத்திருக்கணும். ஆனா, ஈரோடு மாவட்டத்தைச் சேர்ந்த குறிஞ்சி சிவக்குமார், ஏற்கெனவே பிரநிதித்துவம் கொடுக்கப்பட்ட அரியலூர் மாவட்டத்துலருந்து ஜோதி சிவஞானம், மெட்ராஸைவிட்டு வெளியே வராத பொன்.குமார் ஆகியோருக்குப் பதவியைக் கொடுத்துட்டு, வன்னியர் சமூகத்துக்குப் பதவி கொடுத்திருக்கோம்னு சொல்லிக்குறாங்க.

ஆதாரமில்லாத கட்டுக் கதை போன்ற பாலகிருஷ்ணனின் கருதுகோள், இங்கு நிலை நிறுத்தப் பட்ட சரித்திரம் போன்று சேர்த்திருப்பது ஆபத்தான பாலமுறை தான்! அரசியலாக்கும் இத்தகைய பாடதிட்டங்களினால், மாணவர்கள் எதிர்காலம் தான் பாழாகும்.

தலைவரிடம் அறிமுகம் இருப்பவர்களுக்கு மட்டும்தான் பதவியா? – வாரியத் தலைவர்கள் நியமன சர்ச்சை: ராமதாஸ், சி.வி.சண்முகம் போன்ற தலைவர்கள் வலிமையா இருக்குற பகுதிகள்ல, மற்ற சமூகங்களைச் சேர்ந்தவங்கதான் பெரிய பதவிகள்ல இருக்காங்க. இப்போ உள்ளாட்சித் தேர்தல் நடக்கப்போற காஞ்சிபுரம், செங்கல்பட்டு, விழுப்புரம், கள்ளக்குறிச்சி, வேலூர், திருப்பத்தூர், ராணிப்பேட்டை மாவட்டங்கள்ல வன்னியர் சமூகத்தைச் சேர்ந்த யாருக்கும் எந்தப் பிரதிநிதித்துவமும் கொடுக்கப்படலை. கேட்டா, “துரைமுருகனுக்குப் பதவி கொடுத்திருக்கோமே”னு சொல்றாங்க. அவரால வன்னிய சமூகத்தைச் சேர்ந்த யாருக்கும் எந்தப் பிரயோஜனமும் இல்லை. அவரை நெருங்குறதுக்குள்ளயே போதும் போதும்னு ஆகிடும். அவருகூட நெருக்கமா ஒரு வன்னியர்கூட இல்லை. மற்ற சமுதாயத்தைச் சேர்ந்தவங்களைத்தான் கூடவே வெச்சிருக்காரு. வடதமிழகத்தைப் பொறுத்தவரை, பா.ம.க-வை எதிர்கொள்ள தி.மு.க -வில் வன்னியர் சமூக நிர்வாகிகளுக்கு முக்கியத்துவமும் பதவியும் தந்தால்தான் உள்ளாட்சித் தேர்தலில் போய் வாக்கு கேட்க முடியும். தலைவர் ஸ்டாலின் சரியான முடிவுகளை எடுக்கிறவர்தான், ஆனா, இது போன்ற விஷயங்களைத் தலைவர் காதுக்குக் கொண்டுபோறதுக்கு யாரும் இல்லை. கட்சியில இருக்குற வன்னிய சமுதாயத்தைச் சேர்ந்த தலைவர்கள்கூட, நம்ம வேலை முடிஞ்சா போதும்னு ஒதுக்கிங்கிறாங்க. இதே நிலைமையில போனா, கொங்குப் பகுதிகளைப்போல வடமாவட்டங்களையும் தி.மு.க தலைமை மறந்துட வேண்டியதுதான்’’ என்கிறார்கள் ஆதங்கமாக. பதவிகள் என்றாலே பஞ்சாயத்துதானே!

© வேதபிரகாஷ்

22-07-2021

ஆதாரமில்லாத கட்டுக் கதை போன்ற பாலகிருஷ்ணனின் கருதுகோள், இங்கு நிலை நிறுத்தப் பட்ட சரித்திரம் போன்று சேர்த்திருப்பது ஆபத்தான பாலமுறை தான்! அரசியலாக்கும் இத்தகைய பாடதிட்டங்களினால், மாணவர்கள் எதிர்காலம் தான் பாழாகும். மற்ற இடங்களுக்கு செல்லும் போழுது, இத்தகைய கட்டுக் கதைகள் உதவாது.

[1] தமிழ்.இந்து, பள்ளிப் பாடநூல்கள் அரசியல் கட்சிகளின் பிரச்சார அறிக்கைகள் அல்ல, செய்திப்பிரிவு, Published : 21 Jul 2021 03:14 AM, Last Updated : 21 Jul 2021 06:43 AM.

