Posts Tagged ‘ராபர்ட் கால்டுவெல்’

பிஷப் கால்டுவெல் – பிழையுரையும், பொய்யுரையும், திராவிட இனவாதமும் – புத்தக வெளிட்டு ராஜா பேசியது – பின்னணி, தமிழ் தேசிய குழப்பமா, சித்தாந்த மோதலா, சரித்திரவரையிலா?  [4]

ஒக்ரோபர் 13, 2018

பிஷப் கால்டுவெல்பிழையுரையும், பொய்யுரையும், திராவிட இனவாதமும்புத்தக வெளிட்டு ராஜா பேசியதுபின்னணி, தமிழ் தேசிய குழப்பமா, சித்தாந்த மோதலா, சரித்திரவரையிலா?  [4]

WhatsApp Image 2018-10-02 at 4.48.03 PM

அறிமுக உறை, வாழ்த்துரை முதலியன: இனி இந்த புத்தக வெளியீடு நிகழ்சிற்கு வருவோம். அறிமுகவுரையை கோப.சீனிவாசன், இல.குணசேகரன்; வாழ்த்துரை கா.பிரியதர்ஷினி, பி.பாலகணேஷ் நாடார், கே.வி.ராமகிருஷ்ண ராவ், எஸ்.ஈஸ்வரன் முதலியோர் நடத்துவதாக இருந்தது.  எச். ராஜா, பரதிய ஜனதா கட்சி தலைவர் 5.20ற்கு வந்ததால், நிகழ்சி துவங்கியது[1]. பிரியதர்ஷினி, “ராம் டிரஸ்டின்” [RAM = Religious Awareness Movement] சார்பாக பேசினார். பி.பாலகணேஷ், நாடார்கள் கால்டுவெல்லை ஏன் எதிர்கிறார்கள் என்று விளக்கினார். நாடார் என்றாலே இந்து, ஆகையால், இந்து நாடார் என்று சொல்லவேண்டிய தேவையில்லை. கத்தோலிக்க சர்ச் அவர்களிடையே பிளவை ஏற்படுத்துகிறது. சட்டம்பி சாமி, “ஏசுமத கண்டனம்” என்ற நூலை எழுதியுள்ளார். அதனை தமிழில் வெளியிடவேண்டும் என்றார்.

KVR apeaks

கே.வி.ராமகிருஷ்ண ராவ் பேசுகிறார்.

Audience-1

அரங்கத்தில் பங்கு கொண்டவர்கள் / பார்வையாளர்கள்

Audience-2

சரித்திர வரைவியல், சித்தாந்தம், வரலாற்று புறஇயல்பு நோக்கு, பாரபட்சம் முதலியன: பிறகு, கே.வி.ராமகிருஷ்ண ராவ் பேசும் போது, எப்படி இந்தியர் பிரிக்கப்பட்டது என்று விளக்கினார். சரித்திரவரவியல் சித்தாந்தம் எப்படி இந்தியாவில் பல குழுக்களால் விளக்கம் கொடுக்கப் பட்டு வர்கின்றது, என்பதனை எடுத்துக் காட்டி, உண்மை இருக்கும் போது, ஏன் மறுபக்கத்தை அல்லது மறைக்கப் பட்ட வரலாற்றை சொல்லக் கூடாது, எழுதக் கூடாது என்ற வினா எழுகின்றது. ஒரு முடிவிற்கு, தீர்மானத்திற்கு, தீர்ப்பிற்கு வரும் போது, இருக்கின்ற-கிடைக்கின்ற ஆதாரங்கள் அனைத்தையும் [contemporary, available and accessible evidences] விருப்பு-வெறுப்பின்றி அலசி [without bias, prejjudiced and preconceived notions], சாட்சிகள் கூறுவதையும் மற்ற சார்புடைய, இயைந்து போகும் அத்தாட்சிகளை [collaborative and corroborative evidences] வைத்துக் கொண்டு, எல்லாவற்றையும் சோதிக்க வேண்டும். எனவே திரு காசிவேலு அதே ஆராய்ச்சி முறையியலைப் [research methodology] பின்பற்றி இப்புத்தகத்தை எழுதியுள்ளார். ஈ.எச். கார் [E. H. Car] என்பவரின் படி, “சரித்திரம் என்பது இறந்த கால, நிகழ்காலங்களுக்கு இடையில் நடத்தப் படும் முடிவற்ற உரையாடல், தர்க்கம்,” என்றால், அத்தகைய முறையை எதிர்க்க எந்த சரித்திராசிரியனுக்கும் உரிமை இல்லை. மேலும், இக்கால சரித்திராசிரியர், விஞ்ஞானிகள் போல, உண்மை அறியும் விற்பன்னர்களைப் போல எங்களுக்கு பாரபட்சமற்ற உறுதித் தன்மை [objectivity] தேவை என்று சொல்லிக் கொள்வதில்லை. காசிவேலுவின் முயற்சி வரலாற்று வரைவியலில் முன்னுதாரணமாகக் கொண்டு பாராட்ட வேண்டும், இத்தகைய புத்தகங்கள் தொடர்ந்து வந்து கொண்டிருக்க வேண்டும். அவர் முயற்சி தொடர்ந்து வரவேண்டும்.

Chandrasekar, President

சந்திரசேகர், தலைவர்-நாடார் மகாஜனம், பேசுகிறார்.

