உலகில் முதலில் பிறந்த குரங்கு – தமிழ்க்குரங்கு தான் – திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (1)

உலகில் முதலில் பிறந்த குரங்குதமிழ்க்குரங்கு தான்திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (1)

தமிழ்நாடு நாள்’, ‘தமிழ்நாடு திருநாள்என்று சொல்லும்போதே நமது உள்ளத்தில் ஒரு மகிழ்ச்சி ஏற்படுகிறது; தமிழ்நாடு முதலமைச்சர் மு.க.ஸ்டாலின் 18-07-2022 அன்று தனது முகாம் அலுவலகத்திலிருந்து காணொலிக் காட்சி வாயிலாக சென்னை, கலைவாணர் அரங்கத்தில் நடைபெற்ற தமிழ்நாடு திருநாள் விழாவில் கலந்துகொண்டார்[1]. இதில் உரையாற்றிய முதலமைச்சர் ஸ்டாலின், “எத்தனையோ விழாக்கள், நிகழ்ச்சிகள் இருந்தாலும், தமிழ்நாடு திருநாள் என்ற நிகழ்ச்சிக்கு இணையானது எதுவுமில்லை[2]. ஏனென்றால், ‘தமிழ்நாடு நாள்’, ‘தமிழ்நாடு திருநாள்’ என்று சொல்லும்போதே நமது உள்ளத்தில் ஒரு மகிழ்ச்சி ஏற்படுகிறது[3]. அதனைச்சொல்லும்போதே ஒரு ஆற்றல் பிறக்கிறது. “தமிழ்நாடு வாழ்க! தமிழ்நாடு வாழ்க! தமிழ்நாடு வாழ்க!” என்று அண்ணா, 1967ஆம் ஆண்டு ஜூலை 18ஆம் நாள், தமிழ்நாடு சட்டப்பேரவையில் முழங்கிய முழக்கத்தை, மீண்டும் ஒரு முறை முழங்குவதன் மூலமாக என் உள்ளத்தில் மலர்ச்சி ஏற்படுகிறது[4].  செந்தமிழ் நாடென்னும் போதினிலே – இன்பத்தேன் வந்து பாயுது காதினிலே – எங்கள் தந்தையர் நாடென்ற பேச்சினிலே – ஒரு சக்தி பிறக்குது மூச்சினிலே – என்று பாடினார் மகாகவி பாரதியார். அத்தகைய உணர்ச்சியை நாம் இன்று பெறுகிறோம். இத்தகைய உணர்ச்சியை ஊட்டும் தமிழ்நாடு என்ற பெயர் சூட்டிய சாதனையானது, சாதாரணமாக நடந்துவிடவில்லை.

மொழிப்போர் தியாகிகள் தமிழுக்கு உயிர் விட்ட தியாகிகள்: தமிழ்நாட்டுக்கு தமிழ்நாடு என்று பெயர் சூட்டுங்கள் என்று சொல்லி 72 நாட்கள் உண்ணாவிரதம் இருந்து மறைந்தார் விருதுநகர் தியாகி சங்கரலிங்கனார்![5] தலைகொடுத்தாவது தலைநகரைக் காப்பேன் – என்று முழங்கியவர் தமிழரசு கழகத் தலைவர் ம.பொ.சி.அவர்கள். தனது வாழ்க்கையின் பெரும்பகுதியை மொழிவாரி மாகாணம் உருவாக்க ஒப்படைத்துக் கொண்டவர் சிலம்புச் செல்வர்[6]. அவர்கள். திருத்தணியில் நடந்த தடியடியில் இறந்து போனார்கள் இரண்டு தியாகிகள். தென் எல்லைப் போராட்டத்தில் 11 பேர் துப்பாக்கியால் சுடப்பட்டு இறந்து போனார்கள். தமிழ்நாடு கேட்டு போராடுபவர்களை ‘நான்சென்ஸ்’ என்று சொன்னதை எதிர்த்து மும்முனைப் போராட்டம் நடத்தியது திராவிட முன்னேற்றக் கழகம். நாடுமுழுவதும் பல்லாயிரக்கணக்கானவர்கள், பல மாதங்கள் சிறை வைக்கப்பட்டார்கள். தூத்துக்குடியில் நான்கு பேர் துப்பாக்கிச் சூட்டில் கொல்லப்பட்டார்கள்.