[2] https://www.hindutamil.in/news/opinion/editorial/695595-school-textbooks.html

[3] விகடன், வாரியத் தலைவர்கள் நியமன சர்ச்சைதலைவரிடம் அறிமுகம் இருப்பவர்களுக்கு மட்டும்தான் பதவியா?, இரா.செந்தில் கரிகாலன், பிரீமியம் ஸ்டோரி, Published: 22-07-2021 at 6 AM; Updated: 22-07-2021at 6 AM

[4] https://www.vikatan.com/government-and-politics/politics/board-chairman-appoint-controversy

திராவிடத்துவ சரித்திரம், தலைவர்களின் பாடங்கள், தமிழ்நாடு பாடநூல் புத்தகங்கள், கல்வியியல் பணிகள் கழகத்தின் புதிய தலைவராக லியோனி (1)

ஜூலை 22, 2021

திராவிடத்துவ சரித்திரம், தலைவர்களின் பாடங்கள், தமிழ்நாடு பாடநூல் புத்தகங்கள், கல்வியியல் பணிகள் கழகத்தின் புதிய தலைவராக லியோனி (1)

தமிழகத்தில் திராவிடத்துவ  வாதிகளின் ஆபாசகொக்கோகப் பேச்சுகள்: தமிழகத்தை பொறுத்த வரையில், ஈவேரா, அண்ணா, கருணாநிதி போன்ற திராவிடத்துவத் தலைவர்கள் மற்றும், அணுகுண்டு ஆறுமுகம், இரா. வெற்றிக் கொண்டான், தீப்பொறி சண்முகம் என்ற அடுத்த கட்ட மேடைப் பேச்சாளர்கள், 1950களிலிருந்தே, ஆபாசமாக, அருவருப்பாக, இரட்டை அர்த்தத்தில் செக்ஸ் தொணியில் பேசுவது வழக்கமாக, வாடிக்கையாக இருந்து வந்தது. அப்பொழுதெல்லாம், இரவு 10-11 மணிக்கு மேல், காலை 2 மணி வரை நடக்கும், இத்தகைய கூட்டங்களுக்கு பிரத்யேக கூட்டம் இருக்கும். நடுவில் ஜனரஞ்சகமாக இருக்க எஸ்.ஏ. அசோகன் போன்றோரையும்  பேச வைப்பது உண்டு. அவர் பேசிக் கொண்டே நடித்துக் காட்டுவார், நடித்துக் கொண்டே கிண்டலாக பேசுவார். இதற்ககென்றே தனிக் கூட்டம் வரும். உடன்பிறப்புகளே, ஒரு தாய் மக்களே, போன்றவற்றிற்கு சிறப்பான விளக்கமுமளிக்கப் படும். பிறகு திரைப்படம், திரைப்பட பாடல்கள், நாடகம், சினிமா என்று டிவி வந்தது. இவற்றிலும் அந்த ஆபாச-நகச்சுவை தொடர்ந்தது. பிறகு பட்டிப் பன்ற கலாச்சாரத்திலும் புகுந்தது. 1980-90களில் டிவி-பட்டிமன்றம்   மக்களின் நேரவிரயத்திற்கு அதிகமாகப் பயன் பட்டது. அந்நிலையில், பாப்பையா, லியோனி போன்றோர் பிரபலமாகினர். ஆபாச-கொக்கோக பேச்சுகளுக்கு லியோனி, தனி பிரான்ட் தான்!

தமிழ்நாடு பாடநூல் நிறுவனம் மற்றும் கல்வியியல் பணிகள் கழகத்தின் புதிய தலைவராக திண்டுக்கல் .லியோனி நியமனம்:  திமுக ஆட்சிக்கு வந்தவுடன், ஒரு பக்கம் நல்ல அதிகாரிகள் நியமனம் என்று ஆரம்பித்து, இன்னொரு பக்கம் இத்தகைய நியமனங்களும் அரங்கேறின. தமிழ்நாடு பாடநூல் நிறுவனம் மற்றும் கல்வியியல் பணிகள் கழகத்தின் புதிய தலைவராக திண்டுக்கல் ஐ.லியோனி சமீபத்தில் நியமிக்கப்பட்டார். தொண்டாமுத்தூரில் 2021 சட்டப்பேரவைத் தேர்தல் பிரச்சாரத்தின்போது லியோனி பெண்கள் குறித்துப் பேசியது சர்ச்சையான நிலையில், பாடநூல் கழகத்தின் தலைவராக அவர் நியமனம் செய்யப்பட்டது சமூக வலைதளங்களில் விமர்சனத்துக்கு உள்ளாகியது[1]. பாமக நிறுவனர் ராமதாஸ், கஸ்தூரி உட்பட்டோரும் இந்த நியமனத்துக்கு எதிர்ப்பு தெரிவித்துள்ளனர். இது தொடர்பாக, செய்தியாளர்களிடம் விளக்கமளித்த ஐ.லியோனி, “இத்தகைய விமர்சனங்களை நான் பொருட்படுத்தவில்லை. ஏனெனில், பெண்களே அதுகுறித்த பெரிய போராட்டத்தையோ, பெரிய அளவிலான எதிர்ப்பையோ இதுவரை பதிவு செய்யவில்லை” என்றார்[2]. அதாவது, போராட்டம் நடத்தினால் தான், இவரது ஆபாசத்திற்கு அப்ரூவல் கிடைக்கும் போலிருக்கிறது!