Audience-3

அரங்கத்தில் பங்கு கொண்டவர்கள் / பார்வையாளர்கள்

Audience-4

எஸ். கல்யாண ராமன், கோப.சீனிவாசன், குணசேகரன் பேசியது: எஸ். கல்யாண ராமன், கால்டுவெல்லின் நாடார்களைப் பற்றிய புத்தக விவரங்களை தமிழில் மொழிபெயர்த்து, பின்னிணைப்பாக கொடுத்துள்ளதை எடுத்துக் காட்டினார். கோப.சீனிவாசன் பேசும் போது, இந்துக்களுக்கு நல்லவேலையை செய்பவர்களை பாராட்டத் தெரியவில்லை என்று எடுத்துக் காட்டினார். இந்து ஊடகவியல் மற்றும் அறிவுஜீவி குழுமம் சார்பாக, நினைவு பரிசுகளை வழங்கினார். குணசேகரன் பேசும் பொது, தியாகராயநகர், நடேச முதலியார் பூங்கா, நாயர் தெரு என்றெல்லாம் திராவிடத் தலைவர்களின் பெயர்களை வைத்துள்ளதைச் சுட்டிக் காட்டி, அதேபோல, மாற்று சித்தாந்திகளின் பெயர்களும் வைக்கப் படவேண்டும் என்றார். சமீபத்தில் இந்து கடவுளரை “சாத்தான்” என்றதை சுட்டிக் காட்டி, பதிலுக்கு அவர்கள் அரக்கர், என்று குறிப்பிடப்பட வேண்டும் என்று வாதிட்டார். கிருத்துவர் “ஐயர்” போன்ற பிரயோகம் செய்யக்கூடாது.

Caldwell book criticism released by H Raja-1

நுாலின் முதல் பிரதியை பெற்ற வழக்கறிஞர் யானை ராஜேந்திரன் பேசியதாவது: “எனக்கு மேடைகளில் பேசி பழக்கம் இல்லை, நீதிமன்றத்தில் பேசியிருக்கிறேன். தமிழகத்தில், நீதித்துறையை நம்பி, நீதிமன்றத்தை நாடினால், நல்ல பலன் கிடைக்கிறது. ஆனால், இவ்வளவு கோவில்கள் இருந்தாலும், விக்கிரங்கள் போலியாக இருப்பதால் ;அன் கிடைப்பதில்லை போலும்….1976லிருந்து தான் சிலை திருட்டு அதிகம் ஆனதுஇந்து அறநிலைய அறத்துறை என்பதே தவறு, “அறக்கட்டளைஎன்றிருக்க வேண்டும்..”பசுவதை, சிலை திருட்டு உள்ளிட்டவற்றிற்கு, நான் போட்ட ரிட் மனுவிற்கு, நீதிமன்ற உத்தரவு படி, தமிழக அரசு நல்ல பதில் அளித்துள்ளது. இந்து மதம், பழமையானது; அதன் கோட்பாடுகள் மக்களுடன் இணைந்தவை. அவற்றை யாராலும் அழிக்க முடியாது,” இவ்வாறு அவர் பேசினார்.

Kalyanaraman hounours Raja

புத்தகத்தை வெளியிட்டு எச். ராஜா பேசியது: வெளியிட்டு பேசும் போது, “தமிழர்கள் வந்தேறிகள் என்ற கால்டுவெல்லுக்கு மணிமண்டபம் தேவையா?” என்று கேட்டார்!  ”திராவிடர்களை வந்தேறிகள் எனக்கூறிய, பிஷப் கால்டுவெல்லுக்கு, தமிழகத்தில், சிலையும், மணிமண்டபமும் அமைத்தது எப்படி சரியாகும்,” என, பா.ஜ., தேசிய செயலர், எச்.ராஜா பேசினார்[2]. உமரி காசிவேலு எழுதிய, ‘பிஷப் கால்டுவெல் – பிழையுரையும், பொய்யுரையும், திராவிட இனவாதமும்’ என்ற நுாலை, சென்னையில், 07-10-2018 அன்று வெளியிட்டு அவர் பேசியதாவது[3]: “கால்டுவெல், நாடார் சமூகத்தை பற்றி குறிப்பிட்டதை சமீபத்தில், ஒரு மேடையில் பேசினேன். அது, என் கருத்து என்பது போல, சமூக ஊடகங்களில் பரப்பி, என்னை சர்ச்சைக்குள்ளாக்கினர். நான், எதை பேசினாலும், சர்ச்சைக்குரியதாய் மாற்ற, பலர் ஆர்வம் காட்டுகின்றனர். கால்டுவெல் எழுதிய, ‘ஆரியர் குடியேற்றக் கோட்பாடுஎன்பதை வைத்து, தமிழகத்தில், அரை நுாற்றாண்டாக, தமிழக இளைஞர்களின் மூளையை குப்பைத் தொட்டியாக, திராவிடக் கட்சிகள் மாற்றி உள்ளன.