திமுக ஆட்சியில் தான் தமிழ்நாடு பெயர் சூட்டப் பட்டது: தமிழர்கள் பெரும்பான்மையாக வாழும் மாநிலத்துக்கு, ‘தமிழ்நாடு’ என்று பெயர் சூட்டுவதற்கே நாம் பல பத்தாண்டுகளாகப் போராட வேண்டி வந்தது, வாதாட வேண்டி இருந்தது, பேச வேண்டி இருந்தது, எழுத வேண்டி இருந்தது, உயிரைத் தர வேண்டி இருந்தது, ரத்தம் சிந்த வேண்டி வந்தது, மாநிலங்களவையில் குரல் எழுப்ப வேண்டி வந்தது, சட்டப்பேரவையில் தொடர்ந்து கேட்க வேண்டி வந்தது, தீர்மானங்களைக் கொண்டு வர வேண்டி வந்தது. அத்தனைக்குப் பிறகும் ‘தமிழ்நாடு’ என்று சொல்வதற்கான அனுமதி கிடைக்கவில்லை. இறுதியாக, திராவிட முன்னேற்றக் கழகம் ஆட்சியில் அமர்ந்த காரணத்தால்தான், தாய்த் தமிழ்நாட்டுக்குத் ‘தமிழ்நாடு’ என்று பெயர் சூட்டப்பட்டது. அண்ணா முதலமைச்சராக வந்ததால்தான் தாய்த்தமிழ்நாட்டுக்கு ‘தமிழ்நாடு’ என்று பெயர் சூட்டப்பட்டது.

சென்னை பிரதேசம் ஆக வேண்டியது தமிழ்நாடு அனது: “தமிழாய்ந்த தமிழ்மகன்தான் தமிழ்நாட்டின் முதலமைச்சர் ஆதல் வேண்டும்” என்று பாவேந்தர் பாரதிதாசன் அவர்கள் குறிப்பிட்டாரே, அத்தகைய தலைமகனான அண்ணா தலைமையில், கருணாநிதி, நாவலர் போன்றவர்கள் அமைச்சர்களாக வந்ததால்தான், இந்தத் தாய்த் தமிழ்நாட்டுக்கு தமிழ்நாடு என்று பெயர் சூட்டப்பட்டது.திராவிட முன்னேற்றக் கழகம் என்ற இயக்கம் உருவாகாமல் போயிருந்தால், தமிழ்நாட்டில் இந்த இயக்கம் ஆட்சிக்கு வராமால் போயிருந்தால், இந்த மாநிலத்திற்கு இன்று வரையில் தமிழ்நாடு என்ற பெயர் சூட்டப்படாமலேயே இருந்திருக்கும் என்பதை யாரும் மறந்து விட வேண்டாம். உத்தரப்பிரதேசம், மத்தியப்பிரதேசம், அருணாச்சலப்பிரதேசம் போல இதுவும், ‘சென்னை பிரதேசம்’ என்று அடையாளமற்ற மாநிலமாகத்தான், இன்று வரை இருந்திருக்கும் என்பதை யாரும் மறந்துவிட வேண்டாம்.

தமிழினம், ஒரு நிலத்தில் ஒரு நாட்டில் மட்டுமே வாழும் இனம் அல்ல; உலகளாவிய இனம்; திராவிடம் என்ன கிழித்தது என்று வாய் கிழியப் பேசுபவர்கள் இதனை அறிய வேண்டும். தமிழ்நாட்டுக்குத் தமிழ்நாடு என்று பெயர் சூட்டியதைவிட, வேறு சாதனை ஏதாவது தேவையா? மூவாயிரம் ஆண்டு பழமைகொண்ட தமிழ்மொழிக்குச் செம்மொழி என்ற தகுதியைப் பெற்றுத் தந்தது திராவிட முன்னேற்றக் கழகத்தின் சாதனை அல்லவா? இதனைவிட வேறு சாதனை தேவையா? இத்தகைய சாதனைச் சரித்திரத்துக்குச் சொந்தக்காரர்கள் நாம்.அதனால்தான், தமிழ்நாடு நாளைத் ‘தமிழ்நாடு திருநாளாக’ நாம் கொண்டாடிக் கொண்டு இருக்கிறோம். உலகம் முழுவதும் பரந்து விரிந்து வாழும் ஓர் இனம் உண்டென்றால், அது தமிழினம் தான். நம்முடைய இனம், ஒரு நிலத்தில் ஒரு நாட்டில் மட்டுமே வாழும் இனம் அல்ல; உலகளாவிய இனம்.