வெளிநாட்டு மாட்டு பாலை குடித்து, குடித்து நம்ம தமிழக பெண்கள் பலூன் மாதிரி பெருத்து போயிட்டாங்கா லியோனி தேர்தல் பேச்சு: தமிழ்நாடு பாடநூல் மற்றும் கல்வியியல் பணிகள் கழகத்தின் தலைவராக திண்டுக்கல் ஐ.லியோனி நியமிக்கப்பட்டபோது தொடங்கிய விவாதங்களும் சர்ச்சைகளும், அவர் பொறுப்பேற்ற பிறகு வேறு திசையில் இன்னும் தீவிரம்பெற்றிருக்கின்றன. தேர்தல் பிரச்சாரக் கூட்டத்தில் பெண்களைக் கண்ணியக் குறைவான முறையில் பேசியதாக லியோனி மீது வைக்கப்பட்ட விமர்சனங்கள், அவர் அப்பொறுப்பில் நியமிக்கப்பட்டபோது மீண்டும் ஒருமுறை நினைவுபடுத்தப்பட்டிருக்கின்றன. கோவை, தொண்டாமுத்தூர் தொகுதியில் திமுக வேட்பாளர் கார்த்திகேய சிவசேனாதிபதிக்கு ஆதரவாக லியோனி பிரசாரம் மேற்கொண்டார். அப்போது கூட்டத்தில் பேசிய லியோனி, “வெளிநாட்டு மாட்டு பாலை குடித்து, குடித்து நம்ம தமிழக பெண்கள் பலூன் மாதிரி பெருத்து போயிட்டாங்கா[3]. அவர்களின் பிள்ளைகளும் அதே போன்று பெருத்து போயிட்டாங்கா. ஒரு காலத்துல பெண்களோட இடுப்பு 8 மாதிரி இருக்கும், குழந்தைகளை தூக்கி இடுப்புல வச்சா அப்படியே உட்கார்ந்துக்குவாங்க,” என்று மிகவும் அறுவருக்கத்தக்க வகையில் பேசினார்[4].

லியோனி பேச்சுகளை கவனித்தால், அவர் ஆசிரியராக இருந்ததே கேள்விக் குறியாகிறது: 33 ஆண்டுகள் பள்ளி ஆசிரியராகப் பணிபுரிந்த லியோனி, அறிவொளி இயக்கத்தில் தீவிரமாகப் பங்கெடுத்துக்கொண்டவர். அவரைப் பாடநூல் கழகத்தின் தலைவராக நியமித்தது சரியானதுதான் என்று திமுகவுக்கு வெளியிலிருந்தும் ஆதரவுக் குரல்கள் எழுந்தன. தவிர்த்திருக்கப்பட வேண்டியவை என்று அவரது மேடைப் பேச்சுகளைக் கடந்துசென்றாலும், பாடநூல் கழகத்தின் தலைவராகப் பொறுப்பேற்றுக்கொண்டதன் பிறகு நடந்த பத்திரிகையாளர் சந்திப்பில், அவர் அளித்த பதில்கள் விவாதத்துக்குரியதாகவே அமைந்துள்ளன. அத்தகைய பேச்சுகளில் ஊறிப் போனவர்களை மாற்ற முடியாது. ஒருவர் பேசும் போதே, அவர்களின் இயற்கையான குணம் வெளிப்பட்டு விடும். என்னத்தான், மறைத்தாலும், மறைக்க முயன்றாலும், நில நேரங்களில் வார்த்தை உச்சரிப்பு, கருத்துகள் தோன்றும் தன்மை, முதலியவை வெளிப்படுத்தி விடும்.