 Book release, some kept aside

வந்தேறிகள் கோட்பாடுஆரியர்களுக்கு முன், திராவிடர்களும், இங்கு குடியேறியவர்கள் தான்: ஆரியர்களுக்கு முன், திராவிடர்களும், இங்கு குடியேறியவர்கள் தான்என, கால்டுவெல் கூறி உள்ளார். அவருக்கு, சிலையும், மணிமண்டமும் கட்டப்பட்டது எப்படி சரியாகும்.அவர் கூற்றுப்படி, அறிவற்ற, கருமை நிறம் உடைய, குட்டையான, சுருட்டை முடி கொண்டவர்களே திராவிடர்கள். திராவிடத்தை போற்றிய கருணாநிதியின் குடும்பத்திலேயே, பல்வேறு உருவமைப்புகள் உள்ளவர்கள் இருக்கும் போது, கால்டுவெல்லின் திராவிடக் கூற்று எப்படி சரியாகும். திருவள்ளுவரை, ஏழாம் நுாற்றாண்டைச் சேர்ந்தவர்; தாமஸின் நண்பர்; கிறிஸ்தவ மதத்திற்கு மாறினார் என்றெல்லாம் குறிப்பிட்டுள்ள கால்டுவெல்லின் கூற்றை, திராவிடக் கட்சிகள் ஏற்கின்றனவா?தமிழக அரசு, 1926ல் வெளியிட்ட அரசாணையில், தமிழகத்தில், தெலுங்கு பேசும் பட்டியல் இனத்தினரை, ஆதி தெலுங்கர்கள் என்றும், தமிழ் பேசுவோரை, ஆதி திராவிடர் என்றும் பிரித்துள்ளனர்; ஏன், ஆதி தமிழர் என, பிரிக்கவில்லை. தமிழகத்தில், தமிழும், சமஸ்கிருதமும் கலந்தே வழங்கின. வணிகர்களுக்கு கூட, சமஸ்கிருதம் படிக்க தெரிந்தது.இதற்கு, தமிழின் முதல் காப்பியமான சிலப்பதிகாரத்திலேயே நிறைய சான்றுகள் உள்ளன. திராவிட மொழிகளைப் பற்றி அறியாமல், திராவிட ஒப்பிலக்கணம் என்ற நுாலை, ஆங்கிலத்தில் எழுதி உள்ளார். ஆங்கிலம், நம் பூர்வ மொழியா. தன் மதத்தை பரப்ப, நம் மண்ணின் மைந்தர்களிடம், பொய்யுரைகளைக் கூறி, நம்ப வைத்து, பிரித்தாளும் சூழ்ச்சியை செய்துள்ளார், கால்டுவெல்.

 Kalayanaraman, GPs, Kasivelu,Raja, Gajendran

திராவிட இனம் என்பது கட்டுக்கதை, மாயை: திராவிடம் என்பது ஒரு இடம்[4]; இனமல்லஎன, ஆதிசங்கரர் கூறி உள்ளார். அதை, இனமாக்கியது, கட்சிகள் தான். திராவிடக் கட்சிகள், தமிழர்களின் வழிபாட்டு முறைகளை உடைத்து, அவர்களுக்கு பக்தியின் மீதிருந்த நம்பிக்கைகளை அழித்து, கொள்ளையடிக்கும் செயலில் ஈடுபட்டன. எப்படி தமிழையும், சமஸ்கிரு தத்தையும் பிரிக்க முடியாதோ அதேபோல் தமிழையும் இந்துவையும் பிரிக்க முடியாது. இரண்டும் இணைந்து இருக்கின்றன. இந்து மதத்தில் தீண்டாமை கிடையாது. ஏற்றத்தாழ்வுகள் இல்லை[5]. இதுவரை, கோவில் சொத்துக்கள் மட்டும், பல லட்சம் கோடி ரூபாய், கொள்ளையடிக்கப்பட்டுள்ளன.’பல சிலைகள் கண்டுபிடிக்கப்பட்டுள்ளன[6]; அவை, எந்த கோவிலுக்கு உரியது என்பது தெரியவில்லைஎன, தமிழக தொல்லியல் துறை அமைச்சர், பாண்டியராஜன் கூறி உள்ளார்[7]. கோவில் சொத்துக்களை பற்றி, அந்தந்த கோவில் அதிகாரிகள், பதிவேட்டில் குறித்து, சரிபார்க்க வேண்டும்[8]. ஆனால், அதற்குப் பதில், பத்து லட்சம் கோடி ரூபாய்க்கு மேல், கொள்ளையடித்துள்ளனர்[9]. கோவில் நிலங்களும், கோவில்களும், மடங்களும் ஆக்கிரமிக்கப்பட்டுள்ளன.தற்போது, இந்துசமய அறநிலையத்துறை அதிகாரிகள், ‘தங்களுக்கு பணிப்பாதுகாப்பு இல்லை; வேறு துறைக்கு மாற்ற வேண்டும்என, கோரிக்கை வைத்துள்ளனர். அவர்கள் எங்கு சென்றாலும், வழக்கு பாயும். துாத்துக்குடி கலவரத்தை, கிறிஸ்த பாதிரியார்கள்தான், தேவாலய மணியடித்து, துவக்கி வைத்தனர். அவர்கள், நம் மக்களின் ஒற்றுமையை குலைக்க திட்டமிட்டுள்ளனர்,” இவ்வாறு, எச்.ராஜா பேசினார்.

© வேதபிரகாஷ்

13-10-2018

KVR- Calwell criticism book-3

[1] அழைப்பிதழ் அவ்வாறுதான் அச்சிடப் பட்டிருந்தது.

[2] தினமலர், கால்டுவெல்லுக்கு சிலை எதற்கு: எச். ராஜா பேச்சு, : அக் 08, 2018  00:34

[3] http://www.dinamalar.com/news_detail.asp?id=2118699

[4] தி.இந்து.தமிழ், திராவிடம் என்பது இனம் அல்ல; அது ஓர் இடம்: பாஜக தேசிய செயலாளர் எச்.ராஜா விளக்கம், Published : 08 Oct 2018 08:10 IST, Updated : 08 Oct 2018 08:10 IST.

[5] https://tamil.thehindu.com/tamilnadu/article25153723.ece

[6] நெல்லை ஆன்.லைன், கால்டுவெல்லும், ஜி.யூ.போப்பும் தமிழ்ச் சமூகத்தையும் இந்து மக்களையும் பிரித்தார்கள் : எச்.ராஜா பேச்சு, திங்கள் 8, அக்டோபர் 2018 10:50:15 AM (IST)

[7] தி.தமிழ்.இந்து வெளியிட்ட செய்தியை அப்படியே வெளியிட்டுள்ளது – http://nellaionline.net/view/32_166369/20181008105015.html

[8] கதிர்.நியூஸ், 10 லட்சம் கோடிக்கு மேல் கொள்ளையடிக்கப்பட்டு இருக்கும் தமிழக கோயில் சொத்துக்கள்” – H ராஜா பகீர்!, By Kathir WebDesk – 8th October 2018