மூத்த மொழி தமிழ்: முப்பதுக்கும் மேற்பட்ட நாடுகளில் அதிக எண்ணிக்கையிலும், அறுபதுக்கும் மேற்பட்ட நாடுகளில் குறைந்த எண்ணிக்கையிலும் தமிழர்கள் வாழ்கிறார்கள்[7]. இவர்கள் அனைவருக்கும் தமிழ்நாடுதான் தாய்வீடு. இவர்கள் அனைவருக்கும் தமிழ்நாடுதான் தாய்நாடு[8]. “கல்தோன்றி மண்தோன்றாக் காலத்தே வாளொடு முன் தோன்றிய மூத்த குடி – நம்முடைய தமிழ்க்குடி!” அத்தகைய தமிழ்க்குடியின் தாய்மடி, இந்தத் தமிழ்நாடுதான்[9]. தமிழ்நாடு திருநாள் நிகழ்வுதமிழ்நாடு திருநாள் நிகழ்வுதமிழ்நாட்டில், கி.மு.ஆறாம் நூற்றாண்டிலேயே நகரமயமாக்கம் ஏற்பட்டிருந்தது என்பதை, கீழடி நமக்கு நிரூபித்துக் கொண்டு இருக்கிறது[10]. அதேபோல், சிவகளை முதுமக்கள் தாழியில் கண்டெடுக்கப்பட்ட உமி நீங்கிய நெல்மணிகளின் காலம் கி.மு.1155 எனக் கண்டறியப்பட்டுள்ளது.

3200 ஆண்டுகளுக்கு முறபட்ட தமிழ் நாகரிகம்: ‘தண் பொருநை’ என்று அழைக்கப்பட்ட தாமிரபரணி ஆற்றங்கரை நாகரிகம் 3,200 ஆண்டுகளுக்கு முற்பட்டது. இவை அனைத்தும் உலகப் புகழ்பெற்ற மானுடவியல் ஆராய்ச்சியாளர்களால் ஒப்புக் கொள்ளப்பட்ட உண்மைகள். “உலகில் முதலில் பிறந்த குரங்கு – தமிழ்க்குரங்குதான்” என்று நம்மைச் சிலர் அந்தக் காலத்தில் கிண்டல் செய்வார்கள்[11]. அதைப் பற்றி நமக்குக் கவலையில்லை. நாம் எதைச் சொன்னாலும் ஆய்வுப்பூர்வமாகத்தான் சொல்கிறோம்[12]. சிலர் போலக் கற்பனையாகச் சொல்லவில்லை. அத்தகைய வரலாற்றுப் பெருமை கொண்ட நமது தமிழினம் வாழ்ந்த நிலப்பரப்புக்கு, தமிழ்நாடு என்ற பெயர் இல்லை[13]. அதற்காகவும் போராட வேண்டி இருந்தது என்பது அவமானம் அல்லவா? அந்த அவமானம் துடைக்கப்பட்ட நாள்தான், இந்த ஜூலை 18-ஆம் நாள்” எனப் பேசினார்[14].

© வேதபிரகாஷ்

20-07-2022


[1] இ.டிவி.பாரத், சென்னை பிரதேசம்என்ற அடையாளமற்ற மாநிலமாகத்தான் இருந்திருக்கும்..’’ – ‘தமிழ்நாடு திருநாள்குறித்து முதலமைச்சர் உணர்ச்சிமிகு பேச்சு!, Published on: Jul 18, 2022, 10:42 PM IST.