அண்ணா போல கருணாநிதி பற்றிய பாடங்கள் 12ம் வகுப்பு பாடதிட்டத்தில் சேர்க்கப் படும்: முன்னாள் முதல்வர் கருணாநிதி பற்றிய பாடத்தை 1-ஆம் வகுப்பு முதல் 12-ஆம் வகுப்பு வரையிலான பாடத்திட்டத்தில் சேர்ப்பது குறித்து முதல்வரிடம் கலந்து பேசி முடிவு செய்யப்படும் என்று தமிழ்நாடு பாடநூல் கழகத்தின் தலைவராக பதவியேற்ற திண்டுக்கல் லியோனி தெரிவித்துள்ளார். பாடநூல்களை மாணவர்கள் விரும்பி படிக்கும் வகையில் மாற்றுவதே என்னுடைய நோக்கம். நான் மாணவராக இருந்த காலக்கட்டத்தில் பேரறிஞர் அண்ணாவின் பேச்சு பாடத்திட்டத்தில் வைக்கப்பட்டிருந்தது[5]. அதுபோல ஒன்றாம் வகுப்பு முதல் 12-ஆம் வகுப்பு வரையிலான பாடத்திட்டத்தில் கருணாநிதியின் கல்விப் பணி, இலக்கிய பணி, பிற்படுத்தப்பட்டோருக்காக ஆற்றிய பணிகள் ஆகியவற்றைச் சேர்ப்பது குறித்து முதல்வரிடம் கலந்து பேசி முடிவு செய்யப்படும்,” என்று தெரிவித்தார்[6].2022ஆம் ஆண்டு முதல் இனி பாடப்புத்தகங்களில் ஒன்றிய அரசு என்று தான் இருக்கும்.

கருணாநிதி பற்றிய பாடங்கள் என்றால் எப்படியிருக்கும்?: ஒன்றாம் வகுப்பு முதல் பன்னிரண்டாம் வகுப்பு வரையிலான அனைத்து மாணவர்களுக்கும் முன்னாள் முதல்வர் மு.கருணாநிதியின் இலக்கியப் பணிகள், கல்விப் பணிகள், பொதுமக்களுக்கு ஆற்றிய பணிகள், பிற்படுத்தப்பட்ட மற்றும் ஒடுக்கப்பட்ட மாணவர்கள் கல்வி கற்பதற்காக ஆற்றிய பணிகள் குறித்துப் பாடங்கள் இடம்பெறும் என்று லியோனி தெரிவித்துள்ளார். நடப்புக் கல்வியாண்டில் புத்தகங்கள் அச்சிடப்பட்டு விநியோகிக்கப்பட்டுவிட்டதால், அடுத்த ஆண்டு இத்திருத்தங்களைச் செய்வது குறித்து ஆலோசிக்கப்படும் என்றும் அவர் தெரிவித்திருக்கிறார். திமுகவின் தேர்தல் பிரச்சாரங்களில் கலந்துகொண்டதற்கான பரிசாகத் தமக்கு அளிக்கப்பட்ட பொறுப்பை அவர் கருதியிருக்கலாம். இப்பொழுதுள்ள 60 முதல் 90 வயதானவர்களுக்கு திராவிடத் தலைவர்கள் பற்றி நன்றாகவே தெரியும். ஆகையால், அவர்களைப் பற்றிய விவரங்களை பாடங்களாக கொடுத்தால், அவை நிச்சயமாக முழுமையாக, உண்மையாக இருக்காது என்று தெரியும். ஆகவே, சரித்திர ரீதியில், அத்தகைய 50% உண்மை, 70% என்ற நிலையில் பாடங்களைப் படித்தால், மாணவ-மாணவிகளுக்கு உண்மை தெரியாது.

கருணாநிதி பாடம் பற்றி “தமிழ்.இந்து” கூறுவது: லியோனி, தான் நியமிக்கப் படுத்தப் பட்டதற்கு, நன்றியுணர்வை வெளிப்படுத்தும் வகையிலேயே அவரது பேச்சு அமைந்துள்ளது, என்கிறது தமிழ்.இந்து. “கடந்த திமுக ஆட்சியில் சமச்சீர் பாடநூல்கள் அறிமுகப்படுத்தப்பட்டபோது, ஏறக்குறைய அனைத்து வகுப்புப் பாடங்களிலுமே திமுக குறித்தும் மு.கருணாநிதி குறித்தும் குறிப்புகள் இடம்பெற்றிருந்தன. அதிமுக ஆட்சிக்கு வந்ததும் அந்தக் குறிப்புகள் நீக்கப்பட்டன. அதுபோலத் தலைவர்களின் பங்களிப்புகளை மாணவர்களுக்குப் பாடமாக வைப்பதை அரசியலாகப் பார்க்கக் கூடாது என்று ஒரு கேள்விக்குப் பதிலளித்திருக்கிறார் லியோனி. ஒன்றிய அரசோ, மாநில அரசோ எந்தவொரு ஆட்சி மாற்றம் நிகழ்ந்தாலும் அதன் கருத்தியல்ரீதியிலான சார்புநிலைகள் பாடநூல்களிலும் எதிரொலிக்கவே செய்கின்றன. தமிழ்நாடும் அதற்கு விதிவிலக்கல்ல”, என்கிறது.