[9]  தி.தமிழ்.இந்து வெளியிட்ட செய்தியை அப்படியே வெளியிட்டுள்ளது – http://nellaionline.net/view/32_166369/20181008105015.htmlhttp://kathirnews.com/2018/10/08/10-lakh-crores-looted-hraja/

பிஷப் கால்டுவெல் – பிழையுரையும், பொய்யுரையும், திராவிட இனவாதமும் – புத்தக வெளியீடு, கிருத்துவர்களின் சாணார் விரோத போக்கும், சந்தித்த வழக்குகளும், பின்னணியும் [2]

ஒக்ரோபர் 13, 2018

பிஷப் கால்டுவெல்பிழையுரையும், பொய்யுரையும், திராவிட இனவாதமும்புத்தக வெளியீடு, கிருத்துவர்களின் சாணார் விரோத போக்கும், சந்தித்த வழக்குகளும், பின்னணியும் [2]

Shanars - how Chales Mead considered-2

நாடார்களும், பிராமணர்களும் சேர்ந்து செயல்பட்டது: நாடார்களுக்கு மட்டுமல்லாமல் தொண்டை மண்டல வெள்ளாள கவுண்டர் சமுதாயம் ஆகியவற்றிற்கும். பாசூர் மடாதிபதியும் அவ்வூர் அந்தணர்களும் 18,19,20ம் நூற்றாண்டில் சமுதாய குருவாக பெரும் சேவை ஆற்றியுள்ளனர்[1].  நாடார்களை பொறுத்த அளவில் அவர்களின் ஆன்மீக, வணிக மற்றும் பொது வாழ்விற்கு இவர்கள் பெரும் துணையாய் விளங்கியுள்ளனர். நாடார்கள் வாழும் கிராமங்களை பாசூர் அந்தணர்களின் குடும்பம் ஒவ்வொன்றும் தனதாக்கி / தத்தெடுத்து 5-10 ஆண்டுகளுக்கு ஒரு தடவை அக்கிராமங்களுக்கு சென்று அங்குள்ள மக்களுக்கு வேதாந்த சைவத்தை எடுத்து விளம்பி, சிவ தீட்சை வழங்கி, பூணூல் அணிவித்து, சத்திரியர்கள் என மீண்டும் அறிவித்து தன்னம்பிக்கையையும் உற்சாகத்தையும் வழங்கினார்கள். நாடார்கள் வசிக்கும் ஊர்களுக்குள் ஸ்ரீ மீனாட்சி சுந்தரேஸ்வரர் சிலையை பல்லக்கில் தூக்கி சென்று (அன்றைய ஆலய பிரவேச தடையை முறியடிக்க) வழிபாடு [2]செய்தனர். அதனில் ஒரு விக்ரகம் இன்றும் சேலம் கருமாபுரம் ஸ்ரீ சிவசுப்பிரமணிய குருக்கள் வசம் சித்தர் கோவிலில் (சேலம்) உள்ளது. இதிலிருந்து பிராமணர் எதிர்ப்பு, பிராமணர் துவேசம், முதலியவை எவ்வாறு திராவிட சித்தாந்திகளால் திரிக்கப் படுகின்றன, என்பதனையும் அறிந்து கொள்ளலாம். அதிகாரம், செல்வாக்கு, செல்வம் முதலியவற்றைப் பகிர்ந்து கொள்வதில் ஏற்படும் அரசியல் வெறி பிடித்த முயற்சிகளை மறைக்க அவை பயன்படுத்தப் படுகின்றன என்பதனை அறிந்து கொள்ளலாம்[3].

Shanars, toddy tree climbers-1

 நாடார்கள் உழைத்து, முன்னேறி அதிகாரத்தில் வருவதை ஏன் எதிர்க்க வேண்டும்?: சிவதீட்சை பெற்று பூணூல் அணிந்த நாடார்கள் சாதி பெயர் அன்றி சத்திரியர்கள் என பொதுவாக அழைக்கப்பட்டனர். (இதன் காரணமாக பிறந்ததே சத்திரிய வித்தியாசாலைகள்). கடந்த 40 ஆண்டுகளுக்கு முன்பு வரை தென்தமிழகத்தில் சிறு கிராமங்களில் கூட இவ்வாறு பூணூல் அணிந்த நாடார்கள் பலர் காணக்கிடைத்தனர். உதாரணத்திற்கு இக்கட்டுரையின் ஆசிரியரின் தந்தையார்; உமரிக்காடு (உமரிமாநகர்) சாமி நாடார் அவர்களும், அவரது தமையனார்; சத்திரியர் அருணாசல நாடார் அவர்களும் பூணூல் அணிந்திருந்தனர். அதுபோன்று வேதங்களை சமஸ்கிருதத்தில் ஓதவல்ல சிவகாசி நாடார்கள் பலர் இன்றும் உண்டு.  இதன் காரணமாகவே காசிப்பழ நாடார் அவர்கள் 1987ல் எழுதியுள்ள “ உமரிமாநகர் தல வரலாறு” எனும் நூலில் நாடார்களின் குருக்களாக பாசூர் அந்தணர்களை குறிப்பிடப்பட்டுள்ளதை நாம் காணலாம். இதை சமஸ்கிருத மயமாக்கம் என்றெல்லாம் குறிப்பிட்டு ஒதுக்கி விட முடியாது. திராவிட அரசியலில், காமராஜரை எதிர்க்கிறேன், காங்கிரஸை மோதுகிறேன் என்றெல்லாம், திராவிட சித்தாந்திகள் வாதிடலாம். ஆனால், ஜாதிகளால் பிரிக்கப் பட்ட இந்துக்கள் எல்லோருமே, முன்னர் போல ஒற்றுமையாக, இணைந்து வருகிறார்கள் என்பது, அவர்களுக்குப் பிடிக்கவில்லை என்று தெரிகிறது.