[2] https://www.etvbharat.com/tamil/tamil-nadu/state/chennai/chennai-pradesh-would-have-been-an-unidentified-state-chief-minister-stalin-is-proud-of-tamil-nadu-thirunal/tamil-nadu20220718224253117117416?utm_source=JioNews&utm_medium=referral&utm_campaign=JioNews

[3] கலைஞர் செய்திகள், கொஞ்சம் விட்டிருந்தால் தமிழ்நாடு சென்னை பிரதேசம் ஆக மாறியிருக்கும்: சண்டை செய்வதன் அவசியத்தை விளக்கிய CM!, Prem Kumar, Updated on : 18 July 2022, 04:56 PM

[4] https://www.kalaignarseithigal.com/tamilnadu/2022/07/18/cm-mk-stalins-speech-at-the-tamil-nadu-day-function-tamil-nadu-would-have-become-chennai-region

[5] தமிழ்.ஒன்.இந்தியா, தமிழின நிலப்பரப்புக்கு தமிழ்நாடு பெயரிட இயலாத அவமானம் அகற்றப்பட்ட நாள் இன்றுமுதல்வர் மு..ஸ்டாலின் , By Mathivanan Maran Published: Monday, July 18, 2022, 15:52 [IST]

[6] https://tamil.oneindia.com/news/chennai/cm-mk-stalin-speech-in-tamilnadu-day-466831.html

[7] தமிழ்.இந்து, தமிழ்நாடுஎன்று பெயர் சூட்டியதை விட வேறு சாதனை தேவையா? – முதல்வர் ஸ்டாலின் பெருமிதம், செய்திப்பிரிவு, Published : 18 Jul 2022 02:01 PM; Last Updated : 18 Jul 2022 02:01 PM.

[8] https://www.hindutamil.in/news/tamilnadu/828144-cm-mk-stalin-speech-on-tamil-nadu-day.html

[9] தினத்தந்தி தமிழ்நாடு நாள் விழாவில் உரையாற்றுவது எனக்கு கிடைத்த மிகப்பெரிய பெருமை: முதல்அமைச்சர் மு..ஸ்டாலின், ஜூலை 18, 1:23 pm.

[10] https://www.dailythanthi.com/News/State/it-was-my-greatest-honor-to-address-the-tamil-nadu-day-function-chief-minister-m-k-stalin-748290

[11] NEWS18 TAMIL, “உலகில் முதலில் பிறந்த குரங்குதமிழ்க்குரங்குதான்” – முதலமைச்சர் மு..ஸ்டாலின் பேச்சு, LAST UPDATED : JULY 18, 2022, 14:29 IST.

[12] https://tamil.news18.com/news/tamil-nadu/tamil-nadu-chief-minister-m-k-stalin-speech-in-tamil-nadu-day-function-773262.html

[13] தினகரன், மாநிலத்தில் சுயாட்சி அமைந்தால்தான் இந்தியாவின் ஒருமைப்பாடு காப்பாற்றப்படும்: சென்னை விழாவில் காணொலி வாயிலாக முதல்வர் மு..ஸ்டாலின் பேச்சு, 2022-07-19@ 01:22:16. ; https://www.dinakaran.com/news_detail.asp?Nid=783839

[14] https://www.dinakaran.com/news_detail.asp?Nid=783839

குறிச்சொற்கள்: , , , , , , , , , , , , , , , , , , , , , ,

2 பதில்கள் to “உலகில் முதலில் பிறந்த குரங்கு – தமிழ்க்குரங்கு தான் – திராவிடியன் ஸ்டாக் ஸ்டாலினின் புதிய மனிதவியல் சித்தாந்தம்! (1)”

  1. vedaprakash Says:

    First monkey born in world was Tamil monkey TN CM MK Stalin Speech on Tamil Nadu Day

    Last Updated : July 18, 2022

    https://chennaiprint.in/india/first-monkey-born-in-world-was-tamil-monkey-tn-cm-mk-stalin-speech-on-tamil-nadu-day/4776/

    Chennai: This 18th July is not only the day when shame was wiped away, but also the day when the downtrodden Tamil nation was lifted up by naming it as Tamil Nadu – M.K.Stalin.

    Chief Minister M.K.Stalin has said that Tamil Nadu Thirunal will inspire the mind. This 18th July 2022 is celebrates as Tamil Nadu Day.