© வேதபிரகாஷ்

22-07-2021


[1] தமிழ்.இந்து, லியோனி நியமனம்; தமிழ்நாடு பாடநூல் கழகத்தின் நோக்கத்தைச் சிதைப்பதாக உள்ளது: ஓபிஎஸ், செய்திப்பிரிவு, Published : 09 Jul 2021 02:07 PM; Last Updated : 09 Jul 2021 03:02 PM.

[2] https://www.hindutamil.in/news/tamilnadu/691168-ops-on-lioni-1.html

[3] கதிர்.நியூஸ், தமிழக பெண்களின் இடுப்பு இப்படியா இருக்கணும்: வக்கிர புத்தியுடன் பேசிய திமுக பேச்சாளர் லியோனி.!, By : Thangavelu  |  24 March 2021 11:20 AM.

[4] https://kathir.news/politics/dmk-spoke-person-campaign-dindigul-leoni-bad-words-women-886663

[5]  ஏசியாநெல்.தமிழ், தமிழகப் பள்ளிப் பாடங்களில் கருணாநிதி பற்றிய பாடம்பதவியேற்றதும் திண்டுக்கல் லியோனி அதிரடி.!, Asianet Tamil, Chennai, First Published Jul 12, 2021, 8:57 PM IST.

[6] https://tamil.asianetnews.com/politics/karunanidhi-biography-in-school-curriculum-from-1st-to-12th-class-dindigul-leoni-action–qw51l7

ரத்தம், நிறம், இனம் பிறகு மரபணு வைத்து “விஞ்ஞான” ஆராய்ச்சி – நூபியா-ஆப்பிரிகாவிலிருந்து திராவிடர்கள் இந்தியாவிற்குள் நுழைந்தனர் [2]

ஜூலை 16, 2019

ரத்தம், நிறம், இனம் பிறகு மரபணு வைத்துவிஞ்ஞானஆராய்ச்சிநூபியாஆப்பிரிகாவிலிருந்து திராவிடர்கள் இந்தியாவிற்குள் நுழைந்தனர்  [2]

Nubia-origi of Dravidians

சிந்து சமவெளி நாகரிகம் ஆரியர் வருகையால்தான் அழிந்தது என்பதற்கான எவ்வித ஆதாரங்களும் கிடைக்கப் பெறவில்லைடோனி ஜோசப்: “டைம்ஸ் நௌ” தமிழும் விடவில்லை, தமிழில் இவ்வாறு வெளியிட்டது. இந்திய வரலாற்றில் ஆரியர்களின் வருகை இதுநாள் வரை கோட்பாடு அடிப்படையில் சொல்லப்பட்டு வந்தது[1]. டிஎன்ஏ அடிப்படையிலான ஆய்வில் உலக அறிவியலாளர்கள் தற்போது இந்தக் கோட்பாட்டுக்கு ஆதாரங்களை வழங்கியுள்ளனர்[2]. இதுகுறித்து தி இந்து ஆங்கில நாளிதழில் (ஜூன் 17, 2017) டோனி ஜோசப் விரிவான கட்டுரையை எழுதியிருக்கிறார்[3]. கட்டுரையிலிருந்து சில குறிப்பிடத்தகுந்த கருத்துக்கள் மட்டும் இங்கே…[4] என்று மொழிபெயர்த்து கொடுத்துள்ளது:

  • தந்தை வழியில் கடத்தப்படும் ’ஒய்’ குரோமோசோம்களைக் கொண்டு ஆரியர்களின் வருகையை அறிவியலாளர் நிரூபித்துள்ளனர். இதுநாள் வரை தாய் வழி எம்டி டிஎன்ஏக்களை வைத்துதான் ஆய்வு நடந்தது. அதில் குறிப்பிடத்தகுந்த ஆய்வுகளை மேற்கொள்ள முடியவில்லை.
  • ஒய் டிஎன்ஏக்களுக்கும் எம்டி டிஎன்ஏக்களுக்கும் நேர் எதிரான ஆய்வு முடிவுகள் காணக்கிடைக்கின்றன. காரணம், வெண்கல யுகத்தில் நடந்த புலப்பெயரில் பாலியல் சமத்துவமற்ற நிலைமை இருந்திருக்கிறது. அதாவது புலப்பெயர்வில் ஆண்களே அதிகமானோர் இருந்திருக்கிறார்கள். எனவே, இந்திய பெண்களின் தாய்வழி மரபணுக்களை வைத்து இதுநாள் வரை சரியான முடிவை நோக்கி ஆய்வாளர்களால் நகர முடியவில்லை.
  • ஒய் டிஎன்ஏக்களின் ஆய்வில்5% இந்திய ஆண்கள் ஹப்லோ க்ரூப் எனப்படும் ஆர்1ஏ என்ற பிரிவினர் ஒற்றை உறவு வழியை அடிப்படையாகக் கொண்டவர்கள் என கண்டறியப்பட்டுள்ளது.
  • இந்த ஆர்1ஏ என்ற பிரிவினர் மத்திய ஆசியா, ஐரோப்பிய மற்றும் தெற்கு ஆசியாவில் விரவி இருக்கிறார்கள்.

Dravidians came from Nubia-Iran-India

கட்டுரை வலியுறுத்துவது இந்தியாவில் ஒற்றை கலாச்சாரம், ஒற்றை சந்ததியினர் என்பவர் எவரும் இல்லை: “வெண்கல யுகத்தில் மத்திய ஆசியாவில் நிகழ்ந்த புலப்பெயர்வு ஆண்களை அடிப்படையாகக் கொண்டது என்பதை டிஎன்ஏ முடிவுகள் காட்டுகின்றன.  மேலும், த பண்டைய இந்தோ ஆசிய இனத்தின் பாகுபாடுள்ள சமூக அமைப்பையும் இது காட்டுகிறது” என்கிறார் இங்கிலாந்தைச் சேர்ந்த பேராசிரியர் மார்டின் பி. ரிச்சர்ட்ஸ்.

  • ஆர்1ஏ பிரிவில் இரண்டு பெரும் பிரிவுகள் உள்ளன. ஒன்று z282, z93. z282 பிரிவினர் ஐரோப்பாவுக்குள் மட்டுமே பிரிந்து சென்றனர். z93 பிரிவினர் மத்திய ஆசியாவுக்கும் கிழக்கு ஆசியாவுக்கும் பரவினர். மேலும்z93ன் மூன்று துணைபிரிவினர் இந்தியா, பாகிஸ்தான், ஆஃப்கானிஸ்தான், இமாலய பகுதிகளில் பரவினர்..
  • முந்தைய ஆய்வுகளில் ஆர்1ஏ பிரிவினர் இந்தியாவைப் பூர்வீகமாகக் கொண்டு, அங்கிருந்து பரவியதாக கருதப்பட்டனர். அந்தக் கருத்தை தற்போதைய ஆய்வு தகர்த்திருக்கிறது” என்கிறார் அறிவியலாளர் பீட்டர் அண்டர்ஹில்.
  • பீட்டர் அண்டர்ஹில்லுடன் இணைந்து டேவிட் போஸ்னிக் 2016ஆம் ஆண்டு வெளியிட்ட ஒரு ஆய்வு முடிவில்z93பிரிவினரின் பரவல் 4000லிருந்து 4500 ஆண்டுகளில் நடந்திருக்கலாம் என்கின்றன. அதாவது 4000 ஆண்டுகளுக்கு முன்பு சிந்து சமவெளி நாகரிகம் அழியும் தருவாயில் இந்தப் பிரிவினரின் வருகை நடந்திருக்கிறது. சிந்து சமவெளி நாகரிகம் ஆரியர் வருகையால்தான் அழிந்தது என்பதற்கான எவ்வித ஆதாரங்களும் கிடைக்கப் பெறவில்லை என்கிறார் கட்டுரையாளர் டோனி ஜோசப். ஆனால் இந்த இரண்டு நிகழ்வுகளும் ஒரே காலத்தில் நடந்தேறியிருக்கின்றன என்பதையும் சுட்டுகிறார்.
  • 2009-ஆம் ஆண்டு செப்டம்பர் மாதம் இந்திய ஊடகங்கள் ’ஆரிய – திராவிட பிரிவினை என்பது பொய்- ஆய்வு முடிவு’ என தவறான கோணத்தில் செய்தி வெளியிட்டதையும் கட்டுரையாளர் சுட்டிக்காட்டுகிறார். இதுவரை வெளியான ஆய்வுகளில் அப்படியான கருத்துகள் எதுவும் வெளியாகவில்லை. ஆனால். ஊடகங்கள் திரித்துள்ளன என்கிறார்.
  • இதுவரையிலான ஆய்வுகளில் இந்தோ ஐரோப்பிய மொழிக்குடும்பங்களிலிருந்து பிரிந்த ஒரு பிரிவினர் இந்தியாவுக்குள் நுழைந்துள்ளனர் என்று நிரூபித்திருந்தனர். அதாவது சமஸ்கிருதம் இந்தோ ஐரோப்பிய மொழிக்குடும்பத்தைச் சேர்ந்தது. இவர்கள் உயர்சாதியினராக அறியப்படுகின்றனர்.
  • கட்டுரை வலியுறுத்துவது இந்தியாவில் ஒற்றை கலாச்சாரம், ஒற்றை சந்ததியினர் என்பவர் எவரும் இல்லை. 65 ஆயிரம் ஆண்டுகளுக்கு முன்பு ஆப்பிரிக்காவிலிருந்து ஒரு பிரிவினர் இங்கே வந்தனர்[5]. பிறகு 10 ஆயிரம் ஆண்டுகளில் தெற்கு ஆசியாவிலிருந்து ஒரு பிரிவினர் வந்தனர்[6].  பிறகு சிந்துவெளி சமவெளி மக்கள் (அவர்கள் எங்கிருந்து வந்தனர் என்பதை கட்டுரையாளர் குறிப்பிடவில்லை; அவர்கள் முதலில் வந்தவர்கள்தான் அதாவது பூர்வகுடிகள் என்கிற கோட்பாடு சொல்லப்படுகிறது) 4 ஆயிரம் ஆண்டுகளில் ஆரியர்கள் வந்தனர். அதன் பிறகு வணிகம் செய்யவந்தவர்கள் என வரலாறு முழுக்க பலரும் வந்துகொண்டிருக்கின்றனர் என்கிறார்கள். நாமெல்லாம் வந்தேறிகள் என்று முடிக்கிறார்.

Myth of race, psudo science

இனம் [Race], இனசித்தாந்தம் [Racism], மற்றும் இனவெறித்துவம் / நிறவெறித்துவம் [Racialism]: கலப்பினத் தோற்றம் அல்லது கலப்பினம் உருவாக்கம் [Miscegenation] என்பது முன்னமே இருந்த கொள்கைதான். இனம் [Race], இனசித்தாந்தம் [Racism], மற்றும் இனவெறித்துவம் / நிறவெறித்துவம் [Racialism] முதலியவற்றுடன், கலப்பினத் தோற்றம் அல்லது கலப்பினம் உருவாக்கம் சேர்ந்திருந்தன. போர்ச்சுகீசியர் தாம், தாம் சென்ற நாடுகளில், அந்தந்த நாட்டினர் பெண்களுடன் புணர்ந்து, புதியதாக கலப்பினத்தவரை உண்டாக்கினர். அத்தகையோர் தமக்கு விசுவாசமாக இருப்பர் என்பது அவர்களது கொள்கையாக இருந்தது. அவ்வாறு உருவாக்கிய குழுமத்தை காஸ்டா [casta] என்று குறிப்பிட்டனர். அது பிறகு காஸ்ட் [caste] / ஜாதி என்றாகியது. போர்ச்சுகீசியர் கலப்பினத்தவரை சுத்தமானவர் / தூய்ன்மையாஅ இனத்தவர் என்று கொள்ளவில்லை. ஆனால், அவர்கள் தங்களது நிறவெறித்துவ தீவிரவாதக் கொள்கைகளை உலக யுத்தங்கள் முடிந்த பிறகு, ஹிட்லரி மீது சுமத்த, “ஆரிய இனம்” என்று உருவாக்கி, பரப்ப ஆரம்பித்தனர். இனரீதியில், அது யூதர்களை பாதித்ததால், இனம் பொய், கட்டுக்கதை என்று மற்றினர். பிறகு, இப்பொழுது, உலகமயமாக்கம் போன்றவற்றில் வியாபாரம் தான் முக்கியம் எனும் போது, “எல்ல்லொரும் ஒன்று” போன்ற பொய்மை சித்தாந்தங்களை உருவாக்க, வழி தேடிக் கொண்டிருக்கின்றனர். இதனால் தான், டோனி ஜோசப் போன்ற வியாபார ஏஜென்டுகள், “எல்லோருமே வந்தேறிகள்” என்று சித்தாந்தத்தை மாற்றியமைக்கப் பார்க்கின்றானர்.

Genetic Dravidian myth- Vedaprakash

திராவிடர்களும், மரபணு ஆராய்ச்சிகளும்: இந்தியாவில், வேண்டுமென்றே, ஆரிய குடியேற்றம், குடிபெயர்பு என்றெல்லாம் தான், விவாதிக்கப் படுகிறது, “திராவிடர்” பற்றி பேசுவது கிடையாது. ஏனெனில், ஆராய்ச்சியாளர்கள், 5000 வருடங்களுக்கு முன்பாக, திராவிட மொழி பேசுபவர்கள் நூபியாவில் வாழ்ந்து, இரான் மூலமாக, இந்தியாவிற்குள் நுழைந்து குடியேறிவர்கள் ஆவர். நூபியா என்பது, ஆப்ரிகாவில், நைல் நதிக்கரையில், அஸ்வான் மற்றும் கார்டோம் இடையில் உள்ளது[7]. அதனால், இந்தியாவில் தோன்றிய மரபணு குழுக்கள் அல்லர் என்பது “M macrohaplogroups” நிரூபிக்கிறது[8] என்பதால், மறைப்பர்தற்காக, இதைப் பற்றி அலசுவதில்லை. மேலும், ஆப்ரிகாவில் இருந்து திராவிடர்கள் வந்தனர் என்றால், சிந்துசமவெளி மற்றும் குமரிக்கண்டம் இரண்டுமே – மூலம் மற்றும் சம்பந்தப்பட்ட கருதுகோள்கள், சித்தாந்தங்கள் எல்லாமே –  அடிபட்டு போகிறது. பூகோள ரீதியாக பரவிய, மரமணு கூறு “hg M” கொண்டவர், நூபியாவில் உள்ள “C-Group”-டன் ஒத்துப் போகிறார்கள்[9] என்றும் எடுத்துக் காட்டப் பட்டுள்ளது. இந்நிலையில், திராவிட இன வந்தேறி மரபணு கோட்பாட்டை ஓரங்கட்டி, ஜாதி ரீதியில் அலசி, ஆராய்ச்சி செய்ய இறங்கி விட்டனர்[10]. பள்ளர், வன்னியர், நாடார் [கிருத்துவன் / இந்து], முஸ்லிம், ஐயங்கார், ஐயர், மீனவர், மார்வார், அகமுடையார், என்று எல்லோருமே, ஒரே மூல மரபணுவிருந்து, பிறகு, கலப்பினில் உருவானவதாம் என்று எடுத்துக் காட்டுகின்றனர். பிறகு, தமிழகத்தில் இருப்பவர் அனைவரையும் ஒரே ஜாதி என்று சொல்லி விட முடியுமா?

© வேதபிரகாஷ்

15-07-2019

Genetic Dravidian myth- Vedaprakash-2

[1] The Hindu, How genetics is settling the Aryan migration debate, Tony Joseph JUNE 16, 2017 23:49 IST; UPDATED: JUNE 19, 2017 12:50 IST.

[2]https://www.thehindu.com/sci-tech/science/how-genetics-is-settling-the-aryan-migration-debate/article19090301.ece

[3] டைம்ஸ் தமிழ், பெண்களை ஒதுக்கிய ஆரியர்கள்; ஆரியர்களின் வருகைக்கு மரபணு ரீதியான ஆதாரம் கண்டுபிடிப்பு, ஜூன் 17, 2017

[4]https://thetimestamil.com/2017/06/17/%E0%AE%AA%E0%AF%86%E0%AE%A3%E0%AF%8D%E0%AE%95%E0%AE%B3%E0%AF%88-%E0%AE%92%E0%AE%A4%E0%AF%81%E0%AE%95%E0%AF%8D%E0%AE%95%E0%AE%BF%E0%AE%AF-%E0%AE%86%E0%AE%B0%E0%AE%BF%E0%AE%AF%E0%AE%B0%E0%AF%8D%E0%AE%95/

 

[5] தி.இந்து, எங்கிருந்து வந்தார்கள்?, டோனி ஜோசப், Published : 03 Jul 2017 09:40 IST, Updated : 03 Jul 2017 09:40 IST.

[6]https://tamil.thehindu.com/opinion/columns/%E0%AE%8E%E0%AE%99%E0%AF%8D%E0%AE%95%E0%AE%BF%E0%AE%B0%E0%AF%81%E0%AE%A8%E0%AF%8D%E0%AE%A4%E0%AF%81-%E0%AE%B5%E0%AE%A8%E0%AF%8D%E0%AE%A4%E0%AE%BE%E0%AE%B0%E0%AF%8D%E0%AE%95%E0%AE%B3%E0%AF%8D/article9745656.ece

[7] Nubia is a region along the Nile river encompassing the area between Aswan in southern Egypt and Khartoum in central Sudan. It was the seat of one of the earliest civilizations of ancient Africa, with a history that can be traced from at least 2500 BC onward with the Kerma culture. The latter was conquered by the New Kingdom of Egypt under pharaoh Thutmose I around 1500 BC. Nubia was home to several empires, most prominently the kingdom of Kush, which conquered Egypt during the 8th century BC during the reign of Piye and ruled the country as its Twenty-fifth Dynasty (to be replaced a century later by the native Egyptian Twenty-sixth Dynasty).

[8] Dravidian speakers formerly lived in Nubia and migrated to India over 5000 years ago and the Indian M macrohaplogroups do not have an in situ origin.

Winters, Clyde. Origin and spread of Dravidian speakers, International Journal of Human Genetics 8.4 (2008): pp.325-329.

[9] The geographical distribution of the archaeological signature of the C-Group people from Nubia to India matches the location of populations carrying hg M.

[10] Kanthimathi, S., M. Vijaya, and A. Ramesh. Genetic study of Dravidian castes of Tamil NaduJournal of genetics 87.2 (2008): pp.175-179.