Shanars, toddy tree climbers-2

 நாடார்கள் சந்தித்த வழக்குகள்: இன்றைக்கு “கோவில் நுழைவு” என்றெல்லாம் பேசப்பட்டு வருகிறது. மேல் ஜாதியினர், கீழ் ஜாதியினரை கோவில்களுக்குள் அனுமதிக்கப் படுவதில்லை என்றெல்லாம் விவாதிக்கப் படுகிறது. உண்மை என்னவென்றால், கோவிலுக்குள் பக்தி சிரத்தையாக செல்பவர்களால் எந்த பிரச்சினையும் இல்லை. ஆனால், ஏதோ, எனக்கும் எல்லா உரிமைகளும் இருக்கின்ரன என்ற ரீதியில் செயல்படுவதாலும், அத்தகைய போக்கை ஊக்குவிப்பதாலும், பிரச்சினைகள் உருவாகின்றன. அதனால், நூறாண்டுகளுக்கு முன்னர், நாடார்களும் போராட வேண்டியிருந்தது. மேலே குறிப்பிட்டது போல, நாடார்கள் தங்களது உரிமைகளை நிலைநாட்ட, கீழ் கண்ட வழக்குகளில் மீண்டு வர வேண்டியிருந்தது:

  1. அருப்புக் கோட்டை கலவரம் – 1860-1861 – Aruppukottai Riot (O.S.205 of 1863) .
  2. திருச்செந்தூர் கோவில் நுழைவு – 1872 – Tiruchendur Temple Entry Case (C.Case No.88 of 1872)[4] .
  3. மதுரை மீனாக்ஷி கோவில் நுழைவு – 1874 – Madurai Meenakshi Amman Temple Entry Case (C.Case No.749 of 1874)[5].
  4. திருத்தங்கல் கோவில் நுழைவு – 1876 – Tiruthangal Temple Entry Case[6].
  5. சிவன் ராஜபுரம் வழக்கு – 1885 – Sivananajapuram Case.
  6. கழுகு மலை வழக்கு – 1895 – Kalugumalai case.
  7. காமுதி வழக்கு – 1898 – Kamudi case (C.Case No.83 of 1898)[7].
  8. சிவகாசி-திருநெல்வேலி கலவரம் – 1899 – Sivakasi & Tinnevelly Riots[8].

உண்மையில், இவ்வழக்குகளை ஆராயும் போது, பிரச்சினை நாடார், மறவர், சக்கிலியர் போன்ற சமுதயத்தவர்களுக்குள் உள்ள வேறுபாடுகள் தாம் என்பதனை அறிந்து கொள்ளலாம். அத்தகைய வித்தியாசங்கள் என், எப்படி வந்தன அவற்றை நீக்குவது எப்படி என்பதனைஆய்ந்து, பாடுபட வேண்டும்.

Shanars -musicians

நாடார்களும், பிராமணர்களும் சேர்ந்து கொண்டு புதிய கதைகளை உருவாக்கினர்என்ற வாதம்: கல்கத்தா பிஷப் திருநெல்வேலிக்கு 1865ல் வந்தபோது, “நாடார்கள் ராஜபுதன வீரர்களைப் போன்ற இனம் என்று கருதிக் கொள்லும் உணர்வு ஏற்பட்டுள்ளது. ஆனால், இவர்களது மூதாதையர்கள் பனைமரம் மேறும் ராஜாக்களாக இருந்திருக்கின்றனர்”, என்று விமர்சித்தார், என்று முன்னர் குறிப்பிடப் பட்டது. ஆனால், சரித்திர ரீதியில் ஆதாரங்கள் உள்ளனவா-இல்லையா என்று அவகள் ஆராய்ச்சி செய்த்தாகத் தெரியவில்லை. இதில் கூட, ராஜபுதன சத்திரியர்கள் சிகப்பாக இருக்கின்றனர், இந்த நாடார்-சத்திரியர்கள் கருப்பாக இருக்கின்றனர் என்பது போல, இனரீதியில் விமசரித்துள்ளனர். ஆனால், இந்திய தத்துவத்தின் படி, சத்திரியர் என்பது ஜாதியல்ல, வீரத்துடன் கத்தியை, ஆயுதத்தை எடுத்துப் போராடும் எவனும் சத்திரியன் தான் என்பதனை அவர்கள் உணரவில்லை. ராமன், கிருஷ்ணன் சத்திரியர்களே தவிர, கருப்பர் என்றெல்லாம் கருதப் படவில்லை. உண்மையைச் சொவதானால், கருப்புப் போற்ற்றப் பட்டது. அதாவது, நிறரீதியிலான, இனவெறி இந்தியரிடையே இல்லை. இவர்கள் பிராமணரை “ஆரியர்” என்று கருதினாலும், எல்லா பிராமணர்களும் ஐரோப்பியர் போன்று சிகப்பாக இல்லை, பழிப்பு நிறத்தில், ஏன் கருப்பு நிறத்திலும் பிராமணர்கள் அதிகமாகவே இருந்தனர். அதேபோலத்தான், திராவிடர்கள் என்று குறிப்பிட்டவர்கள் எல்லோருமே கருப்பாக இல்லை. அந்நிலையில், அவர்களது ஜாதி-வர்ணம் கோட்பாடுகள் பொய்யானது, இருப்பினும், திராவிட சித்தாந்திகள் இன்றும் அதனை பிடித்து வைத்துக் கொண்டு, ஜாதி துவேசத்தைத் தூண்டி, கலவரங்களை உண்டாக்கிக் கொண்டிருக்கின்றனர். அவ்விதத்தில் தான் கால்டுவெல் ஆதாரவும், எதிர்ப்பும் உள்ளன.

© வேதபிரகாஷ்

11-10-2018

Shanars -tree climbing, toddy collecting

[1] பொன்தீபங்களின் ‘கொங்க குலகுருக்கள்; கொங்கதேச சாமுத்திர கலாச்சார கேந்திரம் வெளியீடு, ஈரோடு 2009.

[2][2]  C. Sarada Devi, The History of Nadars, An approved Ph.D. thesis submitted to the Madurai Kamaraj University for the Degree of Doctor of Philosophy, 1985, p. 114

[3] சமீபத்தை தமிழ்நாடு வரலாற்றுப் பேரவையில் பேசிய ஜகதீசன், கருணானந்தன், ராஜப்பா, சுப.சவீரபாண்டியன் போன்றோரின் பேச்சுகளைப் பற்றி, இன்னொரு பதிவில் விவரமாக எழுதியுள்ளேன்.

[4] In 1872, a case100 was registered by Brahmins and Vellalas if brash unavailable against seven Nadars, as their entry into Tiruchendur temple had polluted the sanctity of the temple. But the Magistrate, A.D. Arundall dismissed the case and released them.

[5] Two years later in 1874,101 one Mooka Nadan was struck on the neck and pushed out of the temple, when he attempted to enter into Madurai Meenakshi Amman temple. In this case though the Nadars failed to get legal recognition, they did not give up the struggle.

[6] In 1876, at Tiruthangal, a similar attempt of temple entry was made. In 1890, the Nadars in Tiruchuli who attempted to enter the temple, were fined103 . When the Aruppukottai Nadars tried to build Sri Amuthalingeswarar temple, it was stopped by the District Munsiff Court. Later Ramnad Zamindar, who initially stopped the construction work, permitted the Nadars to construct the temple

[7] In 1898, at Kamudhi, another temple entry by Irulappa Nadar caused the Kamudhi riot. The Maravas complained that they had caused pollution to the idols and the temples. As a mark of protest, daily services in the temple were stopped and temporary purification was done. Damages were sought by the Raja of Ramanathapuram for the loss of honour and reputation to the temple, as the Nadars misused the temple and themselves conducted the worship. The Nadars’ appeals to High Court of Judicature and Privy Council were dismissed. The Nadars considered this as a prestige issue. And it was a turning point in their history. From then on, they changed their minds from religious rights to material progress. The Maravas who did not like the changes resulted in another riot, in which members of both Nadar and Maravar communities were killed. The temple entry movement in other places was an eye opener for the Hindu Nadars of Virudhunagar to have their own community temples. They constructed the Mariamman, Valasubramaniaswamy and Veilukandamman temples of their own in Virudhunagar.

[8] The trouble reached its zenith in the year 1899 in the Sivakasi riot. It happened on 6th June 1899. And it was most horrible occurrence among the Tinnevelly riots. The jealousy of Maravas and the over enthusiasm of Nadars to come up in the society clashed.

பிஷப் கால்டுவெல் – பிழையுரையும், பொய்யுரையும், திராவிட இனவாதமும் – புத்தக வெளியீடு, கிருத்துவர்களின் சாணார் விரோத போக்கும், பின்னணியும் [1]

ஒக்ரோபர் 13, 2018

பிஷப் கால்டுவெல்பிழையுரையும், பொய்யுரையும், திராவிட இனவாதமும்புத்தக வெளியீடு, கிருத்துவர்களின் சாணார் விரோத போக்கும், பின்னணியும் [1]

Caldwell book, wrapper

பிஷப் கால்டுவெல்பிழையுரையும், பொய்யுரையும், திராவிட இனவாதமும்என்ற நுால், ஏன்?: வெளியீட்டு விழா 07-10-2018 அன்று சென்னையில், குரு பாலாஜி  கல்யாண மண்டபத்தில் மாலை 4 மணிக்கு நடப்பதாக அறிவிக்கப்பட்டது. சாணார்களுக்கு அறிவில்லை, மந்தமான புத்தி உடையவர்கள், அவர்கள் படிப்பதற்கு லாயக்கில்லை…..என்றெல்லாம் கால்டுவெல் தனது புத்தகத்தில் எழுதினார். பிரச்சினை எழுந்தவுடன், அப்புத்தகத்தைத் திரும்பப் பெற்றதாக, ஆங்கில அரசு அறிவித்தது. ஆனால், விரிவான மற்றொரு புத்தகத்தை, லண்டனில் வெளியிட்டது. அதாவது, இந்தியாவைப் பொறுத்த வரைக்கும், அது திரும்பப் பெற்றதாக இருக்கலாம், ஆனால், உலகத்தைப் பொறுத்தவரைக்கும், அக்கருத்துதான், படித்தவர்கள் எல்லோரும் கொண்டிருப்பர். சாணர்களை இழுவு படுத்திய புத்தகம் முதலில் சென்னையில் 1849ல் வெளியிடப் பட்டது[1]. அப்பொழுதே அதற்கு எதிர்ப்புத் தெரிவிக்கப் பட்டது. அதனால், பிரதிகளை ஆங்கில அரசு பதுக்கிவிட்டது. ஆனால், மறுவருடமே, அதாவது 1850ல் லண்டனில் அதனை விரிவாக்கி வெளியிடப் பட்டது[2]. ஆகையால், இதற்கு மறுப்பு நூலாகத்தான், இப்புத்தகம் வெளியிடப்பட்டது.  அதைப் பற்றிய விவரங்கள் கீழே அலசப் படுகின்றன.