    Chief Minister M.K.Stalin, who participated in the Tamil Nadu Thirunal ceremony held at the Kalaivanar Arena in Chennai and spoke through video, said, “I have decided to speak on video as it is impossible to postpone the Tamil Nadu Thirunal. When you say Tamil Nadu Thirunal, energy and happiness increase in your mind.

    At that time, some people would tease us saying, “The first monkey born in the world was the Tamil monkey.” We are not worried about that. Whatever we say, we say it scientifically.

    The land where our Tamils ​​lived with such historical pride, does not have the name Tamilnadu. Isn’t it a shame that we had to fight for that too? The day that shame was wiped away, this 18th of July.

    This July 18 is not only the day that shame was wiped away, but also the day that the downtrodden Tamil nation was lifted up by naming it as Tamil Nadu.

    Chief Minister M.K.Stalin, who was discharged from the hospital this morning after completing treatment for Corona, participated in the Tamil Nadu Thirunal festival through video.

  2. vedaprakash Says:

    tamil.asianetnews –

    ஸ்டாலின் குரங்கா..!? அதிமுக நல்ல பெண்; அதான் தேமுதிக சுற்றி வருது .மதுரையில் முழங்கிய முதல்வர் எடப்பாடி!!

    Thiraviaraj RM, Madurai, First Published Mar 1, 2020, 9:52 PM IST; Last Updated Mar 1, 2020, 9:54 PM IST

    https://tamil.asianetnews.com/politics/stalin-monkey-the-amiable-good-woman-that-is-the-first-time-edamudi-palanisamy-came-to-the-fore–q6iw5i

    வீட்டில் வயது வந்த பெண் இருந்தால் அனைவரும் பெண்கேட்டு வருவது போன்று கூட்டணியில் இருப்பவர்கள் மேலவை உறுப்பினர் பதவி வேண்டி கேட்பார்கள். அதற்கு உரிய நடவடிக்கை கட்சி தலைமையில் இருந்து எடுக்கப்படும்.மாநிலங்களவை உறுப்பினர் பதவிக்கு தேமுதிக அதிமுகவிடம் அல்லாடிக்கொண்டிருக்கிறது.இதற்காக தான் வயதுக்கு வந்த பெண்ணை உவமையாக கட்டி பிரேமலதாவை உசுப்பேற்றியிருக்கிறார் முதல்வர்.

    “வீட்டில் வயது வந்த பெண் இருந்தால் அனைவரும் பெண்கேட்டு வருவது போன்று கூட்டணியில் இருப்பவர்கள் மேலவை உறுப்பினர் பதவி வேண்டி கேட்பார்கள். அதற்கு உரிய நடவடிக்கை கட்சி தலைமையில் இருந்து எடுக்கப்படும்.மாநிலங்களவை உறுப்பினர் பதவிக்கு தேமுதிக அதிமுகவிடம் அல்லாடிக்கொண்டிருக்கிறது.இதற்காக தான் வயதுக்கு வந்த பெண்ணை உவமையாக கட்டி பிரேமலதாவை உசுப்பேற்றியிருக்கிறார் முதல்வர்.

    இராமநாதபுரம் மற்றும் விருதுநகர் மாவட்டத்தில் மருத்துவக் கல்லூரிகள் துவங்குவதற்கான அடிக்கல் நாட்டு விழாவில் பங்கேற்ற முதல்வர் மற்றும் துணை முதல்வர் மற்றும் மத்திய அமைச்சர் ஹர்ஷ் வரதன் ஆகியோர் மதுரையிலிருந்து விமானம் மூலம் சென்னை செல்வதற்கு மதுரை விமான நிலையத்திற்கு வந்த போது செய்தியாளர்களை சந்தித்து பேசினர்.