Shanars - how Robert Caldwell treated-1

கால்டுவெல் சாணார்களை / நாடார்களை தூஷித்து எழுதியது: கால்டுவெல் சாணார்களின் மீது மட்டும் ஏன் அத்தகைய காழ்ப்பு, வெறுப்பு, துவேசம் முதலியவற்றைக் கொண்டிருக்க வேண்டும் என்பது புதிராக உள்ளது. கால்டுவெல் சாணார்களை மிகவும் கேவலப் படுத்தி எழுதியுள்ளவற்றில் முக்கியமானவை கீழே கொடுக்கப் படுகின்றன:

  1. சாணார்களுக்கு அறிவில்லை, மந்தமான புத்தி உடையவர்கள், அவர்கள் படிப்பதற்கு லாயக்கில்லை…..
  2. சாணார்களுக்கு பனை ஏறுதலும், கருப்பட்டி தயாரித்தலும் முக்கிய தொழில். சிலர் விவசாயிகளாகவும், வியாபாரிகளாகவும் உள்ளனர்.
  3. சாணார்கள் – ஸ்ரீலங்காவிலிருந்து தமிழக தென் மாவட்டங்களில் குடியேறிய “வந்தேறிகள்”. அவர்கள் குடியேற வந்தபோது பனங்கொட்டைகளை விதைத்தனர்.
  4. இராவணனுடைய பிரதம மந்திரி மகோதாரா என்பவன் சாணார் குலத்தவன். சாணார்கள் ஆடிமாதம் முதல் தேதியை விடுமுறை நாளாகவும், மிகவும் மகிழ்ச்சிகரமான நாளாகவும் கொண்டாடுகின்றனர். ஏனென்றால் இதே தேதியில்தான் சீதையை இராவணன் கவர்ந்து சென்றான். இராமனுடைய துயரத்தை சாணார்கள் சந்தோஷமான நாளாக கொண்டாடுகின்றனர் ஆடி மாத இறுதி கொல்லம் ஆண்டின் கடைசி நாள். இத்தேதியை நாடார்கள் மட்டுமின்றி தென்மாவட்டங்களில் உள்ள மற்ற சமுதாயத்தினரும் “ஆடி இறுதி” என மகிழ்வான நாளாக கொண்டாடுகின்றனர்.
  5. சாணார்கள், கடவுளுக்கு பயப்படுகிறவர்கள் அல்ல. பொய் சொல்வதற்கு தயங்காதவர்கள். ஏமாற்று வேலையையும், தாழ்வான குணங்களையும் உடையவர்கள், இவர்கள் அறிவுபூர்வமானவர்கள் அல்லர். மிகவும் கோழையர்கள் கூட. இவர்கள் நன்றி மறப்பவர்கள். சுயநலவாதிகள், சதிகாரர்கள், ஏமாற்றுக்காரர்கள், வணிக பொருள்களை திருடுபவர்கள், படிப்பறிவு இல்லாதவர்கள், நிலப்பிரச்சனைகளிலே காலத்தை கழிப்பவர்கள்.
  6. சாணார்கள் சோம்பேறிகள், மந்தபுத்தி உடையவர்கள், அவர்களின் குழந்தைகள் அல்லது உறவினா;கள் காலரா நோயால் சாகும் தருவாயில் இருந்தால்கூட, விழித்திருந்து அவர்களுக்கு ஊழியம் செய்யாமல் தூங்கும் தன்மை உடையவர்கள்.
  7. சாணார்கள் சுய சிந்தனை அற்றவர்கள். சுயமாக சிந்திக்காமல் தங்களுடைய முன்னோர்கள் செய்த / கூறிய செயல்களுக்கே மதிப்பு கொடுப்பவர்கள். தங்களின் வாழ்நாளில் பாதியை சோம்பேறித்தனமாகவே கழிப்பவர்கள். எந்த தொழிலை செய்தாலும் இவர்களுக்கு அதனை பூரணமாக செய்யும் திறமை கிடையாது. கடனில் மூழ்கி இருப்பவர்கள், ஏழைகள்.
  8. நீக்ரோ அடிமைகளை விட சாணார்கள் அறிவாற்றலிலும், செயல்திறனிலும் தாழ்ந்தவர்கள்
  9. அத்துடன், திராவிடர்கள் மத்திய ஆசியாவிலிருந்து ஆரியர்களுக்கு முன்பு இந்தியாவில் குடியேறியவர்கள் -வந்தேறிகள்,
  10. அவர்களின் இந்திய தமிழ்மொழி யுக்ரயின் (Ukraine) நாட்டு பகுதிகளில் பேசப்படும் ஸ்கைத்திய மொழி குடும்பத்தைச் சார்ந்த (வந்தேறி), மொழியென்றும் அடையாளம் காட்டியுள்ளார்.

Shanars - how Robert Caldwell treated-2

பெரும்பாலான சாணார்கள் மதம் மாறாதலால், கிருத்துவப் பாதிரிகள் அவர்களுக்கு விரோதமான கருத்துருவாக்கத்தை ஏற்படுத்தினர்: சாணார்கள் கிருத்துவர்களின் இந்துவிரோத பிரச்சரத்தினால், சுயகௌரவம் அதிகமாகியது. தாங்கள் “பத்ரகாளியம்மனின் வழிவந்தவர்கள்” என்பதை அவர்கள் கிண்டலடிப்பதை எதிர்த்தனர். இதனால், நாளுக்கு நாள் அவர்களது இந்து-உணர்வு அதிகமானது. இதனால், கால்டுவெல் மட்டுமல்ல, சார்லஸ் மீட் போன்ற பாதிரிகளும் அவர்களைப் பற்றி மோசமான கருத்துகளையே கொண்டனர்[3]. “ஏசுகிருஸ்துவை ஏற்கும் இந்து சர்ச் பெருமளவில் லாபமடையவில்லை. இருப்பினும் நாடார் ஜாதி சுயசிந்தனை உருவாக்க உதவியது. கால்டுவெல் மற்றும் கியர்ன்ஸ் எதிராக சட்டாம்பிள்ளை தனது குறும்புத்தகத்தை 1857ல் வெளியிட நிதியுதவி கிடைக்கவில்லை….. இருப்பினும் 75 ஆண்டுகளுக்குப் பிறகு அது வெளியிடப்பட்டது”. சாணர்களை மதம் மாற்றும் முயற்சிகளில் ராபர்ட் கால்டுவெல் மற்றும் சர்ச்சுகள் அதிக அளவில் வெள்ளிப் பெற முடியவில்லை. கல்கத்தா பிஷப் திருநெல்வேலிக்கு 1865ல் வந்தபோது, “நாடார்கள் ராஜபுதன வீரர்களைப் போன்ற இனம் என்று கருதிக் கொள்லும் உணர்வு ஏற்பட்டுள்ளது. ஆனால், இவர்களது மூதாதையர்கள் பனைமரம் மேறும் ராஜாக்களாக இருந்திருக்கின்றனர்”, என்று விமர்சித்தார். மாறாக மற்ற ஜாதியர்-சாணார்களுக்கு இடையில் மோதல்கள் ஏற்பட்டன[4]. இதனால், கால்டுவெல்லுக்கு அவர்களின் மீது அதிகமானவெறுப்பு ஏறட்டது. கலவரம் நடந்த நிலைகளில் ஆங்கில அரசே அத்தகைய சட்டமீறல்கள் முதலியவற்றை விரும்பவில்லை.

Shanars - how Calcutta bishop commented in 1865

நாடார்கள் போட்ட வழக்குதோல்வியும், வெற்றியும்: ஆங்கிலேயர் Act XX of 1863ன்படி, கோவில்களை நிர்வகிக்கும் பொறுப்பை தனி நபர் மற்றும் கமிட்டிகளிடம் விட்டு விட்டது. இதனால், வைதீக-ஆகம-சாத்திரங்களின் படி, நிர்வாகிக்கப் படும் நிலையில் சில சட்ட-திட்டங்களை ஏற்ப்டுத்தினர். அதனால் தான், குறிப்பிட்ட சமூகத்தினர், குறிப்பிட்ட சடங்குகளை, கிரியைகளை செய்யலாம் கூட்டாது போன்ற விதிமுறைகள் ஏற்படுத்தப் பட்டன. அந்நிலையில், கோவில்களில் நுழையவும் விதிமுறைகள் ஏற்பட்டன, ஆனால், சிலவற்றில் அவை முறையாக இருக்கவில்லை. இந்துக்களின் ஒரு பிரிவினர் கால்டுவெல்லின் பொய் பிரச்சாரத்தை உண்மை என நம்பி, சாணார்களை இழிந்த சாதியினர் எனவும், அவர்களை திருச்செந்தூர் முருகன் கோயிலுக்குள் அனுமதிக்கக்கூடாது என்று, தடுத்ததால், ஒரு வழக்கு நாடார்களுக்கு எதிராக ஸ்ரீவைகுண்டம் நீதிமன்றத்தில் பதிவு செய்யப்பட்டது (OS நம்பர் 88 of 1872 / Case no.88 of 1872 of Tinnevelly District Magistrate). ஈரோடு மாவட்டம் பாசூர் மடாதிபதி அய்யாச்சாமி தீட்சிதர் கால்டுவெல் பாதிரியாரின் பொய் பிரச்சாரத்தை கடுமையாக எதிர்த்து,அவர்கள் ஸ்ரீலங்காவிலிருந்து குடியேறியவர் அல்ல என்று எடுத்துக் காட்டினார். மேலும், அவர்கள் தமிழகத்தை ஆண்ட பாண்டிய குலத்தை சார்ந்தவர், சத்திரியர் என ஸ்ரீவைகுண்டம் நீதிமன்றத்தில் சாட்சியம் அளித்தார். அதனால், ஆலய பிரவேச தடுப்பு வழக்கு தள்ளுபடி செய்யப்பட்டது. இதேபோல, கமுதி மீனாட்சி சுந்தரேஸ்வரர் கோயில் ஆலய பிரவேச வழக்கில் (OS 33/1898) தில்லைவாழ் (தீட்சிதர்) அந்தணர், பாசூர் அந்தணர், மதுரை சார்பு நீதிமன்றத்தில் சாட்சியம் அளித்தனர்.. நாடார்களுக்கு எதிராக நீதிமன்றத்தில், கால்டுவெல் அவர்களின் பிரசுரங்கள் முன் ஆதாரங்கள்க வைக்கப்பட்டன. இவ்வழக்கினை விசாரித்த நீதிபதி, நாடார்களுக்காக சாட்சியம் கூறிய தீட்சிதர்களையும், பாசூர் அந்தணர்களையும் கடுமையான அவமதிப்பிற்கு உள்ளாக்கினர். அதனால், நாடார்கள் தண்டிக்கப்பட்டனர்.

© வேதபிரகாஷ்

10-10-2018

Shanars - how Calcutta bishop commented in 1865

[1] Robert Caldwell, The Tinnevelly Shanars: A Sketch of Their Religion and Their Moral Condition, and Characteristics as a Caste. With Special Reference to the Facilities and Hindrances to the Progress of Christianity Amongst Them, London, 1849.

[2] Michael Bergunder, Heiko Frese, and Ulrike Schröder (Edited by), Ritual, Caste, and Religion in Colonial South India, Verlag der Franckeschen Stiftungen zu Halle, 2010, p.139

[3] Robert L. Hardgrave.Jr,  The Nadars of Tamilnad – The Political Culture of a Community in Change, University of California Press, Berkeley and Los Angeles, 1969, p.58.

[4] Anthony Good, The Car and the Palanquin: Rival Accounts of the 1895 Riot in Kalugumalai, South India, Modern Asian Studies 33, 1 (1999), pp. 23–65. 1999 Cambridge University Press Printed in the United Kingdom .