    இராமநாதபுரம் மற்றும் விருதுநகர் மாவட்டங்களில் இரண்டு மருத்துவக் கல்லூரிகள்அடிக்கல் நாட்டு விழா நடைபெற்றுள்ளது.கமலுக்கு தமிழகத்தில் உள்ள துறைகள் குறித்து எதுவும் தெரியாது சினிமா துறையை மட்டும் தான் தெரியும்.துறைவாரியாக தேசிய விருதுகள் பெற்று வருகிறது தமிழகம்.கிராமத்தில் கூறும் பழமொழிக்கு ஒப்பாக கமல்ஹாசன் கூறுகிறார். விவசாயியாகதான் வருமானவரியை தற்போது வரையில் காட்டி வருகிறேன். சட்டமன்ற உறுப்பினராக இருந்த போது அதனுடைய சம்பளத்தில்தான் வருமான வரி கட்டினேன்.அதில் இருந்து தெரிந்து கொள்ளலாம் நான் விவசாயி என்று,

    மதுரையில் மு.க ஸ்டாலின் பொதுக்கூட்டத்தின் போது குரங்கு கதை கூறியுள்ளார். அவர் எண்ணங்கள் போன்று அவ்வாறு உவமை காட்டியிருக்கிறார். குடியுரிமைச் சட்டம் போராட்டம் குறித்து சட்டமன்றத்தில் தெளிவாக கூறி விட்டேன். தமிழக வருவாய்த் துறை அமைச்சரும் அது குறித்து தெளிவாக கூறி விட்டார்.கடந்த 2003 ல் பாஜக திமுக கூட்டணியின் போதே என்.பி.ஆர் சட்டம் கொண்டு வரப்பட்டது.2010ல் இதிட்டம் நடைமுறைக்கு வந்தது. முதல் முறையாக திமுக தான் அறிமுகப்படுத்தியது. என்.பி.ஆர் சட்டத்தில் கூடுதலாக மொழி,தாய் தந்தை பிறப்பிடம்,ஆதார்,குடும்ப வாக்காளர் அடையாள அட்டைகளை சமர்பிக்க வேண்டிய அம்சங்கள் சேர்க்கப்பட்டுள்ளது. இவற்றை விரும்பினால் கொடுக்கலாம், கொடுக்காமளும் இருக்கலாம். குடியுரிமை திருத்த சட்டம் குறித்த சட்டம் ஒழுங்கு பிரச்சினை எந்த முறையில் நடைபெற்றது என்பது விசாரணையின் மூலம் தான் தெரியவரும்.

    ராஜகண்ணப்பனுக்கு அதிமுக தான் அவருக்கு விலாசம் கொடுத்தது.அவர் நுழையாத கட்சி இல்லை.அதிமுக விசுவாசத்தை மறந்தவர்கள் முகவரி தெரியாமல் போய்விடுவார்கள்.எந்தத் துறையில் முறையீடு இருந்தாலும் அது உரிய முறையில் விசாரித்து தவறு செய்பவர்கள் மீது உரிய நடவடிக்கை எடுக்கப்படும்.அதில் மாற்று கருத்து கிடையாது.

    கிராமப்புறங்களில் இணையதள வசதி வழங்கும் திட்டம் குறித்து எதிர்க்கட்சியினர் தவறான பிரச்சாரம் மேற்கொண்டு வருகிறார்கள். இது மகத்தான திட்டம். இத்திட்டத்தால் 12 ஆயிரத்துக்கும் மேற்பட்ட கிராமங்கள் இன்டர்நெட் வசதி பெறும்.இத்திட்டம் நிறைவேறும் முன்பே எப்படி ஊழல் என பேச முடியும்.இந்த திட்டம் நிறைவேற்றப்பட்டால் மக்கள் மனதில் நிலையாக அதிமுக நின்றுவிடும் என்ற அச்சத்தில் எதிர்கட்ட்சிகளால் பொய் பிரச்சாரம் திட்டமிட்டுப் பரப்பப்பட்டு வருகிறது.

    வீட்டில் வயது வந்த பெண் இருந்தால் அனைவரும் பெண்கேட்டு வருவது வழக்கம் தானே.அதுவும் நல்ல பெண்ணாக இருந்தால் பெண்கேட்டு வருது வழக்கம் தானே.அதுவும் நல்ல பெண்ணாக இருந்தால் கேட்பார்கள்.அதுபோன்று கூட்டணியில் இருப்பவர்கள் பதவி வேண்டி கேட்பார்கள். அதற்கு உரிய நடவடிக்கை கட்சி தலைமையில் இருந்து எடுக்கப்படும்.இவ்வாறு முதல்வர் கூறினார்.

    Last Updated Mar 1, 2020, 9:54 PM IST

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s


%d bloggers like this: